ss

Sunday, September 2, 2012

எனது மொழி ( 65 )

அறிவியல்


அணுக்கள் என்பது நாமறிந்த அடிப்படை கூறு!

அது பல்வேறு விதமாகக் கூடியும் பிரிந்தும் பல்வேறு மட்டங்களில் பல்வேறுவிதமாக இயக்கங்களாக வெளிப்படுகிறது.

அத்தகைய ஒரு இயக்கக்கூறுதான் நாம்! மற்றும் நாம் காணும் அனைத்தும்!

இந்த அண்டத்தில் சில இயங்காமல் நிலைத்திருப்பதுபோல் சிலநிலைகளில் உணரப்பட்டாலும் அவற்றை வெகு அருகில் சென்று பார்த்தால் அவையும் இயங்கிக்கொண்டு இருப்பது தெரியும்.

அப்படிப்பட்ட பல்வேறு இயக்கங்களின் பல்வேறுவிதமான இயங்கு முறைகள்தான் விதிகள் எனப்படும். நம்மைச் சுற்றி நிகழும் எல்லாம் எண்ணற்ற விதிகளின் படிதான் நடக்கின்றன.

அந்த விதிகளைத்தான் நாம் நிறையக் கண்டுபிடித்திருக்கிறோம்.

கண்டுபிடிக்க இயலாததையும் கண்டுபிடிக்க முயன்று கொண்டு உள்ளோம்.

நாம் வாழும் பூமியிலும் அதற்கு வெளியிலும் நிலவும் அத்தகைய விதிகளின்படி  இயங்கும் இயக்க ஆற்றலை மனித இனமாகிய நாம் நமது தேவைகளை நிறைவேற்றிக்கொள்ளப் பயன்படுத்துகிறோம்.

அந்தக் கலைக்குப் பெயர்தான் அறிவியல்!


அறிவியல் எத்தனையோ கண்டுபிடிப்புகளை நிகழ்த்தியுள்ளது. இன்னும் எத்தனையோ கண்டுபிடிக்கப்பட வேண்டியுள்ளது. 

ஆனால் அறிவியல் அனைத்தையும் கண்டுபிடித்து முடிக்கும்வரை அபத்தமான கற்பனைகளை முழு உண்மை என்று நம்பவைக்க முயலும் போக்கு எப்போதும் நடந்துகொண்டுதான் உள்ளது! 

நாம் இன்னும் அறியாமல் இருக்கும் எத்தனையோ அறிவியல் விதிகளைப் பற்றிக் கேள்வி எழுப்புவதால் அத்தகைய கண்டுபிடிக்கப்படாத விதிகள் எல்லாவற்றுக்கும் மூடநம்பிக்கைகளை உரிமையாளர் ஆக்குவது போலி ஆன்மிகவாதிகளின் ஏமாற்றுவேலை ஆகும்!

ஆன்மிகத்தை மூடநம்பிக்கைகளில் இருந்து விடுவிக்க முயல்வதே முதல் கடமையாக இருக்கவேண்டும்! 

No comments:

Post a Comment