ss

Monday, August 27, 2012

தமிழும் தமிழ்நாடும் ( 3 )


தாய் மொழியின் அருமை!

தற்காலத்தில் தாய்மொழியான தமிழ்மட்டும் படித்தால் தாம் விரும்பும் ஒருவேலையோ கைநிறைய ஊதியமோ கிடைக்காது என்கின்ற நிலையில் ஆங்கில மொழியைக் கற்கிறார்கள்.

ஒரு மொழியாகமட்டும் அல்லாமல் அனைத்துவகைக் கலைகளையும் தொழில் நுட்பத்தையும் ஆங்கிலத்திலேயே கற்கிறார்கள்.

அதன் காரணமாக ஆங்கில மொழிபப் பழக்கம் படிப்பிலும் தொழிலும் என்பதைத் தாண்டி மக்கள் மத்தியிலும் தாக்கம் செலுத்துகிறது. 

ஆங்கில மொழியைக் கையிளும்திறனுள்ள அளவு ஒருவர் சமூக அந்தஸ்தில் உயர்ந்தவராகக் கருதும் போக்கும் வளர்ந்து.

அதன்காரணமாக தாய்மொழியைக் கையாள்வதே கவுரவக் கரைச்சல் என்று நினைக்கப் போய் இப்போது உண்மையிலேயே தாய் மொழியையே சிறப்பாகக் கையாளத் தெரியாமல் போய்விட்டது.

அதனால் இந்த சமூக வலைத்தளங்களில் கூட நிறையப் பேர் திறனாளிகள்கூடத் தாங்கள் சொல்ல நினைப்பதைத் தாய்மொழியிலும் சொல்லத் தெரியாமல் ஆங்கிலத்திலும் சொல்ல வருவதை முழதாகச் சொல்ல முயடியாமல் தவிக்கிறார்கள்.

அதன்காரணமாகத் தாங்கள் சொல்ல விரும்புவதைச் சொல்வதற்குப்பதிலாக ஆங்கிலத்தில் தெரிந்த வார்தைகளில் தெரிந்த விதத்தில் பதிவதை வழக்கமாக்கி;க் கொண்டார்கள் என்றே தெரிகிறது.

அதனால்தான் தமிழில் சொல்பவர்கள் அளவுக்கு ஆங்கிலத்தில் சொல்பவர்கள் விரிவாகவும் தெளிவாகவும் விவாதிப்பது இல்லை. அதனால் ஆங்கிலத்தில் செய்யப்படும் விவாதங்கள் சாரமற்றுப் போய்விடுகின்றன.

அப்படிக் கஷ்டப்பட்டு ஆங்கிலத்தில் பதியும் பதிவுகள் படிப்பதற்குச் சுவையற்றிருப்பதால் ஈடுபாட்டுடன் படிக்கமுடிவதும் இல்லை.

அதனால் அவர்கள் சொல்வதைப் படிப்பவர்கள் குறைவாகவே இருக்கமுடியும். பின்னூட்டங்களும் சும்மா ஒன்றிரண்டு உப்புச் சப்பில்லாத வார்த்தைகளில் முடித்துக்கொள்கிறார்கள்.

ஆகத் தாய்மொழியை இழந்த அளவுக்கு ஈடாக ஆங்கிலத்தையும் அடையாமல் பெரும்பாலேர் இரண்டுங் கெட்டானாகவே வலம் வருகிறார்கள் என்று நினைக்க வேண்டியதாக உள்ளது.

என்னதான் ஆங்கிலத்தில் நிபுணராக இருந்தாலும் தாய்மொழி நன்கு அறிந்தவர்போல் தமிழறிந்த மற்றவர்கள் உள்ளங்களை ஈர்க்க முடிவது கடினம் என்பதே உண்மை!


3 comments:

  1. நல்ல பதிவு! பாராட்டுக்கள்!!

    //ஆங்கில மொழியைக் கையிளும்திறனுள்ள அளவு ஒருவர் சமூக அந்தஸ்தில் உயர்ந்தவராகக் கருதும் போக்கும் வளர்ந்து.

    அதன்காரணமாக தாய்மொழியைக் கையாள்வதே கவுரவக் கரைச்சல் என்று நினைக்கப் போய் இப்போது //

    நமது தமிழ்மக்களிடம் ஆங்கிலத்திற்கு இந்நிலையிலான ஈர்ப்பு இருப்பதால்தான்..
    அன்றாடப் புழக்கத்தில் தாய் மொழிக்கு மாற்றாய் இருக்கும் ஒரே மொழியாய் ஆங்கிலம் இருக்கும்போதே தாய்மொழிக்கு இவ்வளவு நெருக்கடி ஏற்படும் எனில்..அதோடு இன்னொருமொழியின் மோகத்தைச் சேர்த்தால் ..அதுவும் அம்மொழியின்பால் மோகத்தைவளர்க்க அரசே செலவிடும்/ பாடுபடும் என்ற நிலை இருந்ததால் தான்/ இருப்பதால்தான்... அப்படிப்பட்ட காலம் வந்தால் சொந்தமக்களிடையேயே தமிழ் மூன்றாமிடம் பெரும் என்ற அச்சத்தாலேயே
    'இந்தி மொழி' எதிர்ப்பு அவசியமாயிற்றே தவிர அம்மொழிமீதான வெறுப்பு அல்ல.

    ReplyDelete
  2. நன்றி நண்பர்களே!

    ReplyDelete