எனது மொழி ( 184 )

முதல் அடி! 

ஒவ்வொருவர் வாழ்விலும் இரண்டு அம்சங்கள் தவிர்க்க முடியாதவை. 

ஒன்று தனிநபர் வாழ்க்கை. இரண்டாவது சமூக வாழ்க்கை. 

இந்த இரண்டு பாத்திரங்களும் ஒன்றையொன்று சார்ந்தவை. 

இந்த இரண்டு பாத்திரங்களும் சிறப்பாக இருக்குமளவு ஒரு நாடும் உலகமும் மேலானதாகவும் இருக்கும். ஆனால் 

துரதிருஷ்டவசமாக நமது நாட்டில் இந்த இரண்டு பாத்திரங்களும் சிறப்பாக இல்லை. 

அதன் விளைவுகளைப் பார்க்கிறோம். 

இதில் மாற்றம் எதில் துவங்குவது என்று பார்த்தால் இரண்டுமே முக்கியம்தான். 

ஆனால் ஒன்றை கவனிக்க வேண்டும். 

அடிமரமும் கிளைகளும் ஒன்றையொன்று சார்ந்ததாக இருப்பினும் கிளைகளில் ஏற்படும் பாதிப்புகள் அடிமரத்தில் ஏற்படுத்தும் விளைவுகளைவிட அடிமரத்தில் ஏற்படும் பாதிப்புகள் கிளைகளில் ஏற்படுத்தும் விளைவுகள் கடுமையானவையும் கூடுதலானவையும் வேகமானவையும் ஆகும். 

காரணம் ஒவ்வொரு கிளையும் அடிமரத்துடன் இணைக்கப்பட்டுள்ளன. 

சமூக வாழ்க்கை அடிமரத்தைப் போன்றது. 

தனிநபர் வாழ்க்கை கிளைகளைப் போன்றது. 

அதனால் சமுதாயத்தில் பெருத்த மாற்றங்களை ஏற்ப்படுத்த வேண்டுமானால் முன்னோடிகள் முதலடி கொடுக்க வேண்டியது சமூக வாழ்வுக்கே! 

அதில் ஏற்படும் நல்ல மாற்றங்கள் விரும்பினாலும் விரும்பாவிட்டாலும் ஒவ்வொருவரையும் கட்டுப்படுத்தும்!....

எனது மொழி ( 183 )

நடக்குமா!

பாலியல் வன்கொடுமைக்கு ஆளான எத்தனையோ பெண்கள் அது வெளியே தெரிந்தால் கிடைக்கும் நியாயத்தைவிட அடையும் அவமானத்தை நினைத்து தங்களுக்குள்ளேயே மூடி மறைத்து வெந்து மடிந்துகொண்டிருப்பதாகவே நினைக்கிறேன்.....

 அப்படி இல்லாமல் அனைத்துக் குற்றச் செயல்களும் வெளிவந்து ஒழிக்கப்படவும் வேண்டுமானால் பாலியல் கொடுமைக்கு ஆளான பெண்களுக்கு மற்ற பெண்களுக்குக் கொடுக்கும் சமூக அந்தஸ்தைக் குறைவில்லாமல் கொடுக்க வேண்டும். 

அது நடக்குமா?

எனது மொழி ( 182 )

ஞானிகள்...

ஒவ்வொருவரும் இரண்டு விதமான பாத்திரத்தை ஏற்று வாழ்கிறோம். 

ஆதாவது பிறரிடம் இருந்து கற்றுக்கொள்ளும் நிலையில் மாணவராகவும் பிறருக்கு சில விஷயங்களை வெளிப்படுத்தும்போது ஆசானாகவும் விளங்குகிறோம். 

அப்படிப் பார்க்கும்போது எத்தகைய ஞானிகளும்  அதற்கு விதிவிலக்கு அல்ல! 

இந்த இரண்டு பாத்திரங்களில் எதில் அதிகம் நிலைபெற்றிருக்கிறோம் என்பதில்தான் சிறப்பு அடங்கியிருக்கிறது! 

எனது மொழி ( 181 )

யார் தண்டிப்பது?...

முப்பது வருடங்களுக்கு முன்னால் நடந்த போபால் விஷ வாயு துயரம் பற்றி நேற்று நேஷனல் ஜியாக்ரபி சேனலில் இரவு பத்தரை மணிக்கு ஒளிபரப்பானதைக் கண்டேன்....

பல்லாயிரக்கணக்கான மக்கள் உடனேயும் தொடர்ந்தும் பலியானதும் லட்சக்கணக்கான மக்கள் தங்கள் வாழ்க்கையை இழந்ததும் இன்றும் ஏராளமானவர்கள் செத்துக்கொண்டிருப்பதும் நடைப்பிணமாக வாழ்வதும் நினைத்தாலே பதறச் செய்பவை! 

அதற்கான குற்றவாளிகள் யூனியன் கார்பைட் நிர்வாகத்தினர் என்பதைவிட நமது அரசுகள்தான் என்பது தெளிவாக விளங்கியது!......

யார் தண்டிப்பது? இழப்பை யார் ஈடு செய்வது? 

அத்தகைய குற்றவாளிகள் இன்றும் தங்களை யோக்கியர்கள் என்று சொல்லிக்கொண்டு அரசியல் நடத்தவே செய்கிறார்கள்!  மக்களை ஆளவும் செய்கிறார்கள்!

நமது மக்கள் எப்போது உண்மைகளை உள்ளபடியே உணர்வார்கள்?.....

சிறு கதைகள் ( 19 )

மாமியார்!....

சுதாகருக்கு விடுப்பு கிடைக்கவில்லை!

ஆனால் அவன் மனைவி சுதா ஊருக்குப் போக மிகவும் நச்சரித்துக்கொண்டு இருந்தாள்.

கல்யாணம் முடிந்து ஒரு வருடம்கூட ஆகவில்லை. அதனால் பெற்றோர் ஞாபகம் அதிகமாக இருப்பது நியாயம்தானே!

கடைசியில் சுதா ஊருக்குப் போய்வருவதென்றும் மாமியார் அன்னபூரணி துணைக்குப் போய் வருவதென்றும் முடிவாயிற்று! 

அது சுதாவுக்கு இஷ்டமில்லை என்றாலும் வேறு வழி இல்லை! 

அவளைத் தனியாக அனுப்ப யாருக்கும் விருப்பம் இல்லை! 

ஊருக்கும் வந்தாயிற்று.

விசாரிப்புகள் முடிந்ததும் கொஞ்ச நேரம் பேசிக்கொண்டிருந்துவிட்டு படுக்கப் போய்விட்டார்கள்...

மறுநாள் பிற்பகல் சுதாவும் மாமியாரும் திரும்ப ஊருக்குப் புறப்பட்டார்கள்...

சுதாவின் அப்பா அம்மாவுக்கு மகளும் மருமகனும் வராமல் அவளுடைய மாமியாரை அழைத்துக்கொண்டு வந்தது பெரிய குறையாக இருந்தது. 

அதற்குத் தகுந்தாற்போல வந்த சம்பந்தியம்மா எதோ சில வார்த்தைகள் பேசியதைத் தவிர அதிகமாகப் பேசவில்லை! 

அவர்களுடன் அதிகமாக ஒட்டவும் இல்லை! 

தனியாக ஒதுங்கி ஒதுங்கிப் போய்விட்டார். அல்லது தனியாகப்போய்ப் படுத்துக் கொண்டார்! 

அது சுதாவின் அம்மா மனத்தைக் குடைந்துகொண்டே இருந்தது! 

இங்கேயே இப்படிப் பாராமுகமாக இருக்கும் சம்பந்தியம்மா ஊரில் மருமகளுடன் எப்படி இருப்பாரோ என்ற பயம் பிடித்துக்கொண்டது! 

சுதா  அப்படி எதுவும் சொல்லாவிட்டாலும் தாய் மனதுக்கு நம்பிக்கை வரவில்லை! 

சம்பந்தியம்மாவின் பெயரில்தான் சொத்துகள் இருந்தன. வீட்டில் அதிக அதிகாரமும் அந்த அம்மாவுடையதுதான்.

கடைசியில் புறப்படும்போது கேட்டே விட்டார்! 

"சம்பந்தியம்மா! நீங்க வந்ததுல இருந்து எங்களோட கலகலப்பாகவே இல்லே! ஒதுங்கியே போயிட்டீங்க.ஏதாவது மனசுல வருத்தம் இருக்கா? சுதா ஏதாவது தப்புப் பண்ணினாளா? அப்படி ஏதாவது இருந்தா சொல்லுங்க! ஊருல நீங்கதான அவளுக்கு எல்லாமும்?...

"அடடே ! அப்படியெல்லாம் இல்ல சம்பந்தி! நான் ரொம்ப சந்தோசமாத்தான் இருக்கேன். ஊர்ல நாங்க இல்லாம என்ன பண்ணிட்டு இருக்காங்களோ என்ற யோசனைதான். வேறே ஒண்ணும் இல்ல "

"இல்ல இல்ல சம்பந்தி! உங்க மனசுல என்னமோ இருக்கு! சுதா என்ன தப்பு செய்திருந்தாலும் நீங்கதான் உங்க பிள்ளையா நினைச்சு திருத்திக்கணும். இல்லே எங்ககிட்ட வேணும்னாலும் சொல்லுங்க! புத்தி சொல்லி அனுப்புறோம்!..."

" என்ன சம்பந்தியம்மா பெரிய வம்பாப் போச்சு! அப்படியெல்லாம் ஒன்னுமில்லே! மனசுல இருக்குறதைச் சொல்லாம விடமாட்டீங்க போல இருக்கு! "

பார்த்தீங்களா! நான் நினைச்சது சரியாப் போச்சு! சொல்லுங்க! அவளாலையோ எங்களாலையோ  ஏதாச்சும் தப்புத் தவறு இருந்தா சொல்லுங்க! மனசுல வச்சுக்காதீங்க! " சுதாவின் அம்மாவுக்கு தன்னோட மகள் புகுந்த வீட்டில் எந்தக்குறையும்  இல்லாம இருக்கணும்கிறதுல அக்கறை! 

" அட நீங்க ஒண்ணு! அவங்க ரெண்டுபேரும் வந்திருந்தா உங்களுக்கு ரொம்பச் சந்தோஷமா இருந்திருக்குமே அப்படின்னு எம் மனசுல...."

"அதக் கொறையா எப்படி நெனைக்க முடியும் சம்பந்தி? அவங்க அடிக்கடி வரமுடியலேங்கிறது அவங்க தப்பு இல்லியே! "

" அதுமட்டும் இல்ல சம்பந்தி! உள்ளதைச் சொல்லாம உடமாட்டீங்க போல ! "

"நீங்க சொல்லித்தான் ஆகணும்! "

"பெரிய வம்பாப் போச்சு! புள்ள அம்மா வீட்டுக்கு வந்திருக்குறா, பெத்தவங்க கிட்டப் பேச அதோட மனசுல நல்லது கெட்டது ஆயிரம்  இருக்கும்! நான் கூடவே ஒட்டிகிட்டு இருந்தா அவ எப்பிடிப் பேசுவா? எம்மேலையே ஒரு கொறையைச் சொல்ல நெனச்சா நானும் கூடவே தொத்திக்கிட்டு இருந்தா எப்பிடி சொல்லுவா? அவ மனசு எப்பிடி ஆறும்?..."

அதுக்குமேல அன்னபூரணியம்மா பேசியது எதுவும் சம்பந்தியம்மா காதுல விழலே!

கண்ணுல  தண்ணி மட்டும் தாரை தாரையா வந்தது. சுதாவுக்கும்தான்! 

சுதாவோட அம்மாவால ஒண்ணே ஒண்ணு மட்டும்தான் சொல்ல முடிந்தது! 

" சம்பந்தியம்மா! சுதாவுக்கு நான் தாயல்ல, உண்மையான தாய் நீங்கதான்! ......"

பல்சுவை ( 48 )

பெண்ணுக்கு என்ன ஆச்சு?

நண்பர்களே! 

உலகில் ஒவ்வொரு ஆணுக்கும் ஒரு பெண் என்னும் விகிதத்தில்  மக்கள் இருக்கிறார்கள்.

நமது நாட்டிலும் அப்படியே! 

அப்படி இருக்க இப்போது திருமண வயதில் இருக்கும் ஆண்பிள்ளைகளுக்கு பெண் கிடைப்பது அரிதாகிவிட்டதே! 

இது எதனால்? 

முன்பு மாப்பிள்ளை கிடைப்பதுதான் அரிதாக இருந்தது?

எதனால் இந்தத் தலைகீழ் மாற்றம்?

கொஞ்சம் அலசுவோமா?

எக்காலத்திலும் உலகில் ஆண் பெண் தொகை ஏறக்குறைய சமமாகவே இருக்கும். 

ஆனாலும் முன்னர் மாப்பிள்ளைகளுக்கு நமது நாட்டில் இருந்த கிராக்கி என்ன?

இப்போது அது தலைகீழாக மாறிப்போனதென்ன?

காரணம் சற்று ஆழமாக யோசித்தால் விளங்கும்! 

ஆதாவது நமது நாட்டில் முன்பு பெண்கள் மிகக் குறைந்த வயதில் திருமணம் செய்து வைக்கப்பட்டார்கள்.

காரணம் பருவ வயதடைந்த பெண்களை வீட்டோடு அதிக காலம் வைத்திருப்பதைக் கடினமாகவும் ஆபத்தாகவும் இழிவாகவும் கருதினார்கள். 

அதனால் பால்ய விவாகத்தில் துவங்கி அதன்பின்பு பருவம் அடைந்ததும் உடனே திருமணம் முடித்துவிடும் பழக்கத்துக்கு மாறிச் சென்றாலும் முடிந்தவரை குறைந்த வயதில் பெண்ணைக் கட்டிக்கொடுத்து விடுவது என்ற சமூக உணவு தொடர்ந்தே வந்தது. 

அதே சமயம் ஆன் பிள்ளைகள் சம்பந்தமாக அத்தகைய அச்சமோ சிறு வயதிலேயே திருமணம் முடிக்கவேண்டும் என்ற நிர்பந்தமோ இல்லை.

மாறாக திருமணம் முடிந்ததும் குடும்பத்தைக் காக்குமளவு வருவாய் தேடவேண்டிய நிலையில் இருந்தார்கள். 

அதனால் அவர்களின் திருமண வயது பெண்களின் சராசரித் திருமண வயதைவிட அதிகரித்தது மட்டுமல்ல இரு பாலரின் சராசரிகளின் இடைவெளிகளும் அதிகரித்தன.

அதனால் மக்கள் தொகையில் இருபாலரும்  சமமாக இருந்தாலும் திருமண சந்தையில் மாப்பிள்ளைகளுக்குத் தட்டுப்பாடு ஏற்பட்டதும் பெண்களை மலிவாக நினைத்து திருமணச் சந்தையில் விலை பேசப்பட்டதும் நடந்தன. 

ஆனால் சமீபத்திய ஆண்டுகளில் நிலைமை தலைகீழாக மாற்றம் அடைந்தது! 

பெண்கள் கல்யாணம் ஆகும் வரை பெற்றோருக்கும் கல்யாணத்துக்குப் பின்னால் கணவனுக்கும் கடைசிக் காலத்தில் பிள்ளைகளுக்கும் அடிமையாக வாழ்ந்த இழிநிலை  போய் பெண் விடுதலை, பெண் சமத்துவம் என்ற கருத்துக்கள் வெறும் லட்சியங்களாக இல்லாமல் பலமாக எழுந்தன. 

பெண்கள் முடங்கிப்போய் இருந்த நிலை மாறிக் கல்வி கற்கத் துவங்கினார்கள்.

அதிலும் ஆண்களுக்கு இணையாக அல்லது மேலாகக் கற்று பட்டம் பதவிகளைப் பெற்றார்கள்.  

அப்படிக் கல்வி கற்பதற்கும் நல்ல வேலைகளில் அமர்வதற்கும் காலம் நிறையத் தேவைப்பட்டது. 

