ss

Monday, January 21, 2019


மன்னிப்பு

மன்னிப்பு என்பது உன்னத தத்துவம்!

அதைப் பெறுவோர் தங்கள்  தவறுகளை நினைந்து வருந்தித் திருந்தியவர்களாகவும் விளைவுகளை மனப்பூர்வமாக ஏற்றுக்கொள்பவர்களாகவும் இருக்கவேண்டும்!

மன்னிப்புக் கொடுப்போர் அதற்குத் தகுந்த தகுதி உடையவர்களாக இருத்தல் வேண்டும்!

திருந்தாதவர்களை மன்னித்தால் அது தவறு செய்தவர்களுக்குப் பரிசாகவும் பாதிக்கப்பட்டவர்களுக்கு தண்டனையாகவும் அமையும்!

Monday, February 26, 2018

எனது மொழி 234

பாவச் செயல்

ஒருவருக்கு எத்தகைய உதவியை எந்தச் சூழலில் செய்தாலும் அதற்கு ஒரே ஒரு நிபந்தனையை மட்டும் விதிக்கலாம்.

அவர் ஒரு சிறந்த பண்பாளராக நடந்துகொள்ளவேண்டும் என்பதுமட்டுமே அது!

மாறாக அவருடைய அடிப்படை உரிமைகளின் பக்கம் திரும்பிப் பார்ப்பதுகூட பாவச் செயலுக்குச் சமம் ஆகும்! 

Sunday, December 31, 2017

எனது மொழி (233)

உண்மையான தேசபக்தர்களும் சமூக சிந்தனையாளர்களும் தமிழ்நாட்டு நிலையை நினைத்து இன்று அடையும் துயரை நான் பகிர்ந்து கொள்கிறேன்

இப்போது நடப்பவற்றையும் இனி நடக்கப்போகின்றவற்றையும் நினைத்து தலைகுனிகிறேன்!

நாடும் நல்லோரும் தலைநிமிரும் காலம் வரட்டும்!