ss

Monday, May 14, 2012

மரம் ( 2 )




அரசுக்கு ஒரு யோசனை 



நண்பர்களே!


நான் மரம் வளர்ப்பு பற்றி இப்போது சொல்லப்போகும் யோசனைகள் அரசின் கவனத்துக்குச் சென்று அதன் தொடர்ச்சியாக உரிய நடவடிக்கை எடுக்கப்பட்டால் அதை விட ஒரு நல்ல செயல் வேறு இருக்க முடியாது.


ஆதாவது எந்தவிதமான பெரிய செலவும் இல்லாமல் ஒரு சட்டத்தின் மூலம் நாட்டில் கோடிக்கணக்கான மரங்கள் உடனே நடுவதற்கான யோசனை இது. 

நண்பர்கள் மனது வைத்தால் இந்த செய்தியைக் காணும் ஒவ்வொருவரும்.இதை மற்ற நண்பர்களுடன் பகிர்ந்து கொள்வதன் மூலம் நாடு முழுக்க ஏன் உலகு முழுக்க இந்த செய்தியைப் பயனுள்ள முறையில் கொண்டு செல்வதன் மூலம் பெரும் சாதனையே செய்ய முடியும்.




நாட்டில் உள்ள அனைத்துப் படடா நிலங்களிலும் நன்கு வரட்சியைத் தாங்கி உயிர் வாழக்கூடிய ஏதாவது பயனுள்ள மரங்கள் ஒரு ஏக்கருக்கு ஐந்து வீதம் கண்டிப்பாக நட்டு வளர்க்கவேண்டும். (தோப்புகளைக் கணக்கில் சேர்க்கக்கூடாது)



அப்படி வளர்க்கப்படாத நிலங்கள் அனைத்தின் உரிமையும் தாற்காலிகமாக நிறுத்தி வைக்கப்பட வேண்டும். குறிப்பட்ட தேதி அறிவிக்கப்பட்டு அந்தத் தேதிக்குள் மரக் கன்றுகள் நடப்பட வேண்டும். 

அதன்பின்பு அந்த நிலங்களை வாங்கவோ விற்கவோ வேண்டுமென்றால் அந்த அறிவிக்கப்பட்ட தேதியில் நடப்பட்ட மரக்கன்றுகள் குறிப்பட்ட வயதுடையதாக இருக்கவேண்டும் அல்லது கன்றுகள் நட்டு இவ்வளவு வயதுள்ள மரக்கன்றுகள் இருக்கும் நிலங்கள்தான் விற்கவோ வாங்கவோ முடியும் என்று அறிவிக்கவேண்டும்.

அதேபோல ரியல் எஸ்டேட்டுக்காக வாங்கப்பட்டு சைட்போட்டு விற்கப்படும் நிலங்கள் அனைத்தும் பத்து சென்டுக்குக் குறையாத ஒரு சைட்டுக்கு ஒரு மரம் அவசியம் இருக்கவேண்டும் என்று நிர்ணயிக்க வேண்டும். அதைவிடக் குறைவான அளவுள்ள சைட்டுக்கு ஒரு மரம் என தெருக்களில் மரம் நட்டுக் காப்பாற்றவேண்டும் என்ற விதி இருக்கவேண்டும்.

அதேபோல தொழிற்பயன்பாட்டுக்கு என்று வாங்கிப் போட்டுப் பலகாலம் சும்மா இருக்கும் நிலங்களிலும் ஏக்கருக்கு இத்தனை மரங்கள் இருக்கவேண்டும் என்பதை விதியாக்கவேண்டும்.

அதேபோல அரசுப் புறம்போக்கு மற்றும் ஏரி குளங்களின் ஓரங்கள் ஆற்றங்கரைகள் கடற்கரைகள் ஆகிய பகுதிகளில் மரங்ளை நட்டுக் கொடுத்து அதைக் காப்பாற்றுவோருக்கு ஒரு மரத்துக்கு இவ்வளவு என்று சன்மானமாகக் கொடுப்பதுடன் அவற்றில் விளையும் காய் அல்லது கனிகளை அவர்களே அனுபவிக்க உரிமை கொடுக்கலாம்.

அதேபோல கடும் வரட்சியைத் தாங்கி வாழக்கூடிய மூலிகைப்பண்புள்ள தாவரங்ளையும் கள்ளி, புதர். போன்ற பாரம்பரியத் தாவர வகைகளையும் அரசுப் புறம்போக்கில் நட்டுப் பராமரிப்போருக்கு நட்டுக்கொடுப்பதும் ஊக்கத்தொகையும் அனுபவிக்கும் உரிமையும் என்று உதவி ஊக்குவிக்கலாம்.

நாளைய உலகும் மக்களும் நமது சந்ததிகளும் வளமுடன் வாழவேண்டுமென்றால் நிலங்கள் பாலைவனம் ஆகாமல் தடுக்கப்படவேண்டும் என்றால் மழை நன்கு பெய்து பசுமை பூத்துக் குலுங்கவேண்டுமென்றால் அரசுகளுக்கு இதைவிட வேறு முக்கியக் கடமை இருக்கமுடியாது.

பெரும்பகுதி வெறும் சட்டத்தால் மட்டும் சாதிக்கக்கூடிய இந்த யோசனைகளை அரசு ஏன் ஏற்கக்கூடாது?

2 comments:

  1. நல்ல யோசனை தான். எனக்கு நீண்ட நாட்களாக தோணும் ஒரு யோசனை உண்டு. என்னவென்றால், முடிந்தவர்கள் குறைந்தது ஒரு இருபத்தைந்து ஏக்கர் நிலத்தில் அனைவரின் கூட்டு முயற்சியால் பூங்கா போன்ற அமைக்க ஏற்பாடு செய்யலாம் , விரும்புபவர்கள் அவரவர்களுக்கு பிடித்த மரக்கன்றுகளை நட அனுமதித்து [குறிப்பிட்ட தொகையை பெற்றுக்கொண்டு- வளர்பதற்கு தேவைப்படும்] மரங்களை வளர்த்து பராமரிக்கலாம்.

    மரம் வளர்க்க பிரியப்பட்டு இடம் இல்லாமல் இருப்போர்கள் இங்கு மரம் நடலாம் , வேண்டும்மானால் இம்மரத்தை நட்டவர்கள் என்று பெயர் தேதி மரதிர்ற்கு முன் குறித்து வைக்கலாம். இவ்வாறு பல பேர் மரம் நட்டு வளர்ந்த பின் அது பொழுது போக்கு பூங்காவாக இருக்கும்.

    இதை ஏற்படுதியவர்ற்கு மரம் நட்டு வளர்க்க கட்டணமும் , பிறகு பூங்காவாக மாறும் பொழுது நுழைவு கட்டணமும் பெற்றுக்கொள்ளலாம். அரசும் உதவி செய்யாவிட்டாலும் வங்கியில் இருந்து நீண்ட நாட்களுக்கு உரிய கடன் கொடுக்கலாம்.

    ReplyDelete
  2. நல்ல யோசனை நண்பரே! நன்றியும் வாழ்த்துக்களும்!

    ReplyDelete