அதன் காரணமாக அவர்கள் முன்போல மிகக் குறைந்த வயதிலோ பருவம் அடைந்த சில வருடங்களுக்கு உள்ளாகவோ திருமணம் செய்துகொள்வது குறைந்துகொண்டே வந்தது. 

அதன் காரணமாக முன்பு சராசரித் திருமண வயது பதினைந்தில் இருந்து இருபதுக்கு உள்ளாக இருந்த நிலைமாறி சராசரி ஏறக்குறைய இருபத்தியைந்து என்கிற அளவுக்கு உயர்ந்து விட்டது. 

ஆனால் ஏற்கனவே திருமண வயதை சராசரி இருபத்தியைந்திலிருந்து முப்பதுவரை வைத்திருந்த மாப்பிள்ளைகள் அதற்கும் மேல் உயர்த்தமுடியாத நெருக்கடி ஏற்ப்பட்டது. 

அதன் விளைவாகத் தவிர்க்க முடியாமல் பெண்களுக்குத் தட்டுப்பாடு ஏற்படத் துவங்குகிறது. 

அது முதலில் சாதாரணமாகத்தான்  துவங்கியது.

எந்த ஒரு பொருளுக்கும் டிமாண்ட் அதிகமாகும்போது விலை அதிகமாகிறது. 

விலை அதிகமாகும்போது பதுக்கலும் கூடவே நடப்பதால் சந்தையில் அந்தப் பொருளின் மார்கெட் மேலும் செயற்கையாக உயர்வது இயல்பானதே! 

திருமணச் சந்தையிலும் இதுதான் நடந்தது! 

பெண்களுக்குத் தட்டுப்பாடு ஏற்படத் துவங்கியதும் பெண்ணைப் பெற்றவர்கள் இறுக்கிப் பிடிக்கத் துவங்கினார்கள்...

அதனால் திருமணச் சந்தையில் பெண்ணுக்குக் கிராக்கி குறுகிய காலத்தில் உச்சத்தையே எட்டிவிட்டது!....

இதுதான் உண்மையான படப்பிடிப்பு என்று நினைக்கிறேன்! 

அது இனியும் தொடருமா? எத்தனை காலம் இந்தநிலை நீடிக்கும்?

நிச்சயம் நீண்ட காலம் தொடராது! தொடரவும் முடியாது! 

காரணம் சந்தை நிலவரம் என்றுமே நிரந்தரமானது அல்ல! 

உச்சத்தைத் தொட்டபின்னால் சரியாவே செய்யும்.

கல்யாண  மார்கெட்டும் அப்படியே! 

பெண்களின் சராசரித் திருமண வயது மூன்றில் ஒரு பங்கு உயர்ந்ததன் காரணமாகவே பெண்களுக்குக் கிராக்கி ஏற்ப்பட்டது. 

ஆனால் இதற்கு மேலும் பெண்களின் திருமண வயதைக் கூட்டிக்கொண்டே போக முடியாது! 

ஆனால் புதிதாக சந்தையில் நுழைகின்ற சராசரி வயதுள்ள பெண்களின்  எண்ணிக்கையும் ஏற்கனவே திருமண வயதை அடைந்தும் நல்ல மாப்பிள்ளைகளுக்காக பிடிவாதமாகக் காத்திருக்கும் பெண்களுமாகச் சேர்ந்து 

கல்யாணத்துக்காக இருக்கும் பெண்களின் தொகை குறுகிய காலத்தில் அதிகமாகப் போகிறது. 

ஆனால் அந்த அளவுக்கு பிடித்த மாப்பிள்ளைகளின் எண்ணிக்கை அதிகரிக்கப் போவது இல்லை. முன்னர் கைவிடப்பட்ட மாப்பிள்ளைகள் ஏராளமானோர் புதிய மார்க்கெட்டில் நுழையவும் வழி இல்லை! 

அந்த நிலையில் பிடித்த மாப்பிள்ளைகளுக்குக் கிராக்கி ஏற்படத் துவங்கும். 

அதன் தொடர்ச்சியாக, பிடித்த மாப்பிள்ளைகளுக்குப் பதிலாகக் கிடைத்த மாப்பிள்ளை போதும் என்கிற நிலை உருவாகும்! 

அப்புறம் என்ன? கொஞ்ச காலத்துக்கு மாப்பிள்ளைகளின் ராஜ்ஜியம்தான். 

பங்கு வர்த்தகத்தில் காளையும் கரடியும் மாறி மாறி முன்னுக்கு வருவதுபோல கல்யாணச் சந்தையிலும் மாப்பிள்ளைகளும் பெண்களும் மாறி மாறி முன்னுக்கு வருவார்கள். 

வாழ்க்கையே வர்த்தகமாகிபோன சமூகத்தில் திருமண பந்தங்களும் வர்த்தகமாவது தவிர்க்கமுடியாது! 

இது சரியான வாழ்க்கை முறைதானா?

இப்படி வசதியையும் சொத்து சுகத்தையும் ஆடம்பர வாழ்வையும் நோக்கமாகக் கொண்டு நடக்கும் திருமண வாழ்க்கை நடைமுறையில் மகிழ்ச்சி நிறைந்த  நல்வாழ்வாக அமைகிறதா?  

நிச்சயம் கிடையாது!

எண்ணற்ற திருமணங்கள் தோல்வியில் முடிகின்றன. 

நீதிமன்றங்களும் விவாகரத்துக்களுமாக சிதைந்து போகின்றன. 

சிறு பகுதி தவிர ஒரு பெரும்பாகம் மானம் மரியாதை என்கிற கூட்டுக்குள் முடங்கிப்போய் விடுகிறார்கள்... 

இந்த நிலையை மாற்ற முடியாதா? 

நிச்சயம் முடியும்! 

அதற்கு என்ன செய்ய வேண்டும்?

அதற்குச் செய்ய வேண்டியதெல்லாம்   வசதியையும் வருவாயையும் கருத்தில் கொள்ளாமல் இணையப்போகும் இரண்டு உள்ளங்களுக்கும் இருக்கவேண்டிய தகுதிகள் பற்றிச் சிந்தித்து முடிவெடுக்க வேண்டும் என்பதே!

அப்படிப்பட்ட அளவுகோலைக் கொண்டு தாங்களாகவே விரும்பிச் செய்துகொள்ளும் திருமணங்களும் பெற்றோரால் திட்டமிட்டுச் செய்யும் திருமணங்களும் நிச்சயம் சிறப்பாக இருக்கும்! 

அதன் காரணமாகத் திருமண உறவுகள் மகத்தான ஒரு உயர்நிலையை அடையும்!....

உணவே மருந்து ( 96 )

 துணி சொல்லும் தத்துவம்!

நண்பர்களே! 

இந்தப் படத்தில் ஒரே துண்டுத் துணி இரண்டு விதமாகத் தெரிகிறது. 

முதலாவது ஈரமும் சேறும் சகதியும் அப்பி இருக்கிறது.

இரண்டாவது தனியாகத் துணி மட்டும் இருக்கிறது.

இரண்டுக்கும் என்ன வேறுபாடு என்று ஆராய்ந்தால் அதன் முடிவில் அருமையான ஒரு செய்தி கிடைக்கும். 

ஆதாவது முதல்துணி துணியாக இருந்தாலும் அதில் தேவையற்ற சேறும் சகதியும் படிந்திருப்பதால் தேவையற்ற முறையில் மிகவும் கனமாக இருக்கிறது. 

அழுக்காக இருக்கிறது.

பயன்படுத்துவதற்கு பல வழிகளிலும் இடையூறாக இருக்கிறது. 

முடிவில் அந்தத் துணியின் தேவை எதுவோ அந்தத் தேவைக்கு முழுமையாகப் பயன்படாமல் வீணாகத் தூக்கி எறியப்படுகிறது! 

ஆனால் இரண்டாவது துணி அப்படி அல்ல! 

அது சுத்தமாக இருக்கிறது.

எளிதாகப் பயன்படுத்தும் நிலையில் இருக்கிறது.

கனமில்லாமல் கரடுமுரடாக இல்லாமல் அழகாகவும் இருக்கிறது.

அதனால் அது எதற்காக உருவானதோ அந்தப் பயனை முழுமையாகக் கடைசிவரை நிறைவேற்றுகிறது.

கந்தலாகும்வரை மதிப்புக்குரியதாகத் திகழ்கிறது! 

எதற்காக இந்தக் கதை?

இதை வேறொரு கண்ணோட்டத்திலும் பார்ப்போம்! 

நமது மனித உடம்பும் இதுமாதிரி இரண்டு நிலைகளை உடையதாகவே விளங்குகின்றது. 

ஒரு பகுதியினர் இரண்டாவது துணியைப்போல ஆதாவது நல்ல சுத்தமான துணியைப் போல எடை குறைவாக இருக்கிறார்கள்.

மிக்க பயனுடன் சிறப்பான உடல்வாழ்க்கை வாழ எளிதாக இருக்கிறது. 

ஆனால் இன்னொரு பகுதியினர் பல்வேறு காரணங்களால் தங்கள் உடல் எடையைத் தேவைக்கு அதிகமாக வளர்த்துக்கொண்டு அவதிப் படுகிறார்கள். 

அதனால் எந்த மாதிரிவாழ்வு வாழ்வதற்காக உலகில் பிறந்து வளர்ந்து வாழ்கிறோமா அந்த மாதிரி வாழ விருப்பம் இருந்தாலும் முடிவது இல்லை! 

முடிவாகத் தேவையில்லாத பல உடல் உபாதைகளுக்கும் துன்பங்களுக்கும் இலக்காகி ஆனந்தமான வாழ்க்கை வாழ்க்கை வாழ்வதற்காகப் பிறந்தாலும் அற்ப வாழ்வு வாழ்ந்து மறைகிறார்கள். 

அந்த நிலையில் அவர்கள்  துன்பப் படுவதுமட்டுமல்ல, அவர்களைச்  சார்ந்தவர்களும் துன்பப் படுவார்கள்.

அவர்களின்  அறிவாற்றலை நேசிப்பவர்கள்கூட உடல் தகுதியை நேசிக்க முடியாது. 

அழகற்ற மாமிசத்தால் ஆன ஒரு உருவத்தை யார்தான் விரும்ப முடியும்?... 

அதனால் வாழ்வே உடலாலும் உள்ளத்தாலும் நரகமாக மாறிவிடுகிறது!

இந்த நிலை கூடாது என்றால் நமது உடல் தகுதியை முதல் துணியைப்போல அல்லாமல் இரண்டாவது துணியின் நிலையில் எப்போதும் வைத்திருக்க வேண்டும். 

முதல் துணியில் படிந்திருக்கும் அழுக்கையும் சேற்றையும் அடித்துத் துவைத்துக் கழுவிச் சுத்தம் செய்தால் தகுதியுள்ள நல்ல துணியாக மாறும் என்பது போல நமது உடம்பில் அழுக்குகளாகவும் தேவையற்ற சுமைகளாகவும் படிந்துவிட்ட கூடுதல் எடையைக் கடினமான முயற்சிகளாலும் கட்டுப்பாட்டாலும் துடைத்தெறிந்து வாழத் தகுதியுள்ள உடம்பாக மாற்ற வேண்டும். 

குப்பை உணவுகளால் வளர்த்த உடம்பை உழைப்பாலும் பயிற்சியாலும் உணவுக் கட்டுப்பாட்டாலும் பல்வேறு விரதங்களைக் கடைப்பிடிப்பதாலும் கரைத்து நல்ல உடம்பாக மாற்ற வேண்டும். 

கடைசியில் சரியான உணவாலும் குறிப்பாக இயற்கை உணவாலும் உடலுழைப்பாலும் பாதுகாக்கப்படும் நல்ல உடம்பு மட்டுமே எஞ்சி இருக்க வேண்டும். 

அதுதான் நல்ல உடம்பு! 

அதுதான் வாழத் தகுதியுள்ள உடம்பு! 

அதுதான் காண்பவரைக் கவரக்கூடிய உடம்பு! 

அதுதான் ஒருவருடைய மதிப்பையும் மரியாதையையும் சரியாகப் படம்பிடித்துக் காட்டும் வைரம் பாய்ந்த உடம்பு! 

அதுதான் ஒருவரையொருவர் நேசிப்பதர்கான தகுதியுள்ள சரியான உடம்பு!

உடலளவில் நமது வருங்கால லட்சியம் என்ன?

முதல் துணியா? இரண்டாவது துணியா?

எனது மொழி ( 180 )

மகிழ்ச்சிக்குரிய காயங்கள்!

சமூகத்தில் நற்பண்புகள் மிகவும் குறைந்துபோய்விட்ட இக்காலகட்டத்தில் விடாப்பிடியாக சிலர் உயர்ந்த பண்புகளைக் கடைப்பிடிப்பதை வாழ்க்கை நெறியாகக் கொண்டு உள்ளார்கள்! 

ஆனால் அவர்கள் மனம் மகிழ்வதைவிட மனம் புண்படும் வாய்ப்புகள்தான் பல மடங்கு அதிகமாக இருக்கிறது.

அதனால் சமூகத்தில் தங்களின் உயர் பண்புகளுக்குக் கிடைக்கும் வரவேற்பை நினைத்து மனம் மகிழ நினைப்பதைவிட அந்த நிலையிலும் தாங்கள் உயர்பண்புகளைப் பின்பற்றுவதற்கான பரிசாகக் கிடைக்கும் காயங்களை மகிழ்ச்சிக்குரிய விஷயங்களாக நினைத்து அனுபவித்துப் பழகிக்கொள்ள வேண்டும்.
===================================================================

ஏக்கம்!

ஏதாவது செய்யவேண்டும் என்று நினைப்பதும் எதுவும் செய்ய முடியாமல் தவிப்பதும் நல்லோரின் மனப் போராட்டமாகி விட்டது!

நாடே கிரிமினல்களின் காலடியில் கிடந்தால் யார் யாரைக் காப்பாற்றுவது?

கை கொடுப்பது?

ஆளவரும் ஒவ்வொருவரும் துவக்கத்தில் புலிகளாகக் காட்டிகொள்கிறார்கள்.

பின்பு எலிகளாகவும் பெருச்சாளிகாளாகவும் மாறிப் போகிறார்கள்.

காரணம் அவர்களின் பிறப்பிடமே கிரிமினல்களின் கூடாரங்கள்!

உயிருடன் இருக்கும்போது நாயைச் சுடுவதுபோல் சுட்டுக் கொல்ல வேண்டிய நபர்களெல்லாம் செத்தபின்னால் தியாகிகளாகவும் அமரர்களாகவும் சித்தரிக்கப்பட்டு மக்களை ஏமாற்றும் முகமூடிகளாக மாற்றப்படுகிறார்கள்!

வாழவே தகுதியற்ற நபர்களை விட்டுவைப்பதே பாவம் என்பதுபோன்ற நபர்களை உயர்ந்த விருதுகளைக் கொடுத்து மரியாதை செய்கிறார்கள்.

நீதியைக் காக்கவேண்டிய பணியில் நீதியும் நேர்மையும் அற்றவர்கள் நிறைந்திருக்கிறார்கள்.

நாட்டில் குடிமகனாக வாழ்வதே பெருத்த அவமானமாக இருக்கிறது!

இப்படிச் சொன்னதற்காகவே நம்மை ஏதாவது ஒரு நல்ல சமூகம் நிலவுகின்ற ஒரு நாட்டுக்கு நாடு கடத்தப்பட மாட்டார்களா என்று ஏக்கமாக இருக்கிறது!

விவசாயம் ( 86 )

கூட்டுறவு வாழுமா?.....

நண்பர்களே! 

ஒரு கசப்பான உண்மை! 

 கூட்டுப் பண்ணை விவசாயம் செய்ய நமது சட்டங்கள் அனுமதிப்பது இல்லை என்று சொன்னால் ஆச்சர்யமாகவும் அதிர்ச்சியாகவும் இருக்கும்! 

ஆனால் அதுதான் உண்மை!...

 சிலபல விவசாயிகள் சேர்ந்து தங்களுக்குள் ஒரு முறையான ஒப்பந்தம் செய்துகொண்டு அதன் அடிப்படையில் நிலம் வாங்கிக் கூட்டுப்பண்ணை அமைக்க சட்டம் அனுமதிப்பது இல்லை!..

கூட்டுறவே நாட்டுயர்வு என்பது நடைமுறையில் மக்களை கடனுக்கு அடிமைப்படுத்தும் நிரந்தர உத்தியாக மட்டுமே இருக்கிறது!

பலமாகக் கத்துங்கள்! வாழ்க கூட்டுறவு!...

பல்சுவை ( 47 )

சாமிக்கு ஒரு சிக்கல்!....

ஒரு சுவையான பழைய அனுபவம்......

நண்பர்களே! 

ஒரு குறிப்பிட்ட சாமி சக்தியுள்ளது, அதை வேண்டிக்கொண்டால் நல்லது நடக்கும், பூ கொடுத்துவிட்டால் நிச்சயம் மாறாது என்று சொன்னார்கள்....

எனக்கோ ஏராளமான கடன்! 

எவ்வளவு விளைந்தாலும் என்ன விலைக்கு விற்றாலும் தேற முடியாது என்கிற நிலை!

ஆனால் மேலே சொன்னபடி சாமி பூ கொடுத்துவிட்டால் நிச்சயம் நடக்குமல்லவா?

சாமியைச் சரியாகச் சிக்கலில் மாட்டி விட்டேன்!

ஆதாவது வெள்ளை, சிவப்பு நிறங்களில் உள்ளே பூ வைத்து மடிக்கப்பட்ட பொட்டலங்கள் சிலவற்றை சாமி முன்னால் வைத்து நான் கெட்டது :

சாமி! வெள்ளைப்பூ கொடுத்தால் எனக்கு இருக்கும் கடன்கள் பூராவும் இந்த வெங்காய விளைச்சலில் தீர்ந்து போகணும்! 

சிவப்புப் பூ கொடுத்தால் கடன்கள் அடைபட்டதுபோக கணிசமாக மிச்சம் ஆகணும்!......

இது எப்படி?.....

நான் கேட்டது தவறா?....

சொன்ன ஆசாமியும் ஒத்துக்கொள்ளவில்லை! 

சாமியும் சிவப்புப் பூ  கொடுத்தது. ஆனால் ஒப்பந்தப்படி கடன்களைத் தீர்த்துவைக்கவும் இல்லை! கணிசமான காசை மிச்சம் கொடுக்கவும் இல்லை! 

தோட்டத்தை விற்றுவிட்டு வெளியேறினேன்......

(முப்பது வருடங்களுக்கு முன்னால் உண்மையில் நடந்தது)

உணவே மருந்து ( 95 )

உணவும் மதுவும்.....

ஒரு பாட்டில் பிராந்தி உற்பத்திக்கு இரண்டரை கிலோ ஆப்பிள் தேவையாம்.

அத்தோடு இன்னும் ஒரு இரண்டரை கிலோ அளவுக்கு உற்பத்தி செலவும் ஆகலாம்!....

கேள்வி என்னவென்றால் ஒரு பாட்டில் பிராந்தியில் இரண்டரை கிலோ ஆப்பிளில் உள்ள சத்துக்கள் நிரம்பியுள்ளனவா? 

இரண்டரை கிலோ ஆப்பிளைப் பயனற்றதாக்குவதற்கு மேலும் இரண்டரை கிலோவைப் பயனற்றதாக்குகிறோம்! ஆதாவது ஐந்து கிலோ!  

இது எந்தவகையில் நியாயம்? 

இதுபோலவே இன்னும் பல மதுவகைகள் தயாரிப்பதற்கு கோடிக்கணக்கான டன் உணவுத் தானியங்களும் பழ வகைகளும் வீணடிக்கப் படுகின்றன!

அதற்காக இயற்கைக்கு எதிரான செயல்பாடுகளும் கணக்கு வழக்கின்றி நடக்கின்றன.  

மாமிச உற்பத்திக்காக செலவு செய்யப்படும் தானியங்களைப் பார்த்தால் மாமிசத்தின்மூலம் கிடைக்கும் சத்துக்களைவிட அதற்காகச் செலவிடப்படும் தானியங்களின் சத்துக்களும் பயன்களும் மிக அதிகம் ஆகும்!  

உலகில் உற்பதிசெய்யப் படும் பழங்களும் தானியங்களும் நேரடியான உணவுத்தேவைக்காக மட்டும் பயன்படுத்துவது உண்மை என்றால் உலகில் உணவின்றி ஒருவரும் பட்டினி கிடக்கத் தேவை இருக்காது என்பதே உண்மை! 

உணரப்ப்படுமா?....

அரசியல் ( 72 )

அந்நிய முதலீடு!.....

வெளிநாட்டு முதலீடுகளை இந்தியாவுக்கு வரவேற்பதை ஒவ்வொரு ஆட்சியாளர்களும் கடமையாகவே செய்து வருகிறார்கள்! 

ஆதாவது அந்நிய நாட்டவர்கள் நமது நாட்டில் தொழில் துவங்குவதன்மூலம் இன் நாட்டு மக்களுக்கு வேலை வாய்ப்பும் பொருளாதாரமும் பெருகும் என்பது அவர்கள் மக்களுக்குச் சொல்லும் காரணம் ஆகும்!

அதுவே சுத்தப் பித்தலாட்டம் ஆகும்!

அன்னியர் அளிக்கும் வேலை வாய்ப்புகளைவிட மறைமுகமாகப் பறிக்கும் வேலைவாய்ப்புகள்தான் இரட்டிப்பாக இருக்கும்.

காரணம் அவர்களின் முதலீட்டுக்குத் தக்க அளவு தொழிலாளர் எண்ணிக்கை இருக்காது. காரணம் தொழில்நுட்பத்துக்கும் ஆட்குறைப்புக்கும்தான் முன்னுரிமை இருக்கும்.

ஆனால் சுதேசி மூலதனம் மக்களின் வேலை வாய்ப்புகளுக்கு முன்னுரிமை கொடுக்கும்! (இப்போது அதுவும் கேள்விக்குறி ஆகிவிட்டது வேறு விஷயம்) 

அந்நிய நாட்டவர்கள் ஏன் தங்கள் நாட்டில் முதலீடு செய்வதற்கும் மேலாக  நம் நாட்டில் முதலீடு செய்ய விரும்புகிறார்கள்?

ஏன் நமது நாட்டவர் நமது நாட்டில் முதலீடு செய்வதற்கும் மேலாக அயல் நாடுகளில் முதலீடு செய்வது இல்லை? 

                    

தமிழ் நாட்டு மக்கள் தொகையில் கால்பங்குகூட இல்லாத சிறிய நாடுகளெல்லாம் நம் நாட்டில் முதலீடு செய்வது எதனால்? 

நூற்றி இருபது கோடிக்கும் அதிகமான மக்கள் தொகை கொண்ட நம்மால் அது முடியாமல் போனது எதனால்?

நமது நாட்டில் முதலீடு செய்வது வெளிநாடுகளுக்குப் பெருமை என்றால் நமக்கு அது இழிவுதானே?

அத்தகைய இழிவை நாம் ஏன் இரு கை நீட்டி வரவேற்க வேண்டும்?

வெளிநாட்டவர் மூலதனம் என்கின்ற பெயரால் வங்கிக் கணக்கை மட்டும்தான் நமது நாட்டுக்குக் கொண்டு வருகிறார்களே தவிர வேறு என்ன தங்கள் வளங்களை இங்கு கொண்டு வந்து குவிக்கிறார்கள்?

ஆனால் அதற்கு ஈடாக நமது இயற்கை வளங்களைக் கொண்டு , நமது மனித வளத்தைக் கொண்டு உருவாகும் தொழில் உற்பத்தி சாதனங்கள் மூலமாக எண்ணற்ற செல்வத்தைக் கொண்டு செல்கிறார்கள்! 

அவர்கள் கொண்டுவருவது வங்கி இருப்பை மட்டுமே!

ஆனால் கொண்டு செல்வது நமது வளங்கொழிக்கும் செல்வங்களை! 

காரணம் வர்த்தகத்தில் விலை மதிப்பைத் தீர்மானிக்கும் உரிமை கையேந்தும் நம்போன்ற நாடுகளுக்குக் கிடையாது! 

ஒரு நாடு சிறப்பான நிலையில் வல்லமையுடன் விளங்கவேண்டும் என்றால் அதன் வளங்கள் வெளியில் செல்வதைவிட வெளியில் இருந்து உள்ளே வரும் வளங்கள் அதிகமாக இருக்க வேண்டும். 

அல்லது தங்கள் சொந்த இயற்கை வளங்களையும் மனித வளத்தையும் பயன்படுத்தி சொந்த வலிமையை சொந்தக் காலில் உருவாக்க வேண்டும். 

அப்படியில்லாமல் உள்ளே வரும் வளங்கள் குறைவு, ஆனால் அதற்கு விலையாக வெளியே செல்வது அதிகம் என்பது மிக மோசமான அவமானகரமான நிலை ஆகும்! 

அத்தகைய அவமானத்தைத்தான் ஒவ்வொரு ஆட்சியாளர்களும் பெரும் விலை கொடுத்து இந்திய வளங்களையும் மக்களையும் அடகு வைத்து வாங்குகிறார்கள்! 

சிலர் நமது மக்கள் தொகையை அனைத்துப் பிரச்சினைகளுக்கும் காரணமாக முன்வைக்கிறார்கள்! 

அது வடிகட்டிய முட்டாள்தனமான, ஏமாளித் தனமான கருத்து ஆகும்! 

காரணம் இவ்வளவு மக்கள் தொகைக்கும் எந்த நாடும் நமக்கு இலவசமாக எதையும் வழங்கவில்லை! 

நமது செல்வங்களைக் கொள்ளை அடிப்பதன் மூலமாகவும் கடனுக்கு வட்டியாகவும் அசலாகவும் அவற்றுக்கு நம்மூலம்  கிடைக்கும் வருவாய்தான் அதிகம் என்பதை இனியாவது உணரவேண்டும்!....

நமது இயற்கை வளங்களையும் மனித வளத்தையும் அறிவுத் தரத்தையும் பயன்படுத்தி சரியாகத் திட்டமிட்டுச் செயல்பட்டால் உலகின் முன்னனி நாடாக மாற முடியும்! 

அப்படி இல்லாமல் அந்நியன் போடும் எலும்புத் துண்டுகளுக்கு நத்திக் கொண்டிருப்பவர்களை மக்கள் நம்பி இருக்கும் வரை நாடு கேடுகேட்டுத்தான் போகும்! 

போக விடலாமா?....

நம்மை ஆண்ட அந்நியனை விட ஆயிரம் மடங்கு மோசமான உள்நாட்டு அந்நியர்களிடம் இருந்து நாடு விடுதலை பெற்றால் தவிர நிச்சயம் நமது தலைகுனிவு தலைநிமிர்வாக மாறப்போவது இல்லை!...

ஆன்மிகத்தில் ஒரு புதுப் பாதை (39)

ஆன்மிகம்! உண்மையை நோக்கி....

ஆன்மிகம் என்ற பெயரால் உலகத்தில் மக்களுக்குச் சொல்லப்படுகின்ற கோட்பாடுகளுக்கு அளவே இல்லை!

அவை மதங்களின் பெயரால் சொல்லப்படுகின்றன.

வேதங்களின் வாயிலாகச் சொல்லப்படுகின்றன.

மதத் தலைவர்களின் அருள்மொழிகளாகச் சொல்லப்படுகின்றன.

ஆன்மிகச் சொற்பொழிவாளர்களால் சொல்லப்படுகின்றன.

ஆன்மிக இலக்கியங்களின் கதா பாத்திரங்களின் மூலமாகச் சொல்லப்படுகின்றன.

பக்திமான்களாகக் கருதப்படும் வயதில் மூத்தவர்களின் கருத்துக்கள் மூலம் சொல்லப்படுகின்றன.

சாதாரண மக்கள் மத்தியில் வழங்கப்படும் கதைகள் மூலமாகக்கூட சொல்லப்படுகின்றன.

கல்வி வாயிலாகவும் சொல்லப்படுகின்றன.

நவீன அறிவியல் யுகமாக விளங்கும் இக்காலத்தில் ரேடியோ,தொலைக் காட்சி, பத்திரிகைகள், சஞ்சிகைகள், போன்ற அனைத்தும் ஆன்மிகப் பிரச்சாரத்துக்காகத் தங்கள் பணியின் ஒரு பகுதியை ஒதுக்கி வித விதமான ஆன்மிகத் தத்துவங்களை பல முறைகளில் வெளிப்படுத்துகின்றன.

திரைப்படங்கள் மக்கள் மனதில் ஒரு ஆன்மிகத் தத்துவத் தாக்குதலையே தொடுக்கின்றன.

இத்தனை விதமாக மக்கள் மத்தியில் தொடர்ந்து காலங்காலமாகப் பரப்பப்படும் கோட்பாடுகள் அனைத்துக்கும் ஒட்டு மொத்தமான பெயர்தான் ஆன்மிகம்!

ஆன்மிகம் என்ற வார்த்தையைத் தவிர அந்தக் கோட்பாடுகளில் கருத்தொற்றுமை பெரும்பாலும் இருக்காது!

ஒவ்வொருவரும் தனக்குத் தெரிந்த விதமாக எதைச் சொன்னாலும் அது ஆன்மிகமாகவே கருதப்படுகிறது.

அது சரியா என்று ஆராயப் படுவதும் இல்லை!

தனி நபர்கள்தான் போகட்டும், ஆன்மிக அமைப்புகளான மதங்களாகட்டும் ஆன்மிகம் பற்றிய பொதுவான வரையறுப்புக்களையும் கோட்பாடுகளையும் கொண்டிருந்தனவா என்றால் அதுவும் இல்லை!

அப்படிப் பட்ட ஒத்த பண்புகள் இருந்திருந்தால் உலகில் இத்தனை மதங்கள் தோன்றவும் இன்றுவரை நிலைபெற்றிருக்கவும் வழியே இல்லை!

ஆனால் நீடிக்கின்றன! நிலைபெற்றும் இருக்கின்றன!

ஆனால் இவ்வளவு குழப்பமான, மாறுபட்ட, எதிரும் புதிருமான கோட்பாடுகளைக் கொண்ட சங்கதிகள ஆன்மிகம் என்ற பொதுவான அடிப்படையாக எப்படி மக்கள் ஏற்றார்கள்?

அதுதான் இல்லை!

ஆன்மிகம் என்ற பெயரால் சொல்லப்படும் அல்லது நடக்கும் முரண்பாடான அனைத்து விஷயங்களையும் உள்ளடக்கிய எண்ணற்ற அமைப்புகளையும் அவை சொல்லும் செய்திகளையும் வழிகாட்டுதல்களையும் உள்ளடக்கி ஆன்மிகம் என்று ஒரே மூட்டையாகக் கட்டி வைத்துவிட்டார்கள்!

அதில் உலக மக்கள் அனைவரும் அடக்கம்!

காரணம் உலக மக்கள் ஒவ்வொருவரும் அந்த ஆன்மிக மூட்டைக்குள் கட்டப்பட்டிருந்த ஒவ்வொரு பிரிவுகளிலும் கட்டுண்டு கிடந்தார்கள்.

அவற்றின் நிழலில் வாழ்ந்தார்கள்.

அந்த மூட்டைக்குள் நல்லவர்களும் இருக்கிறார்கள், கெட்டவர்களும் இருக்கிறார்கள்!

பெரிய மேதைகளும் இருக்கிறார்கள், முட்டாள்களும் இருக்கிறார்கள் !
கருணையே வடிவெடுத்தவர்களும் இருக்கிறார்கள், ஈவிரக்கமற்ற கொலைகாரர்களும் இருக்கிறார்கள்!

திருடர்களும் கொடைவள்ளல்களும் கலந்தே அதில் இருக்கிறார்கள்.

ஆண், பெண், வயோதிகர், குழந்தைகள், அத்தனைபேரும் இருக்கிறார்கள்.

காரணம் இத்தனை வகையானவர்களுக்கும் அது இடம் கொடுக்கிறது!
அது எப்படி சாத்தியமாயிற்று?

அதற்குக் காரணம் அதனுள் இருக்கும் ஒவ்வொரு வகையினரும் தங்களுக்கு இணக்கமானவருடன் இணங்கி வாழ்வதையும் முரண்பட்டவர்களுடன் மோதல் வாழ்வு வாழ்வதையும் அது தடுப்பதே இல்லை!

அனைத்து மக்களுக்கும் போதனைகளை வழங்கியதே தவிர அதன்படி வாழ்ந்துதான் ஆகவேண்டும் என்று நிபந்தனைகள் எதையும் விதிக்கவில்லை!

அந்த மூட்டையையே நிராகரிக்கும் மக்கள் குறிப்பிட்ட அளவில் இல்லை!

அதனால் உலகமே அந்த மூட்டைக்குள் அடங்கி விட்டது!

அப்படியானால் ஆன்மிகம் என்பதே ஒரு மோசடியா? ஏமாற்று வேலையா?

அப்படியானால் ஆன்மிகத்துக்கு என்ன வந்தது? ஏன் தவறுகளுக்கு இடம் கொடுக்கிறது?

மக்கள் அனைவரையும் சரியாக வழி நடத்த அதனால் ஏன் முடியவில்லை?

நிச்சயம் அப்படி இல்லை!

அது தவறாக இருந்திருந்தால் பெரிய ஞானிகள் எல்லாம் அதில் இடம் பெற்றிருக்க மாட்டார்களே!

இதற்கான அடிப்படைக்காரணம் ஒன்றே ஒன்றுதான்!

ஆதாவது ஆன்மிகம் என்ற பொதுவான ஒரு விளக்கப்படாத தத்துவத்தின்கீழ் உறுப்புக்களாக உள்ள மதங்களும் மற்றவையும் மக்களுக்கு வழிகாட்டும் அம்சங்களாகச் சொல்லப்பட்ட உயர் தர்ம நெறிகளைக் குப்பையில் வீசவும் சடங்குகளுக்கும் சம்பிரதாயங்களுக்கும் முக்கியத்துவம் கொடுக்கவும் தயங்கவே இல்லை!

காரணம் சடங்குகளும் சம்பிரதாயங்களும் ஆன்மிகத்தின் பெயரால் எண்ணற்றவர்களை வாழ வைத்தன!

சடங்குகளும் சம்பிரதாயமும்தான் ஆதி முதல் இன்றுவரை என்றும் வட்டார அளவிலும் மக்கள் குழுக்கள் அளவிலும் ஆன்மிகமாக இருந்துள்ளன.

அவற்றின் ஆன்மிகமெல்லாம் வெறும் மூட நம்பிக்கைகளும் அந்த நம்பிக்கைகள் ஊட்டிய அச்சத்தைப் போக்க வழிபாட்டு இடங்களில் அதை நிர்வகித்த நிர்வாகிகளும் பூசாரிகளும் இன்னும் அதை நம்பி வாழ்ந்த பலர் சொல்லும் சடங்குகளைச் செய்வதுமே என்பதாகத்தான் இருந்துள்ளன.

அதனால்தான் கடவுள் என்ற பெயரால் தாங்கள் விரும்பிய, பயந்த, பயன்பட்ட அனைத்தையும் உருவங்களாக்கி வழி பட்டார்கள்!

தங்களுக்கும் புரோகிதர்களுக்கும் பிடித்ததையெல்லாம் கடவுளர்களுக்குப் படைத்தார்கள். பலிகளும் நடத்தினார்கள்!

நாளாவட்டத்தில் வட்டார அளவில் இருந்த கடவுள் நம்பிக்கைகளும் வழிபாட்டு முறைகளும் அவை சார்ந்த கோட்பாடுகளும் உலகெங்கும் விரிந்து ஒன்றையொன்று தொடர்புகொள்ளும்படியாக விரிவடைகிறது.

அப்போது இந்த வழிபாடுகள் கடவுள் நம்பிக்கைகள், சடங்கு சம்பிரதாயங்கள் எல்லாவற்றுக்கும் விளக்கம் கொடுக்கவேண்டிய அவசியமும் எல்லாப் பிரிவுகளுக்கும் பொருந்தும்படியான கோட்பாடுகளும் தேவைப் பட்டன.
காரணம் மக்கள் காலப் போக்கில் ஒவ்வொன்றுக்கும் காரணம் கேட்கக் கற்றிருந்தார்கள்.

அப்படி எல்லா வட்டாரங்களுக்கும் எல்லாக் கடவுளர்களுக்கும், எல்லா மக்களுக்கும் பொருந்தும்படியாகச் சொல்லப்பட்ட தத்துவங்களே ஆன்மிகம் என்ற பொதுப் பெயரால் வழங்கப் பட்டன!

பின்பு காலப்போக்கில் உலகில் உள்ள கடவுள் சம்பந்தப்பட்ட அனைத்துக் கோட்பாடுகளுக்கும் ஆன்மிகம் பொதுப் பெயர் ஆகிவிட்டது.

அந்தப் பெயருக்கு யாரும் எந்தக் கடவுளும் எந்த மதமும் தனிச் சொந்தம் கொண்டாட முடியாது!

இப்படியாகத்தான் ஆன்மிகம் அனைத்து முரண்பட்ட விஷங்களின் பெட்டகமாகவும் கட்டிப்போடும் மூட்டையாகவும் மாறியது!

ஆதாவது கடவுள் வழிபாடுகளுக்கும் நம்பிக்கைகளுக்கும் தத்துவங்களுக்கும் பின்னால் அவற்றை ஒன்றிணைக்கும் உபாயமாகத் தோன்றிய ஆன்மிகம் என்னும் கோட்பாடு கடைசியில் முதலிடத்துக்கு வந்துவிட்டது!

ஆனால் நடப்பது என்னவோ அந்த மூட்டைக்கு உள்ளிருக்கும் சடங்கு சம்பிரதாயங்களின் ஆதிக்கமே!

ஒரு காலகட்டத்துக்குப் பின்னால் உலக கடவுள் சார்ந்த நம்பிக்கைகள் எல்லாம் சிறு சிறு குழுக்கள் என்ற வட்டத்தைத் தாண்டி மதங்கள் என்ற சில பெரிய வட்டங்களுக்குள் அடங்கிவிட்டன.

ஆனால் அந்தப் பெரிய வட்டங்களுக்கு உள்ளும் முரண்பாடுகளும் மோதல்களும் ஏராளமாக இருப்பதால் அவற்றை ஒன்றாகக் காட்டவும் கட்டவும் ஆன்மிகம் என்ற சாக்கு அவசியப் படுகிறது.

சிறு தெய்வ வழிபாடுகளாக இருந்ததை பெரும் தெய்வங்களின் அவதாரங்களாகச் சித்தரித்தும் , அந்தப் பெரிய தெய்வங்களுக்கு உள்ளும் மனிதரைப்போன்ற உறவு முறை கற்பித்தும் எண்ணற்ற பக்தி முறைகளை புதிது புதிதாக உலக மக்களுக்கு அறிமுகம் செய்தார்கள்.

எல்லாவற்றையும் உள்வாங்கிக்கொண்டு ஒரு சில மதங்களுக்குள் அவற்றின் எண்ணிக்கை சுருக்கப்பட்டாலும் அவற்றுக் கெல்லாம் அடிப்படைகளாக மூட நம்பிக்கைகளே இருந்தன.

ஆனால் வளரும் அறிவியல் சிந்தனைகளுக்கு ஈடுகொடுத்துப் பதில் சொல்ல மூடநம்பிக்கை சார்ந்த கோட்பாடுகளால் ஈடுகொடுக்க முடியாத நிலையில் அறிவியலுக்கு இணையாக ஆன்மிகம் என்ற கோட்பாட்டை உயர்த்த வேண்டிய அவசியம் ஏற்ப்பட்டது!

அப்படி உருவான ஆன்மிகம் வெறும் மூட நம்பிக்கை களாக இல்லாமல் அறிவியலை உள்வாங்கிக்கொண்டு விளக்கங்கள் கொடுக்கத் துவங்கியது!
அதுமட்டுமல்ல! குறுகிய சடங்கு சம்பிரதாயங்கள், துதிப் பாடல்கள், மந்திரங்கள், நேர்த்திக் கடன்கள், பலிகள் போன்றவற்றை விட்டுவிட்டு மக்களின் மேலான வாழ்க்கைக்கான வழி காட்டுதல்களை வழங்க ஆரம்பித்தது!

அத்தகைய மேலான தத்துவங்களும் வழி காட்டுதல்களும் உலக மக்களுக்கு அவசியமானவையாக இருந்தன. காரணம் மக்கள் ஒரே உலகில் ஒரே இடத்தில் வாழ்ந்தாலும் முரண்பட்ட துன்பமான வாழ்வையே வாழ்ந்து வந்தார்கள்! தங்களுக்குள்ளேயே கூட்டம் கூட்டமாக அழித்தொழித்தும் வந்தார்கள்.

அதனால் அன்பே கடவுள் என்று சொன்னபொது, கடவுள் கருணைக் கடல் என்று சொன்னபோது அனைத்து மதங்களுக்கும் அனைத்து மக்களுக்கும் அவை தாரக மந்திரங்களாக ஆயின!

மனிதருக்குள் பகைமையை மறந்து நேசத்தை வளர்த்துக்கொள்ளவேண்டும் என்றும் ஒருவரை ஒருவர் துனபத்தில் உதவிக் கொள்ளவேண்டும் என்றும் ஆன்மிகம் சொன்னபோது அனைத்து மக்களும் அதில் கட்டுண்டார்கள்!

இந்த வகையான நடைமுறைகளின்காரணமாக ஆன்மிகம் என்பது பாம்புக்கு வாலையும் மீனுக்குத் தலையையும் காட்டுகின்ற ஒரு வினோத ஏமாற்றும் நிலையை எட்டி இப்போதும் நீடிக்கவும் செய்கிறது!

அறிவே இல்லாத முட்டாள்களில் துவங்கி அற்புத அறிவாற்றல் பெற்ற ஞானிகள், சிந்தனையாளர்கள் வரை ஒவ்வொருவருக்கும் ஏற்றாற்போல் பொருத்தி அவரவர் மனதுக்குப் பட்டதுதான்  ஆன்மிகம் என்பதான மாய, மயக்க நிலையில் ஆன்மிகத்தை வைத்துள்ளார்கள்.

இதில் எந்த ஒருசாராரும் மற்றவர்களின் ஆன்மிகம் ஏன் வேறு படுகிறது என்று சிந்திப்பதே இல்லை!

தாழ்ந்த நிலை ஆன்மிகவாதிகள் உயர்ந்த நிலை ஆன்மிகத்தை அறியாமல் தங்களின் வாழ்வில் கடைப்பிடிக்கும் மூட நம்பிக்கைகளை மட்டும் ஆண்மிகமாகக் கருதித் திருப்திப் பட்டுக் கொள்கிறார்கள்!

உயர்நிலை ஆன்மிகவாதிகளோ தாங்கள் அடித்தட்டு மக்களை விட அதிகமாக ஆன்மிகத்தின் நுணுக்கங்களைப் பேசக் கூடிய தகுதிதங்களுக்கு இருப்பதையே பெருமையாகக் கருதியும் ஆண்டவனுக்கு நெருக்கமான இடத்தில் தாங்கள் இருப்பதாகவும் கருதி ஒருவித சுயநல மயக்கத்தில் வாழ்கிறார்கள்.

ஆக இரு தரப்பாரும் உண்மையான அனைத்துமக்களுக்குமான உயர்தர்ம நெறிகளைக் கடைப்பிடிப்பதில் தவறுதான் செய்கிறார்கள்!

ஆதாவது உண்மை என்று நினைத்துப் போலிகளாக வாழ்கிறார்கள்!

இது எப்படித் தூய ஆன்மிகம் ஆகும்?

இது எப்படி உலக மக்கள் அனைவரையும் உயர்ந்த நிலைக்கு இட்டுச் செல்லும்?

இது எப்படி உலக மக்கள் அனைவரையும் எதிரும் புதிருமாக இல்லாமல் அவர்களை மேலான  வழியில் வழி நடத்தும்?

பொய்யான ஆன்மிக வேடத்திலிருந்து உண்மையான ஆன்மிகத்தின் வழியில் மாறிச் சென்றால் அன்றி வேறு கதிமோட்சம் இல்லை!...

எனது மொழி: (179)

இதுதாண்டா சோதிடம்....

நான் சோதிடத்தை ஏற்றுக்கொள்வது இல்லை. நம்புவதும் இல்லை! 

மாறாக முடிந்தவரை மற்றவர்களையும் நம்பவேண்டாம், ஏமாற வேண்டாம் என்று சொல்லி வருகிறேன்...

சமீபத்தில் ஒரு நண்பர் மதுரையில் ஒரு சோதிடர் இருக்கிறார். அவரிடம் உங்களை அழைத்துச் சென்று மெய்ப்பிக்கிறேன் என்றார். 

இதற்காக அவ்வளவு தூரம் பயணிக்க வேண்டுமா? இப்படி ஒவ்வொருவருக்கும் மெய்ப்பிப்பதற்காக நூற்றுக்கணக்கான கி மீ நான் பயணம் செய்துகொண்டிருப்பது எப்படி சாத்தியம்? உங்கள் அனுபவத்தைச் சொல்லுங்கள்! எதைவைத்து நம்புகிறீர்கள் என்றேன்.

அதற்கு அவர்,நான் சொல்வதை நீங்கள் நம்புவதாக இருந்தால் இப்போதே மெய்ப்பிக்கிறேன் என்றார்! 

நம்புகிறேன், சொல்லுங்கள் , அதே சமையம் அதற்கான எனது கருத்தையும் நீங்கள் தெளிவு படுத்தியாகவேண்டும் . தயாரா என்றேன். அவரும் தயார் என்றார்! 

அவர் : நான் மதுரை சோதிடரிடம் எனது மகனின் ஜாதகத்தைக் கொடுத்து அதன் கிரக நிலையைச் சொல்லுங்கள் என்று மட்டும்தான் கேட்டேன். வேறொன்றும் சொல்லவில்லை.

நான் : சரி! சொல்லுங்கள்!

அவர் : அவர் ஜாதகத்தை மூடிவைத்துவிட்டு உங்கள் மகன் இதற்குள் கலப்புத் திருமணம் செய்திருக்கணும், அப்படிச் செய்யாமல் இருந்தால் இனி அப்படித்தான் செய்வார் அப்படின்னார்! எங்கள் மகன் கலப்புத் திருமணம் செய்ததுதான் உங்களுக்குத் தெரியுமே!....

நான் : அதனாலென்ன? கலப்புத் திருமணம் செய்யக் கூடாதா?

அவர் : அப்படியானால் சோதிடன் சொன்னதை உண்மை என்று ஏற்றுக்கொண்டீர்களா?

நான் : அதெப்படி? சோதிடம் உண்மையா பொய்யா என்பதை இதை வைத்து மட்டும் முடிவு செய்வது எப்படிச் சரியாகும்? எங்காவது ஒரு விவாதம் ஏற்பட்டால் எனது நண்பரின் மகன் கலப்புமணம் செய்ததை ஒரு சோதிடர் சொல்லிவிட்டார் . அதனால் நீங்களும் ஏற்றுக்கொள்ளவேண்டும் என்று நான் சொல்ல முடியுமா? அதை  நிரூபிப்பதற்கான சான்றாக நீங்கள் சொன்னதை தவறு என்று நாம் இன்னும் இரண்டு நிமிடங்களில்  நிரூபிக்கிறேன் . நீங்கள் சோதிடம் பொய் என்பதை ஏற்றுக்கொள்வீகள் அல்லவா?.....

அவர் : நிச்சயம் உங்களால் முடியாது! 

நான் : முடியுமா முடியாதா என்பதை இப்போது பார்த்து விடுவோம்......ஆதாவது கலப்பு மணம் செய்தவர்கள், கலப்பு மணம் செய்யாதவர்கள், இரண்டு வகையிலுமாகப் பத்து ஜாதகங்களை அவரிடம் கொடுத்தால் அவர் அதைச் சரியாக வகைப்படுத்திப் பிரித்துச் சொல்வாரா?...

அவர் : அது...அதுவந்து....

நான் :  வந்தாவது போயாவது! சோதிடம் பொய் என்று ஒப்புக்கொள்கிறீர்களா? இல்லை மதுரை போலாமா?...ஆனால் ஒன்று பத்தாயிரம் ரூபாய் பந்தயம்......

அவர் மூச்சே வாங்கவில்லை.....

நான் : இனிமேல் இப்படிப்பட்ட இத்துப்போன வாதங்களைஎல்லாம் குப்பையில்வீசிவிட்டு எல்லா இடத்திலும் எல்லாக் காலத்திலும் எல்லா மனிதர்முன்னும் மெய்ப்பிக்கவல்ல ஆதாரத்தை முன்வைக்க வேண்டும். இப்போது நான் உங்ளை வீழ்த்திய பதில் அத்தகையது! சரியா?

அவர் : .............(மவுனம்) 

எனது மொழி ( 178 )

குற்றவாளிகள்.....

நண்பர்களே! 

மக்களுக்கும் அவர்களை வழிநடத்தி நெறிப்படுத்தும் சட்டங்களுக்கும் சம்பந்தம் பெரும்பாலும் இருப்பதில்லை. 

ஆதாவது மக்கள் தங்களை ஆளும் சட்டங்களைப் பற்றி ஓரளவு அறிந்திருக்க வேண்டும். 

அந்த அளவு பொது அறிவு இல்லாத மக்களாக இருக்கும் பட்சத்தில் அந்த சட்டங்களைக் கையாள்வோர் பாரபட்சமில்லாத நேர்மையாளர்களாக இருக்க வேண்டும். 

இங்கு அப்படிப்பட்ட இரண்டும் இல்லை. 

அதனால் சட்டமாவது விட்டமாவது அவனவனுக்கு முடிந்த அளவு சட்டத்தைக் கடித்துக் குதற விட்டிருக்கிறார்கள். 

நூறுக்கும் ஆயிரத்துக்கும் சட்டத்தைக் குதறுபவர்கள் சாதாரண மக்களாக இருக்க லட்சங்களுக்கும் கோடிகளுக்கும் குதறுபவர்கள் மக்களின் மேய்ய்ப்பர்களாக இருக்கிறார்கள்!.... 

சுருக்கமாகச் சொன்னால் சமூகமே சிறியதும் பெரியதுமான குற்றவாளிகளாக!....

எனது மொழி ( 177 )

இறைவனுக்கு இது பிடிக்குமா?

எங்கும் நீக்கமற நிறைந்திருப்பவர்தான் கடவுள் என்று சொல்லிக் கொண்டே சில இடங்களில்தான் கடவுள் இருப்பதாக நம்புவதும் நம்பவைப்பதும் அந்த இடங்களை நாசமாக்குவதும் அறிவாற்றல்மிக்க செயல்களாக இருக்க முடியாது! .

அதனால் இன்று புகழ்பெற்ற கோவில்கள் இருக்குமிடங்களெல்லாம் உண்மையில் குப்பைத் தொட்டிகள் ஆகிவிட்டன.

கடவுளின் பெயராலும் பக்தியின் பெயராலும், இயற்கைக்கு எதிரான பெரும் தாக்குதலே நடந்துகொண்டு இருக்கிறது!...

ஒருவனுக்கு உண்மையாகவே இறை பக்தி இருக்குமாயின் சிறந்த பண்புகளை வளர்த்துக்கொள்வதன்மூலம் தனது உள்ளத்தை இறைவன் குடிகொள்ளும் கோவிலாக மாற்றவேண்டும்!

அதைவிட்டு இப்போது நடப்பது தொடர்ந்தால் பூமியை நாசப் படுத்துவதில் இறைவழிபாடு முதலிடத்தை எட்டி விடும்!.....

அது இறைவனுக்குப் பிடித்ததாக இருக்க முடியாது!

எதிரான ஒன்றாகவே கருதப்பட வேண்டும்!

இது எல்லா மதங்களுக்கும் பொருந்தும்!....

உணவே மருந்து ( 94 )

உண்ணும் முன்னே!...

நண்பர்களே! 

நாம் சாப்பிடும் அளவை நாக்கும் உணர்வும் தீர்மானிக்கக் கூடாது! 

நமது அறிவுதான் தீர்மானிக்கவேண்டும்! 

ஆதாவது சாப்பிட உண்ணும்போது அந்த நேரம் எந்த உணவை எவ்வளவு சாப்பிட்டால் போதும் என்று அறிவு சொல்கிறதோ அவ்வளவு மட்டும் உண்ணவேண்டும்!

அதற்கு ஒரே வழி உண்பதற்கு அமரும் முன்பாகவே தேவையானதை அறிவு சொல்லும் அளவு ஒரே முறை  எடுத்து வைத்துக்கொண்டு உண்டுவிட்டு எழ வேண்டும். 

ருசியாக இருக்கிறது, பசி ஆறவில்லை என்று சொல்லி எந்தக் காரணத்தை முன்னிட்டும் மீண்டும் கூடுதலாக உண்ணக கூடாது!

இப்படிச் செய்தால் நோய்களும் அண்டாது! உடல் எடையும் அதிகரிக்காது!....

செய்வோமா?....

விவசாயம் ( 85 )

வானகம்....... அடுத்த அடி !

நண்பர்களே! 

இயற்கை வேளாண்மை ஆர்வலர்களின் மற்றும் முன்னோடிகளின் தலைமையிடமாகக் கருதப் படுவது மறைந்த நம்மாழ்வார் அவர்கள் வாழ்ந்த மற்றும் வளர்த்த வானகம் ஆகும். 

காரணம் எல்லாப் பாதைகளும் ரோமாபுரியை நோக்கி என்பதுபோல எல்லா இயற்கை ஆர்வலர்களது கவனமும் வானகம் நோக்கி என்பதாக இருப்பதே!

அத்தகைய குவிமையமான வானகம் வருங்காலத் தேவைகளைக் கணக்கில்கொண்டு ஐயா அவர்களின் குறிக்கோளுக்கு ஏற்ற முறையிலும் அதை மேலும் உயர்வான தரத்தில் முன்கொண்டு செல்லும் வகையிலும் தன்னை வளர்த்துக்கொள்ள வேண்டும்.

அதை யார் செய்வது? எப்படிச் செய்வது? எங்கிருந்து துவங்குவது? 

அதற்கான திட்டம் ஏற்கனவே ஐயா அவர்களால் அல்லது அவருடைய வழி காட்டுதல்கள் அடிப்படையில் வகுக்கப்பட்டு இருந்தால் அந்தத் திட்டப்படி முன்கொண்டு செல்லப்பட வேண்டும். 

இல்லாவிட்டால் சரியான பாதையில் செல்லச் சரியான திட்டம் வகுக்கப்பட்டு செயல்படுத்தப்பட வேண்டும். 

அந்தத் திட்டம் எப்படி இருந்தால் நல்லது?

இயற்கை வேளாண்மைதான் மக்களுக்கும் உலகுக்குமான வேளாண்மை , நடப்பிலுள்ள வேளாண் முறைகள் ஒழிக்கப்படவேண்டியவை என்பதை மெய்ப்பிக்கும்படியான அனைத்து விவசாயிகளும் மக்களும் அறிஞர்களும் ஆய்வாளர்களும் ஏற்றுக்கொள்ளும்படியான ஒரு வேளாண் முறையை அங்கு நடைமுறைப்படுத்த வேண்டும். 

அதன் கிளை அமைப்புகளாக நாடெங்கும் நிலவளம் நீர்வளத்தைப்[ பொறுத்து பல்வேறு வகையான மாதிரிப் பண்ணைகள் உருவாக்கப்படவேண்டும். 

அவைகளெல்லாம் அனைத்து விவசாயிகளும் அறிஞர்களும் ஆராய்ச்சி மாணவர்களும் வந்து பார்வையிடும் பயிலும் பயிற்சிக் களங்களாகவும் இருக்க வேண்டும். 

ஆதாவது வேதிப்பொருட்கள் அடிப்படையிலான நச்சு விவசாயத்துக்கு எதிரான போர்ப்பயிற்சிக் களங்களாக விளங்க வேண்டும். 

அத்தகைய ஒரு மாபெரும் அமைப்பாக விரிவாக்கும் திட்டத்துடன் துவக்கம் செம்மையாகத் துவக்கப்பட வேண்டும். 

அதற்கு இப்போதுள்ள வானகப் பொறுப்பாளர்கள் திட்டமிட்டு நடவடிக்கையில் இறங்கவேண்டும். 

வானகத்தின் நிர்வாகிகள் ஒன்றுகூடி இப்போதுள்ள நிலைமையை சீர்தூக்கிப் பார்க்க வேண்டும். 

வானகம் துவங்கிய காலத்தில் இருந்து இப்போது வரையான காலகட்டத்தில் அங்கு கிடைத்த அனுபவங்களை ஆராயவேண்டும். 

அந்த அனுபவங்களின் சாதக பாதக அம்சங்களை ஆய்வு செய்து படிப்பினைகளாக வரையறுக்கவேண்டும். 

கடந்த காலத்தில் நடந்த சரியான பணிகள் என்னென்ன, செய்யத் தவறிய பணிகள் என்னென்ன ,  அதற்கான காரணங்கள் என்ன , என்பதைப் பட்டியலிடவேண்டும். 

ஆதாவது சுய விமர்சன அடிப்படையில் படிப்பினைகள் கற்றுக்கொள்ளவேண்டும். 

அந்த அடிப்படையில் வானகம் அடுத்து நடைமுறைப்படுத்த வேண்டிய திட்டங்கள் என்ன, அதற்கான வாய்ப்புகள் என்ன, நிதியாதாரங்கள் என்ன என்பதுபோன்ற அம்சங்களைஎல்லாம் கணக்கில்கொண்டு ஒரு திட்ட அறிக்கை தயார்செய்ய வேண்டும். 

குறிப்பாக வானகத்தின் குறைந்த பட்ச நீராதாரங்களை வலுப்படுத்திப் பாசன வசதியை மேம்படுத்தவும் மழைநீர்க் குட்டைகளின் மூலம் கிடைக்கும் நீராதாரங்களைப் பயன்படுத்தவும் அங்கு நிரந்தரமாகத் தங்கிப் பணியாற்றும் ஊழியர்களுக்கான குறைந்த பட்ச வசதிகளை மேம்படுத்துவதுமான அம்சங்கள் திட்ட அறிக்கையில் இடம்பெறவேண்டும். 

அதேபோல வானக மேம்பாட்டுக்கான கட்டுமானங்கள், வாகனங்கள் உருவாக்கமும் திட்டத்தில் இடம்பெறவேண்டும். 

இன்னும் தேவையான பல அம்சங்களை உள்ளடக்கியதாகத் திட்ட அறிக்கை இருக்க வேண்டும். 

அதன்பின்னால் நாடு முழுவதும் இருக்கக்கூடிய இயற்கை வேளாண் முன்னோடிகள் பட்டியல் ஒன்று தயார்செய்ய வேண்டும். 

ஒன்று அல்லது இரண்டு அல்லது மூன்று நாட்கள் கொண்டதாக ஒரு இயற்கை வேளாண்மை முன்னோடிகளின் சபை  ஒன்று கூட்டப்பட வேண்டும். 

அந்த சபைக்கு பட்டியலிடப்பட்ட முன்னோடிகளுக்கும் மற்றும் ஆர்வமுள்ள அனைவருக்குமான பொது அழைப்பு விடுக்கப்பட வேண்டும். 

சபைக் கூட்டத்துக்காக வருபவர்கள் முன்கூட்டியே வருகை பதிவு செய்யப்பட்டு அதற்கான கட்டணம் நிர்ணயிக்கப்பட்டு தகுந்த முன்னேற்பாடுகள் செய்யப்பட்டிருக்க வேண்டும். 

அந்த சபைக் கூட்டத்தில் தயாரிக்கப்பட்ட அறிக்கை வைக்கப்பட்டு அனைவரின் கருத்துக்களும் கேட்கப்பட வேண்டும். 

அனைவரின் கருத்துக்களும் தொகுக்கப்பட்டு அதில் சிறந்த ஆலோசனைகளை ஏற்கனவே தயாரிக்கப்பட்ட அறிக்கையுடன் சேர்த்து முழுமையான வழிகாட்டு ஆவணமாகத் தயாரிக்க வேண்டும். 

தேவைப்பட்டால் வானகத்தை நிர்வகிக்கக் கூட்டுப் பொறுப்புள்ள ஒரு குழு அமைக்கப்பட வேண்டும். 

அல்லது ஏற்கனவே  அங்கீகரிக்கப்பட்ட நிரந்தரக் குழு இருந்தால் அதற்குத் துணையாக  ஒரு ஆலோசகர் குழுவை அமைக்கலாம். 

அந்த ஆவணத்தையும் அவ்வப்போது மாறுதலுக்கு உள்ளாகும் நிர்வாக மற்றும் ஆலோசனைக் குழுக்களையும்   அடிப்படையாகக் கொண்டு வருங்காலத்தில் வானகம் செயல்பட வேண்டும். 

அதுதான் வருங்கால வானகத்துக்கும் அதன் ஒளியில் வளரவேண்டிய இயற்கை வேளாண்மை முறைக்கும் நிரந்தர நன்மை பயக்கும்!

விவசாயம் ( 84 )

பூகோகாவும் நாமும்....

மசானபு பூகோகா என்ற மறைந்த ஜப்பானிய அறிஞரின் உழவில்லா இயற்கைமுறை வேளாண்மை உலக மக்களிடையே முன்னோடிகளிடையே செல்வாக்குப் பெற்று வருகிறது. 

அவருடைய  வேளாண்மை முறை என்பது நடைமுறைப் படுத்தப்பட்டால் அது கண்களுக்கும் கருத்துக்கும் இயற்கைக்கும் அனைத்து உயிர்களுக்கும் விருந்தாக இருக்கும் என்பதில் ஐயம் இல்லை! 

உலகமே  அற்புதமான ஒன்றாக மாறிவிடும்.  

ஆனால் நாம் இதில் கவனிக்க வேண்டிய விஷயங்கள் சில இருக்கின்றன. 

ஆதாவது அவர் வாழ்ந்து நிரூபித்த  இடம் அருமையான இயற்கைச் சூழலும் நீர்வளமும் மிக்க பகுதியாகும். 

அப்படிச் செய்வதும் அப்படி வாழ்வதும் எளிமையான ஒன்று... 

ஆனால் அதை முன்னுதாரணமாகக் கொள்ளும் நாம் நமது நாட்டில் உள்ள பல்வேறு வகையான நீர்வளம் நிலவளம் ஆகியவற்றுக்குப் பொருத்தமாக அதை அப்படியே பின்பற்ற முடியாது. 

அதனால் நீர்வளம் அற்ற பகுதிகளில் இயற்கை முறையில் ஆதாவது புகோகா முறையில் சாகுபடி செய்யும் முறைகளை வெற்றிகரமாக செய்து முன்னுதாரணம் ஏற்படுத்தவேண்டும். 

அதுதான் அனைத்துப் பகுதி விவசாயிகளுக்கும் எடுத்துக்காட்டாக இருக்கும். 

அதைத் தவிர இன்னொன்றையும் கருத்தில் கொள்ள வேண்டும். 

ஆதாவது இயற்கை முறை வேளாண்மையும் அது சார்ந்த வாழ்க்கையும் பல்லுயிர்ப் பெருக்கமும் மண்ணுக்கும் மக்களுக்கும் சொர்கபூமி என்பது எப்படி உண்மையோ அவ்வளவு உண்மை இன்று வேளாண்மை என்பது வர்த்தகம் என்னும் நுகத்தடியில் பிணைக்கப்பட்டு்ள்ளதும் ஆகும். 

அதில் இருந்து மீளவேண்டும் என்றால் தன்னளவில் நிலம் வைத்திருப்பதும் அதில் உழைப்பதும் மட்டும் போதுமானது அல்ல! 

அதில் இருந்து பெறப்படும் வருவாய் என்பது பண்ணை செலவுக்கும் ஆட்கள் செலவுக்கும் வாழ்க்கைச் செலவுகளுக்கும் போதுமானதாக இருக்கவேண்டும். 

அப்படிப்பட்ட ஒரு நிலை இயற்கை முறை உழவில்லா வேளாண்மையில் உருவாக்க முடிந்தால் மட்டுமே முழு வெற்றியாக இருக்கும். 

அது வறண்ட நிலங்களிலும் சாத்தியப் படவேண்டும். 

சாத்தியப் படும்! 

அதற்கான முறையில் திட்டமிடப்படவேண்டும்.

விவசாயம் ( 83 )

வானகம் (நம்மாழ்வாரின் உயிர்ச் சூழல் நடுவம்) ஒரு பார்வை......

நண்பர்களே! 

கடந்த 12.10.14 அன்று வானகம் முழுமையும் நண்பர்களுடன் சுற்றிப் பார்த்தேன்.

முந்தின நாள் இரவே அங்கு சென்று விட்டதால் இரவு உரையாடலின்போது வானகம் உருவான வரலாற்றையும் ஓரளவு அறிந்தேன்....

வானகத்தைப் பற்றி நினைத்திருந்ததற்கும் நேரடியாகப் பார்த்ததற்கும் வேறுபாடுகள் இருந்தன.

அப்படி உண்மை நிலைக்கு மாறான சித்திரம் தொடர்ந்து மனதில் இருக்க வேண்டாமே என்கிற எண்ணமும் அங்கு சென்று பார்த்து வருவதன்மூலம் நமது பங்களிப்பு எதையாவது செய்ய முடியுமா என்ற தாக்கமும்தான் அங்கு சென்ற உணர்வுக்குக்  காரணங்கள்! 

அங்கு சென்றபின்னால் என் மனதில் உருவான எண்ணங்களைப் பகிர்ந்துகொள்வது மற்றவர்களுக்கும் பயனுள்ளதாக இருக்கும் என்று நினைக்கிறேன்.

சுமார் ஐம்பது ஏக்கர் பரப்பளவுள்ள சற்று தூரத்தில் எல்லாத் திசைகளிலும் மலைகள் சூழ்ந்த ஒரு வறண்ட பகுதியாக வானகத்தின் அமைவிடம் இருக்கிறது!...

இயற்கை வேளாண்மைக்கும் சுற்றுச் சூழல்மேம்பாட்டுக்கும் ஒரு தலைமை மையமாக இருக்கப்போகும் இடத்தை இந்த வட்டாரத்தில் ஐயா ஏன் தேர்வு செய்தார்கள் என்று யோசித்துப் பார்த்தேன். 

அவருடைய தேர்வு மிகவும் சரியே என்ற முடிவுக்குத்தான் வந்தேன்.

காரணம் நாட்டில் வளம் குறைந்த பகுதிகள் ஏராளமாக இருக்கும் நிலையில் வளமான பகுதிகளில் பண்ணையை நிறுவி பயிற்சி அழிப்பது சிறந்த பயனை அளிக்காது என்று நினைத்திருக்கிறார்! 

காரணம் அந்தப் பயிற்சிகளும் ஆலோசனைகளும் வறண்ட பூமிகளில் வாழும் மக்களுக்கோ வேளாண்மைக்கோ முழுமையாகப் பயன்படாது என்பதே!... 

ஆனால் வறண்ட பூமியில் பண்ணையை  அமைப்பதன்மூலம் அதைத் திறம்படப் பண்படுத்தி வளமான பண்ணையாக மாற்றிக் காட்டுவதன்மூலம் நாட்டின் பின்தங்கிய அனைத்துப் பகுதிகளுக்கும் வழிகாட்டும் ஒளிவிளக்காக பண்ணை விளங்கவேண்டும் என்று கனவு கண்டிருக்கிறார்!

பின்தங்கிய பூமியையே மிகச் சிறந்ததாக மாற்றிக் காட்டினால் வளமான பூமிகள் மேலும் வளம் மிக்கதாக மாற்றுவது எளிதாகும் அல்லவா?...

அந்தக் கண்ணோட்டத்தில் பார்க்கும்போது வானகம் அமைந்துள்ள அமைவிடம் மிகச் சரியானதே!.....

 வானகத்தை உருவாக்கும்போது எந்த மாதிரி வளர்க்கத் திட்டமிட்டார்கள் என்பது தெரியவில்லை! 

ஆனால் எப்படிச் செய்திருக்கவேண்டுமோ அப்படிச் செய்யவில்லை என்பது மட்டும் தெரிகிறது!....

காரணம் அப்படிச் செய்திருந்தால் இப்போது இருப்பதைவிட சிறப்பாக இருந்திருக்கும்! 

அப்படிச் சிறப்பான ஒரு நிலையை விரைவில் எட்ட முடியாமல் போனதற்குப் பல காரணங்கள் இருக்கலாம்! 

சொல்லுதல் யார்க்கும் எளியவாம் அரியவாம் 

சொல்லியவண்ணம் செயல் 

என்ற  திருக்குறள் சொல்வதுபோல சுலபமாக குறைகளைச் சொல்லிவிட முடியும் அதை முன்னின்று செய்பவர்களுக்குத்தான் அதன் சுமை என்னவென்று தெரியும். 

அதனால் அதன் குறைபாடுகளைச் சொல்வது அல்ல இந்தக் கட்டுரையின் நோக்கம் அல்ல! 

வருங்காலத்தில் ஐயா கண்ட கனவுகளை மெய்ப்பிக்க என்ன செய்யவேண்டும் என்பது பற்றிய சில கருத்துக்களைப் பகிர்ந்து கொள்வதே!...

ஏற்கனவே செய்திருக்கவேண்டிய பணிகள்....

பண்ணை அமைந்ததும் கிணறுகள் அல்லது ஆழ்குழாய்க் கிணறுகள் போதுமான அளவு அமைத்து குறைந்த பட்சம் பத்து ஏக்கர் நிலத்தையாவது சொட்டுநீர்ப் பாசனத்தின்கீழ் கொண்டு வந்திருக்கவேண்டும். 

அதில் பெரும்பகுதியில் வறட்சி தாங்கிப்  பயன்தரும் மரங்கள் நடப்பட்டிருக்க வேண்டும். 

ஆதாவது மா, முருங்கை, நாவல் போன்றவை.

அவற்றுக்குள் ஊடு பயிராகக்  காய்கறிச் செடிகளும் பிற பயிர்களும் சாகுபடி செய்திருக்க வேண்டும். 

அப்படிச் சாகுபடி செய்வதையே வேளாண் பயிற்சிக்கும் வெற்றிகரமாகப் பயன்படுத்தியிருக்க வேண்டும். 

மரங்கள் வளர்ந்து அவற்றுக்கு இடையில் பயிர் செய்ய முடியாத நிலை வரும்போது அந்தப் பத்து ஏக்கர் நிலத்தையும் நிரந்தர வருவாய் தரும் பகுதியாக விட்டு விட்டு வேளாண்மை செய்யும் பகுதியை விஸ்தரித்து இருக்கலாம். 

அதில் முதலில் செய்த மாதிரியே வேறு வகை மரக்  கன்றுகளை நடவு செய்து அவற்றுக்கு இடையில் வேளாண்மையும் பயிற்சியும் நடந்திருக்க வேண்டும். 

இந்த மாதிரி நடவடிக்கைகளுக்கு உதவும் வகையில் கால்நடைகள், உழு கருவிகள், வேலையாட்களைத் திட்டமிட்டு பயன்படுத்தி இருக்க வேண்டும். 

அப்படிச் செய்திருந்தால் துவக்கத்தில் ஒரு குறிப்பிட்ட அளவு செலவுக்குப் பின்னால் பண்ணை தற் சார்பு நிலைக்கும் உபரி நிலைக்கும் உயர்ந்திருக்கும்!. 

அதுபோக எஞ்சியிருக்கும் முழு நிலத்தையும் இதே போலப் படிப படியாக உயர்த்தி கனவை நனவாக்கியிருக்க முடியும்!

இப்படிப் பட்ட வளர்ச்சியின் ஒரு பகுதியாக பண்ணையைச் சுற்றிலும் மிகச் சிறந்த உயிர்வேலியும் உருவாகியிருக்கும். 

நான்கு அல்லது ஐந்து கட்டங்களாக பண்ணையை முழு அளவில் உருவாக்கும் அதே நேரம் ஒவ்வொரு அபிவிருத்திப் பகுதிக்கும் ஒரு பண்ணைக் குடில் அமைத்து அதை மற்ற குடில்களுடன் வாகனம் செல்லக்கூடிய பாதைகளால் இணைத்திருக்க வேண்டும். 

அப்போதுதான் ஆள் போக்குவரத்தும் சரக்குப் போக்குவரத்தும் எளிதாக இருந்திருக்கும்!

இப்படிப்பட்ட திசையில் பண்ணையை உருவாக்கியிருந்தால் நாடெங்கிலும் இருந்து வருகை தரும் விவசாயிகள் பண்ணையைத் தங்களுக்கு ஒரு மாதிரிப் பண்ணையாகக் கருதி  தங்கள் பகுதியிலும் இதன் கிளைகளைத் துவங்கும் விதத்தில் திட்ட வேலைகள் அமைந்திருக்கும். 

விவசாயிகள் தங்கள் சொந்த நிலங்களில் இத்தகைய முறையை அமலாக்கவும்  எடுத்துக் காட்டாக இருந்திருக்கும்!

ஆனால் அப்படிப்பட்ட திசையில் பண்ணை உருவாகாமல் போனதால் வருகை தரும் விவசாய ஆர்வலர்களுக்கு நம்பகமான உதாரணத்தை அங்கு காட்ட முடியவில்லை! 

இந்தக் காலகட்டத்துக்கு ஏற்ப விவசாயம் செய்யும் ஒரு விவசாயி இயற்கை வேளாண்மையின் மேல் நாட்டம்கொண்டு வானகம் வருவாராயின் தனது விவசாயத்தைவிட மேலான ஒன்று இயற்கை முறையில் அங்கு நடந்துகொண்டிருப்பதாக நினைப்பாரா?

விவசாயத்தைப் பற்றிய முன் அனுபவம் இல்லாத ஆனால் அளவு கடந்த ஆர்வம் கொண்ட இளைஞர்கள் அங்கு பயிற்சி பெற வருகிறார்கள். அவர்கள் கோட்பாடு ரீதியாக மனமாற்றம் அடைகிறார்களே தவிர நடைமுறைப் பயிற்சி போதுமான அளவு கிடைப்பது இல்லை! 

ஆனால் ஏற்கனவே விவசாயம் செய்கின்ற விவசாயிகள் அங்கு வந்து கற்றுக்கொள்ள என்ன இருக்கிறது என்று பார்த்தால் நிலைமை கவலைக்கிடமாகவே இருக்கிறது!

வரும் விவசாய அனுபவம் இல்லாதவர்களிடம் எதிர்பார்ப்பு கற்றுக்கொள்வது மட்டுமாகவே இருக்கும். 

ஆனால் விவசாயம் செய்துகொண்டு இருப்பவர்களின் எதிர்பார்ப்பு தங்களின் நடப்பு நிலைமைகளைவிடக் கூடுதலாக இருக்கும்!

அதுமட்டுமல்ல அவர்களின் பல ஐயங்களை நிவர்த்தி செய்தாகவேண்டும். 

அப்போதுதான் அவர்களின் உணர்வுகள் பழைய நிலையில் இருந்து புதிய இயற்கைமயமான ஒரு வேளாண்மைக்கு மாறிச் செல்லும். 

அப்படி அவர்கள் திருப்தி அடையாவிட்டால் எதிர்மறையான கருத்துக்களின் பிரச்சாரகர்கள் ஆகிவிடுவார்கள். 

அதனால் வானகத்தை வருங்காலத்தில் மகத்தான ஒன்றாக மாற்றவும் துவக்கத்தில் செய்திருக்கவேண்டும் என்று நான் சொன்ன பணிகளைக் காலதாமதமாகவாவது  நிறைவேற்றவும்  வேண்டுமானால் சில வேண்டுகோள்களை முன்வைக்கிறேன்.

உடனடியாக கனிகளும் காய்களும் நிழலும் கொடுக்கக்கூடிய மர வகைகளை குறிப்பிட்ட அளவு உருவாக்கவேண்டும். வருடம் முழுக்க அங்கு வருபவர்கள் பறித்து உண்ணும் விதத்தில் வகைகள் தேர்வு செய்யப்படவேண்டும். 

களப்பயிற்சிக்காக ஒதுக்கப்படும் நிலத்தில் வெறும் பயிற்சியாக மட்டும் இல்லாமல் அதன் பயனை பின்னால் வருகை தரும் மற்றவர்கள்  உணரும் விதத்தில் களப்பணியும் பயிற்சியும் இருக்கவேண்டும். 

காடுகள் என்பது அரசு கட்டுப்பாட்டில் இருக்கும் பகுதிகளில் தானாகவே உருவாவதும் அரசு , வனத் துறையினரின் மூலம் நாற்றுக்கள் நடப்பட்டோ விதைகள் விதைக்கப்பட்டோ உருவாவதும் ஆகும். 

அதைத் தனியார் நிலங்களில் செலவு செய்து உருவாக்குவது முடியாது! 

காரணம் வருவாயின்றி செலவுகள் செய்ய முடியாது. 

அதனால் பயனுள்ள மரங்களைத் தேர்வு செய்தே காடுபோல் உருவாக்கவேண்டும்.

பண்ணை வேலைக்கு என்றே விவசாயத் திறன் வாய்ந்த ஒருவரின் தலைமையில் ஒரு குழு செயல்பட வேண்டும். 

அந்தக் குழு பண்ணைப் பணிகளைச் செய்பவர்களாகவும் பயிற்சிக்கு வருபவர்களுக்குப் பயிற்சி அளிப்பவர்களாகவும் இருக்க வேண்டும். 

ஒரு காலகட்டத்தில் கடினமான நிலைகளில் இருந்து எளிமையான வாழ்க்கைக்கு மாறிச் செல்லும் விதத்தில் உழைப்பைக் குறைக்கும் கருவிகளும் கட்டுமானங்களும் வாகனங்களும் நடைமுறைக்கு வந்தன. 

அதனால் மனித உழைப்பு குறைந்தும் செலவு மிக்கதுமாக மாறிவிட்டது. 

இந்த நிலையில் செலவு அதிகம் பிடிக்கக்கூடிய எதையும் செய்யாமல் நிரந்தரமாக நீடித்து உழைக்கும் வகையில் கட்டுமானங்கள் தங்குமிடங்கள் உட்பட இருக்க வேண்டும். 

பண்ணையின் பயன்பாட்டுக்கென அனைத்து வேலைகளுக்கும் போக்குவரத்துக்கும்  உழவுப் பணிகளுக்கும் பயன்படுத்தும் விதமாக ஒரு சிறு ரக சரக்கு வாகனமும் பவர்டில்லர் என்று சொல்லக்கூடிய சிறு டிராக்டரும் இருக்க வேண்டும். 

அதன் ஓட்டுனர் அனைத்து பணிகளுக்கும் பயன்படக்கூடியவராக இருக்க வேண்டும். 

இத்தனை பணிகளும் திட்டமிட்டுச் செய்யும்போதே பாசனத்துக்கான தண்ணீர் உருவாக்கமும் மின்சார இணைப்பும் உரிய காலத்தில் உரிய முறையில் செய்யப்படவேண்டும். 

பண்ணையில் அமைக்கப்பட்டிருக்கும் மழைநீர் சேமிப்புக் குட்டைகள் தவிர இன்னும் தேவையான இடங்களில் அமைக்கவேண்டும். 

அவை அதிகமான நீர் கொள்ளும் திறனுடையவையாக இருத்தல் நலம் .

அந்தக் குட்டைகளின் மூலம் கிடைக்கும் நிலத்தடி நீரைப் பண்ணைக்கு முழுமையாகப்  பயன்படுத்தும் விதமாகத் திட்டமிட வேண்டும். 

ஆதாவது பண்ணைக் குட்டைகள் இருக்கும் இடங்களை அனுசரித்துக் கிணறுகளும் ஆழ்குழாய்க் கிணறுகளும் அமைய வேண்டும். 

அதனால் ஒரு மழை கிடைத்தாலும் அதன் பயன் நீண்ட நாட்களுக்குப் பண்ணைக்குக் கிடைக்கும். 

இவ்வளவும் செய்யும்படியான பணிகள் சாதாரண முயற்சிகளால் செய்ய முடியாது! 

இயற்கை வேளாண்மையை குறிக்கோளாகக் கொண்ட எண்ணற்ற நண்பர்களின் ஆதரவுடனும் பங்களிப்புடனும்தான் செய்ய முடியும். 

அதற்காக ஒவ்வொருவரும் தான் வானகத்துக்கு எந்த விதத்தில் பயன்பட முடியும் என்று சிந்தித்து அதைச் செயலாக்க வேண்டும். 

உழைப்பைக் கொடுப்பவர்கள் உழைப்பைக் கொடுக்கலாம்.

தொழில் நுட்பத்தைக் கொடுப்பவர்கள் கொடுக்கலாம்.

தங்களிடம் உள்ள ட்ராக்டர், ஜே சி பி போன்ற வாகனங்களைத் தேவையான நேரங்களில் அளித்து உதவலாம். 

எல்லாவற்றுக்கும் மேலாக உலகெங்கிலும் உள்ள இயற்கை வேளாண்மையின் மேலும் இயற்கையின்மேலும் பற்றுள்ள நண்பர்கள் தங்களால் இயன்ற நிதி உதவியை அளிக்கலாம்!....

இத்தகைய திசையில் பயணிப்பதை விட ஐயா நம்மாழ்வார் அவர்கள் காட்டிய வழியை வெற்றிகரமாகக் கொண்டு செல்ல வேறு வழி இருப்பதாகத் தெரியவில்லை!

வானகத்தின் வெற்றி உலகம் முழுவதும் பேசப்படும் ஒரு விஷயமாக மாறவேண்டும்! 

வறண்ட பகுதியில் ஒரு வானகம் அடையும் வெற்றி தஞ்சை போன்ற வளமான பகுதிகளில் ஒரு வானகத்தின் கிளையைத் தோற்றுவிக்க வேண்டும்! 

அதன் தொடர்ச்சியாக எல்லாப் பகுதிகளிலும் கிளைகள் தோன்றி அது இயற்கை வேளாண்மையின் முடிவான வெற்றியாக அமைய வேண்டும்!......

அதுவே ஐயா அவர்கள் கண்ட கனவு என நான் நினைக்கிறேன்.....
===============================================================


நம்மாழ்வார் ஐயா அவர்களின் மறைவுக்குப் பின் நான் எழுதிய இந்த முதல்  கட்டுரையையும் இதனுடன் சேர்த்துப்  படிப்பது நல்லது நண்பர்களே!....

http://www.drumsoftruth.com/2014/04/74.html

தாத்தா சொன்ன கதைகள் ( 2 )

சொரக்கா சொரக்கா .......

ஒரு ஊர்ல ஒரு அப்பாவி இருந்தானாம்....

பொண்டாட்டி எதைச் சொன்னாலும் தட்ட மாட்டானாம்! 

பெண்டாட்டிக்கு சுரைக்காய் மேல் ரொம்ப ஆசையாம்!..

அண்ணாடும் புருஷன்காரன நச்சிட்டே இருந்தாளாம்!

அப்போ எல்லாம் இப்படி காய்கறி மார்கெட் கெடையாது! 

ஒண்ணா தன்னோட பொடக்காளில வெத போட்டுக் காய்க்கணும்.

இல்லன்னா யாராவது தெரிஞ்சவங்க குடுக்கணும்.

அவனுக்கு ரெண்டும் இல்லே!

என்ன செய்யுறது!...

சரி , இந்தத் தொல்லை பொறுக்குறதைவிட ராத்திரில எங்காச்சும் போய்ப் பாக்கலாம்னு முடுவு பண்ணுனான்.

அதே மாதிரி ராத்திரி சாமத்துல எந்திரிச்சு பகல்லயே பாத்துவச்சிருந்த ஒரு தோட்டத்துக்குப் போனானாம்.

அங்கெ சொரக்கா நெறைய இருந்ததாலே இவனும் வேணுங்குறஅளவு புடுங்கி மூட்டை கட்டிட்டான்...

தூக்க முடியலே!....

என்னடா வம்பாப் போச்சு அப்படின்னு ஆன வரைக்கும் பாத்தானாம். 

அப்பவும் முடியலே!

அத்து அவசரத்துக்கு என்ன பண்ணுறதுன்னு சொல்லி மசத்தனமா அங்கெ பட்டில படுத்திருந்த காட்டுக்காறன எழுப்பித் தூக்கி விடச் சொன்னானாம். 

அவன் விருக்குன்னு எந்திரிச்சவன் திருடன்னு நெனைச்சு இவன்இடுப்புல கத்தி இருக்கும்னு பயந்து  சரி வா தூக்கி உடுரன்னு கோளாறாச்சொல்லி மூட்டையைத் தூக்கி விட்டானாம். 

இவனும் மூட்டைய ரெண்டுகையில புடிச்சுத் தலைக்குத் தூக்கிப் புடிச்சுகிட்டானாம். 

அந்த சமயம் பாத்துக் காட்டுக்காரன் தங்கிட்ட இருந்த சூறிக் கத்திய எடுத்து இவன் மூக்க வெறுக்குன்னு அறுத்துட்டானாம்! 

வலி பொறுக்க மாட்டாம ஐயோ அப்பான்னு கத்திக்கிட்டே மூட்டையைப் போட்டுட்டு வீட்டுக்கு ஓடுனானாம்.!...

கதவத் தட்டுனதும் ஆசையா சொரக்காயை எதிர்பாத்துக்கிட்டிருந்த அவன் பொண்டாட்டி கதவைத் தெறந்தாளாம்! 

அவளப் பாத்து , " சொரக்கா சொரக்கான்னு கேட்டியேடி சொணைகெட்ட மூளி! பருத்துடி வெளக்கெ! பாருடி மூக்கெ! அப்படின்னானாம்!.....

என்ன கேட்டு என்ன பண்ணுறது! போன மூக்கு போயே போச்சு!.....

பல்சுவை (47)

வருத்தமான ஒரு உரையாடல்....

மதுரையில் நான் மாவட்ட ஆட்சியராக
இருந்தபோது திங்கள்கிழமை மனுநாளில்
மனு வாங்கி முடித்துவிட்டு வெளியில்
வந்தேன்.
கைலி, அழுக்கு சடையோடு 45
வயது மதிக்கத்தக்க ஆசாமி ஒருவர் என்
எதிரே வந்தார்.

'ஏன் முன்னாடியே வரக் கூடாதா?
கிளம்பும்போது வருகிறீர்களே... நீங்கள் யார்?’
என்று அவரிடம் கேட்டேன்.'அய்யா... நான்
வ.உ.சிதம்பரம்பி ள்ளையின் பேரன். நானும்
என் தம்பியும் கட்டடங்களுக்கு பெயின்ட்
அடிக்கும் வேலை செய்துவருகிறோம் .
சமீபத்தில் ஒரு உயரமான
கட்டடத்துக்கு பெயின்ட் அடிக்கும்போது என்
தம்பி தவறி விழுந்துவிட்டான ்.

இப்போது உடம்பு சரியில்லாமல் இருக்கிறான்.
அவனுக்காக உதவி கேட்டு இங்கே வந்தேன்.
வெளியில் இருக்கும்
காவலாளி என்னை உள்ளே விடாமல்
துரத்தி அடித்தார். அவரை சமாளித்துவிட்டு
வர இவ்வளவு நேரம் ஆகிவிட்டது’
என்று பரிதாபமாகச் சொன்னார்.

நான் அதிர்ந்துபோனேன்
.'உனக்கு இங்கே நிற்கும்
உரிமையை வாங்கிக்கொடுத்த தே என்
பாட்டன்தானடா என்று முகத்தில்
அடித்ததுபோல சொல்ல வேண்டியதுதானே?’
என்று சொல்லி அவரை ஆசுவாசப்படுத்தி
னேன்.
அதன் பிறகு அவருக்கு 50 ஆயிரம் பணம்
கடன் ஏற்பாடு செய்துகொடுத்து உழவர்
உணவகம் தொடங்கச் செய்தேன். வ.உ.சி-யின்
குடும்பமே வக்கீல் குடும்பம்.

வெள்ளைக்காரனுக் கு எதிராக
சுதேசி கப்பல்விட்ட கம்பீரமான வ.உ.சி-
க்கு ஆங்கிலேய அரசு இரட்டை ஆயுள்
தண்டனை விதித்தது. உடம்பு முழுவதும்
சங்கிலியால் பிணைக்கப்பட்டு அவரைச்
செக்கிழுக்கச் சொல்லி உத்தரவிட்டது.

தேசத்துக்காக செக்கிழுத்தவரின ் பேரன்கள்
பெயின்ட் அடித்துக்கொண்டு இருக்கிறார்கள்.
சம்பந்தமே இல்லாத யார்
யாரோ பலனை அனுபவித்துக்கொண்டு இருக்கிறார்கள்.

- சகாயம் ஐ.ஏ.எஸ்.—(https://www.facebook.com/veeramvelanjamadurai/photos/a.224087264402027.1073741828.223374171140003/457077357769682/?type=1&theater)

இந்தப் பதிவுக்கு நான் கொடுத்த விமர்சனம்:

 வ உ சி யின் பேரன்கள் உழைத்து வாழ்வது என்பது வ உ சி க்கு இழுக்கா?
அப்படியானால் அவர்கள் எப்படி வாழவேண்டும் என்று நாம் நினைக்கிறோம்?
இப்போதைய பல ஊழல் தலைவர்களின் வாரிசுகளைப் போலவா?....
இதுதான் சகாயத்தின் குரலா?.....

இது பற்றிய நண்பர்களின் பதில்கள் உண்மையாகவே எனக்கு மிகவும் வருத்தமாக இருந்தது.....

அந்த உரையாடலை அப்படியே தருகிறேன்.......


Kaligounder Pulli நாம் நம் வாரிசுகளுக்கு சொத்து சேர்த்து வைத்துக்கொண்டு உள்ளோம்.
அவர் தன் சொத்துகளை அப்படி செய்திருந்தால் இப்போது இந்த கேள்விக்கு வாய்ப்பே இருந்திருக்காது அல்லவா?
ஜெய்ஹிந்த்.
October 1 at 8:11pm · Like · 8 · Reply

Subash Krishnasamy அதுதான் தியாகம் நண்பரே! அந்தத் தியாகத்துக்கு இணையாக எதையும் எதிர்பார்க்கக் கூடாது! அப்படி நினைப்பதே தியாகிகளுக்கு மரியாதை அல்ல! மற்ற அனைவரைப் போலவே அவர்களின் வாரிசுகளும் தங்கள் சொந்த முயற்சியால் நன்றாக வாழட்டும்!...
October 1 at 8:14pm · Like · 4 · Reply

Chockalingam Natarajan இந்தியாவின் கவர்னர் ஜெனெரலாக இருந்த ராஜாஜி " நான் இந்த நாட்டுக்கு செய்த தியாகத்திற்கு எனக்கு கிண்டியிலுள்ள ராஜ் பாவனை எழுதிக்கொடுக்க வேண்டும் " என்றார்.
வா உ சி பேரன் மிக சிறு ஊன்று கோலைத் தான் கேட்டார். அவர் உழைத்து உண்டு கொண்டிருக்கிறார். இலவசமாக ஒன்றும் கேட்கவிலலையே !
October 1 at 8:45pm · Unlike · 7 · Reply

Suresh Mutha Dairy உதவி தானே கேட்டனர். பதவி கேக்கவில்லையே " நம்மில் எத்தனை பேர் கடன் வாங்க வங்கிகளுக்கும் அரசு அலுவலகங்களுக்கும் அலைந்து கொண்டிருக்கிறோம். சிறு உதவி கூட செய்ய கூடாது என்று சொல்கிறீர்களா ? தியாகம் செய்தவர்களின் வாரிசுகளுக்கு அந்த உதவி கூட செய்ய கூடாதா ?
October 1 at 9:35pm · Edited · Unlike · 10 · Reply

Kiruthika Paranthaman உடம்பு சரி இல்லாத போது தான் உதவி கேட்டு இருக்கின்றனர்...வ.வு.சி.யின் பேரன் என்று அடைமொழியை விடுத்து உதவி கேட்கும் ஒரு ஏழ்மை குடும்பம் என்று ரீதியில் பார்த்தாலும்,இது நியாயமான கோரிக்கையே....
October 1 at 9:51pm · Unlike · 11 · Reply

Karthik Ero அவர் யார்கிட்டையும் பிச்சை கேட்கலங்க அய்யா,கடன் தானே கேட்டார்,அதுவும் அடிபட்டு முடியாத நிலையில் தானே கேட்டிருக்கார் அதுல என்ன தப்பு இருக்குங்க,இதுவே திரு.சகாயம இருக்கபோக அவருக்கு இந்த உதவியாவது கிடச்சிருக்கு அவரும் இல்லைனா இவங்க நெலமைய கொஞ்சம் நெனச்சுப்பாருங்க,வாவுசி அவர்களின் தியாகம் அவர் வம்சத்த காப்பாத்துது...விடுங்க நல்லது யார்மூல நடந்தா என்னங்க நடந்தா சரிதான்
October 1 at 10:13pm · Edited · Unlike · 8 · Reply

Afzal Noor மேலும் திரு. சகாயம் அவர்கள் ரூ.50,000 கடன் தான் பெற்று கொடுத்துள்ளார். அவர்களும் உணவகம் நடத்தி பிழைப்பை தொடர்கின்றனர்.
October 1 at 10:12pm · Unlike · 12 · Reply

Anbalagan Rajabather அய்யா அது அப்படி இல்லை, ஒரு சுதந்திர போராட்ட தியாகியின் குடும்பத்தை சார்ந்தவர் நேர்மையக உழைக்க நினைப்பவர் இந்த சமுதாயத்தில் சிறப்பாக வாழ முடியவில்லை ஆனால் லஞ்ச லாவண்ய வாதிகள் எப்படி எல்லாம் வாழ்கிறார்கள் என்ற ஆதங்கத்தின் வெளிப்பாடக இருக்கும்
October 1 at 11:43pm · Unlike · 10 · Reply

Thaniyan Pandian விடுதலை போராட்ட காலத்தில் வீட்டில் இருந்து கொண்டு முதுகை சொரிந்து கொண்டவன் பிள்ளைகள் சிலரும் பலரும் இன்று வசதியோடு வாழ்ந்து கொண்டு இருக்கும் போது, படித்து பட்டம் பெற்று வக்கீல் தொழில் பார்த்து பெரும் பணக்காரராய் பிழைக்க தெரியாமல் வெள்ளை ஏகாதிபத்தியத்தை எதிர்த்து செக்கிழுத்து சிறையில் இருந்த மண்ணின் மைந்தரின் பிள்ளைகளுக்கு செய்யாமல் யாருக்கு செய்வது?

ராணுவ வீரின் மனைவி மற்றும் பிள்ளைகளுக்கு அரசு சலுகை தருவது பிச்சை அல்ல. அது நன்றிக் கடன்!

இதுவும் ஒரு நன்றிக் கடன் தான். நாடு தரும் நன்றி மறவாத கடன்.
October 2 at 12:25am · Unlike · 13 · Reply

Mari Muthu K இக்கட்டான சூழலில் என்னை கரைசேர்த்தவன் அதன்பின் ஆற்றோடு போகட்டும், அதுதான் தியாகம். அவனுக்கு கைகொடுக்கும் பொறுப்பெல்லாம் எனக்கில்லை.
October 2 at 7:21am · Unlike · 3 · Reply

Ramanan L R Venkata Sir - you have misunderstood - It is not wrong to work and live but means to live - either a business or a job is necessary - what is wrong is creating that - please understand from right angle
October 2 at 8:59am · Like · Reply

Rajesh Kumar antha v. o .c avarkalaye kadasiyil pitchai edukka vaithavarkal,avar vaarisukalai eppadi paarparkal.AVAR NINAITHU IRUNDHAL VELLAI KARANUKKU THUNAI NINDRU ORU PERIYA RAJANGA VALKAI VALNTHU IRUKKALAM.kadai thengai eduthu valipillaiyarukku udaikkum arasiyal indru
October 2 at 11:54am · Like · 1 · Reply

Puduvayal Seetharaman Venkataraman எனக்கு தெரிந்து நேர்மை நேர்மை என்று கூறுபவர்கள் இப்படி தான் கஷ்டபட வேண்டும் இதற்கு பல பேர் சாட்சி உழைக்காமல் உக்கார்ந்து சாப்பிடுபவர்கள் ஊரை ஏமாற்றி பிழைப்பு நடத்துபவர்களுக்கு இப்போது மிகவும் நன்றாக இருக்கிறார்கள்
October 2 at 11:54am · Like · Reply

Subash Krishnasamy அவர் ஒரு குடிமகன் என்கிற முறையில் நியாயமான எதை வேண்டுமானாலும் செய்யட்டும் நண்பர்களே!...அது அவரது கடமை! வ உ சி யை நினைந்து செய்வதுதான் சரியல்ல என்கிறேன்! அப்படியொரு தியாகியின் வாரிசாக இல்லாதவர்களுக்கும் இந்த வாய்ப்பு கிடைத்தால் அதுதான் பாராபட்சமற்றது! தியாகியின் தியாகத்தைக் கொச்சைப் படுத்தக்கூடாது என்பதே எனது கருத்து!....
October 2 at 12:12pm · Edited · Like · 3 · Reply

Subash Krishnasamy காந்தியின் வாரிசு காந்தியைப் போல் இருப்பார் என்பது நிச்சயம் அல்ல! அதே போல சாதாரண மனிதனின் வாரிசு உயர்ந்த தியாகியாக ஆகக் கூடாது என்பதும் இல்லை! அப்படி இருக்க தியாகியின் வாரிசு என்பது மட்டும் எப்படி ஒரு தகுதியாக முடியும்?...
October 2 at 12:09pm · Like · 1 · Reply

Puduvayal Seetharaman Venkataraman ஒருவரை போல இன்னோருவர் எதிர் பார்க்க கூடாது அதே சமயம் நாட்டை பற்றி நினைக்காமல் வீட்டை பற்றி நினைத்தால் இன்று நாங்கள் கஷ்டப்பட வேண்டியது இல்லை இப்போது அரசு ஊழியர் இறந்தால் வாரிசு வேலை இது எதற்கு இந்த அரசாங்கம் கொண்டு வர பாடுபட்டவர் குடும்பம் இப்படி கஷ்டபடவேண்டுமா ?
October 2 at 12:16pm · Like · 1 · Reply

Kaligounder Pulli ஐயா ஏதோ உட்கருத்துக்காக பேசுகிறார் போலும்.
எல்லோராலும் தியாகம் செய்ய முடியாது.
அந்த செம்மலுக்கு வாழ்த்து சொல்லமுடிந்தால் சொல்வோம் இல்லையெனில் அமைதி காப்போம்.
October 2 at 12:28pm · Edited · Like · 1 · Reply

Subash Krishnasamy தியாகிகளின் வாரிசுகள் கஷ்டப்படவேண்டும் , நல்லவர்களின் வாரிசுகள் கஷ்டப்படவேண்டும் என்பதுதான் இந்தப் பதிவு சொல்லும் செய்தியா?...இந்த மனப்பான்மைதான் இன்று நாட்டை தவறான பாதையில் செல்ல வைக்கிறது என்று நினைக்கிறேன்.
October 2 at 12:28pm · Like · 1 · Reply

Subash Krishnasamy அந்தமான் சிறையில் உயிரை விட்ட தியாகிகளின் வாரிசுகள் யாரென்று நமக்குத் தெரியுமா? ஜாலியன் வாலாபாக் படுகொலையில் உயிர் விட்டவர்களின் வாரிசுகள் யாரென்று நமக்குத் தெரியுமா? அந்த தியாகிகளின் தியாகத்துக்கு நன்றிக் கடனாக நாம் எதைச் செய்தோம்?....தியாகிகளுக்கு நாம் செய்யும் நன்றிக் கடன் என்பது அவர்களின் லட்சியங்களை கடைப்பிடித்து நாட்டு மக்களுக்காக நமது கடமையைச் செய்வதே! பாரபட்சமற்ற நல்வாழ்வு அனைத்து மக்களுக்கும் கிடைக்கப் போராடுவதே!.....
October 2 at 12:32pm · Like · 1 · Reply

Kaligounder Pulli இதை எல்லாம் கண்டு வெளிபடுத்த தகுதியானவர் நீங்கள் தான் ஐயா. அதற்காக முன்கூட்டியே வாழ்த்துக்கள்.
October 2 at 12:34pm · Like · 1 · Reply

Subash Krishnasamy வஞ்சப் புகழ்ச்சியைவிட உண்மையை உணர்ந்தால் அதுதான் மேலானது நண்பரே!.....
October 2 at 12:36pm · Like · Reply

ரவி செண்பகம் தியாகியின் தியாகத்தைக் கொச்சைப் படுத்தக்கூடாது
October 2 at 12:59pm · Unlike · 1 · Reply

Nc Srin சகாயம் போன்று சிலர் இருப்பதால் தான் இன்று கொஞ்சம் மழை பெய்கிறது!
October 2 at 1:02pm · Like · 1 · Reply

Shiva Kumar சகாயம் சொல்லவருவது இந்த நாட்டிக்காக தியாகம் செய்த வாரிசுகள் கூட வறுமையிலும் ,வந்தேறிகள் அதிகாரத்திலும் இருக்கும் அவலத்தை உணர்த்தவே . இந்த நாட்டின் அரசியல் விமர்சனம் .வாரிசுகள் சுயமாக முன்னேறனும் அரசு உதவியை நாடி அந்த தியாகிக்கு செய்யும் அவமானம் என்று பதியும் நீங்கள் எத்தனை அரசியல் திருடர்களை விமர்சனம் செய்து இங்கே பதிவு செய்து இருப்பிங்க என்றல் சுழியமே பதில்
October 2 at 3:00pm · Edited · Like · 2 · Reply

Subash Krishnasamy சகாயம் சொல்லவருவது இந்த நாட்டிக்காக தியாகம் செய்த வாரிசுகள் கூட வறுமையிலும் .......\\\\\\\நல்ல விளக்கம்!....
October 2 at 2:59pm · Like · 3 · Reply

Subash Krishnasamy எத்தனை அரசியல் திருடர்களை விமர்சனம் செய்து இங்கே பதிவு செய்து இருப்பிங்க என்றல் சுழியமே பதில் \\\\\\\\\நீங்கள் எனது விமர்சனங்களைப் படித்தது இல்லை என்பது தெரிகிறது! முதலில் படிக்க முயற்சி செய்யுங்கள்! அது வரை உங்கள் சுழியம் அல்லது உங்கள் நூறுக்கு அர்த்தம் இல்லை!.....
October 2 at 3:36pm · Like · 3 · Reply

Subash Krishnasamy நான் யாரையும் தரங்கெட்டு வசை பாடுவது இல்லை! தவறான அரசியலைப் பற்றி நான் மிக அதிகமாகவே பதிவுகளில் விமர்சனம் செய்திருக்கிறேன். அது திருடர்களை மட்டும் தாக்கும் . படிக்க விரும்பினால் இணைப்பைக் கொடுக்கிறேன்.
October 2 at 3:39pm · Like · 2 · Reply

Subash Krishnasamy திருடர்களின் பெயர் சொல்லுவதையே நல்ல அரசியலுக்கு அவமானம் என்பதால் பெரும்பாலும் பெயர் குிறிப்ப்டுவதைத் தவிர்க்கிறேன்....பெயர் குறிப்பிடாமல் முடியாது என்கிற இடங்களில் மட்டும் அபூர்வமாகப் பெயர் குறிப்பிடுவேன்...அதைப் புரிந்துகொள்ளவேண்டும் என்றால் சுழியத்தை விட்டு வெளியே வாருங்கள்!....
October 2 at 3:43pm · Like · 2 · Reply

Shiva Kumar எனது ஒட்டுரிமையைப் பயன்படுத்திவிட்டேன்..// பதிவை பார்த்தேன் அந்த ஒரு பதிவே போதும் ஐயா உங்கள் என்னத்தை அறிந்துகொள்ள அறிய பிள்ளை பொறுத்தருளவும் ஐயா
October 2 at 3:49pm · Unlike · 3 · Reply

Subash Krishnasamy Shiva Kumar\\\\\ பிழை ஒன்றும் இல்லை நண்பரே! அரசியலில் நாம் எதிர்பார்க்கும் நியாயமான தீவிரத்தன்மை இல்லாத நிலையில் சில நேரங்களில் இப்படித் தவறாக விமர்சிப்பது இயல்பே! வாழ்த்துக்கள்!
October 2 at 4:03pm · Like · 3 · Reply

Natarajan Anandan GOOD. NO ONE IS THERE TO SEE EVERY ONE'S CONSTRAINTS. ALL BECAME AS SELFISH TO SEE THEIR OWN'S LIFE. VERY PATHETIC. WHEN INDIA WILL HAVE GOOD PEOPLES TO THINK ABOUT ALL ?
October 2 at 7:55pm · Unlike · 1 · Reply

Prakash Dan vaimaye vellum
October 2 at 10:34pm · Unlike · 1 · Reply

Rajesh Krishnakumar · 2 mutual friends
Boss this is India
October 2 at 11:10pm · Unlike · 1 · Reply

Rajesh Krishnakumar · 2 mutual friends
They always support only wrong person
October 2 at 11:11pm · Unlike · 1 · Reply

Rajesh Krishnakumar · 2 mutual friends
wait n see
October 2 at 11:11pm · Like · Reply

இளவேனில் சௌ ஐயா… சகாயம் குரலில் நீங்களே பேசுவது எவ்வகை நியாயம்… வ உ சி பேரங்களின் நிலையையும் தற்போதைய அரசியல்வாதிகளின் பிள்ளைகளையும் ஒப்பிட்டுப் பார்பது குற்றமா?

இத்தனைக்கும் தம்பி உடல் நலிவுற்ற காரணத்தினால் உதவி வேண்டி விண்ணப்பம் செய்ய வந்திருந்தது போல அந்தப் பதிவு வழியே தெரிகிறது… மேலும் அவர்கள் உழைக்க மாட்டோம், ஊதியம் கொடுங்கள் என்று கேட்டதாகத் தெரியவில்லை... கடனே கிடைக்கப் பெற்றிருக்கிறார்கள். அதுவும் தனிப்பட்ட முறையில் ஏற்பாடு செய்தாரா, அரசு திட்டத்தின் வழியே செய்தாரா என்பதும் தெரியவில்லை. அரசு திட்டத்தின் வழியே கடன் ஏற்பாடு செய்தாலும் தவறு ஏதும் இருப்பதாகத் தெரியவில்லை. ஊடகத்தார் ஒன்றும் இல்லாத விடயங்களுக்கு கை கால் மூக்கு வைத்து அழகு பார்ப்பது போல இருக்கிறது..
October 2 at 11:15pm · Unlike · 3 · Reply

Santhavel Kpm வ,உ.சி சிறைக்குச்சென்றவுடன் அந்த கப்பலை ஆங்கிலேயரிடமே விற்றவர்கள்.......அப்பவே அப்படி நாட்டுப்பற்று இல்லாதவர்கள் இருந்திருக்கிறார்கள்.இப்ப சொல்லவவும் வேண்டுமா??ஐயா
Yesterday at 9:46am · Unlike · 2 · Reply

Subash Krishnasamy இளவேனில் சௌ\\\\\\\\\நண்பரே! வ உ சி அவர்களின் பேரன் என்பதற்காக அவருக்கு உதவி செய்ததைத் தவறு என்று நான் சொல்லவில்லையே!....ஒரு மாவட்ட ஆட்சியர் என்ற முறையில் பாதிக்கப்பட்ட ஒவ்வொரு குடிமகனுக்கும் அவர் நியாயமான உதவி செய்யக் கடமைப் பட்டவர்! அந்த முறையில்தான் செய்திருக்க வேண்டும். வ உ சி யின் பேரன் என்பதற்காக மட்டும் முன்னுரிமை கொடுப்பது அந்த தியாகிகளுக்கும் இப்போதும் வாழும் நேர்மையாளர்களுக்கும் ஒரு மாவட்ட ஆட்சியாளர் என்ற முறையில் அனைத்து மக்களுக்கும் கொடுக்கும் மரியாதையோ கடமையோ அல்ல என்கிறேன்! வ உ சியை நினைக்காமல் செய்திருந்தால் , அதுவும் வ உ சி யின் பேரன் பெயிண்டர் வேலை செய்வதா என்று சொல்லாமல் இருந்திருந்தால் இந்த விமர்சனத்துக்கு அவசியம் இல்லை! நான் சகாயத்தின் நேர்மையை குறை சொல்ல வில்லை!....தியாகிகளின் வாரிசுகள் என்பதை மற்றவர்களுக்குக் கிடைக்காத வாய்ப்பைப் பெரும் சலுகையாகப் பயன்படுத்துவதையே தவறு என்கிறேன். நான் சொல்ல வந்ததைச் சரியான கண்ணோட்டத்தில் சீர்தூக்கிப் பார்த்தால் அதில் உள்ள சத்தியமும் நேர்மையும் விளங்கும்.
Yesterday at 11:48am · Like · 3 · Reply

Subash Krishnasamy எனது கருத்தைப் பார்த்தால் சகாயம் அவர்களே ஏற்றுக் கொள்வார் என்றே நான் நினைக்கிறேன்! காரணம் அவர் நேர்மையானவர்! தவறுகளை எதிர்த்துப் போராடுபவர் மட்டுமல்ல . நியாயமான விமர்சனங்களை ஒப்புக் கொள்பவரும்கூட!.
Yesterday at 12:01pm · Like · 1 · Reply

Afzal Noor அய்யா,

நாட்டிற்காக எங்கள் பாட்டனார் உழைத்தார்.

தலைமுறை தாண்டியும் அதனை அங்கீகரிக்க நாடு என்றும் தயாராகவே உள்ளது என்று இந்த சம்பவம் மற்றவர்களுக்கு ஒரு உந்து சக்தியாக இருக்கும் என்பது எனது மற்றொரு பார்வை.
Yesterday at 12:10pm · Like · 1 · Reply

Subash Krishnasamy நல்லது நண்பரே! இது மொய்க் கலாச்சாரம்! தியாகம் செய்தவர்களுக்கு செய்த தியாகத்தைப் பொருத்து பதில் மரியாதை அவர்களின் வாரிசுகளுக்குக் கிடைக்கும்!....மொய்க்கு மொய்! அப்படிப்பட்ட மொய் வைக்காதவர்களின் வாரிசுகளின் நிலை என்ன?....
Yesterday at 12:18pm · Like · 2 · Reply

Subash Krishnasamy நிச்சயம் தியாகிகள் தங்களின் தியாகத்துக்கு விலையாக அடுத்து வரும் காலத்தில் அனைத்து மக்களின் சுபிட்சத்தைத் தான் நினைத்தார்களே தவிர அவர்களின் வாரிசுகளுக்கு தனிச் சலுகையை அல்ல!
Yesterday at 12:20pm · Like · 2 · Reply

Subash Krishnasamy இதே நிலையில் இந்த உதவி கேட்டு ஒரு சாதாரணக் குடிமகன் வந்திருந்தாலும் இந்த உதவி கிடைத்திருக்குமென்றால் அதுதான் நமது விடுதலைக்காகப் போராடிய தியாகிகளுக்குக் கிடைத்த மாபெரும் மரியாதை!...அதைப் புரிந்துகொள்ள மறுப்பதுதான் வருத்தமாக இருக்கிறது!....
Yesterday at 12:24pm · Like · 2 · Reply

Sethupathy Swaminathan அய்யா, நாட்டிற்காக பல தலைவர்கள் போராடி தியாகம் செய்திருக்கிறார்கள். பெரும்பாண்மையானவர்கள் தாங்கள் கடுமையாக போராடினாலும் தங்கள் குடும்பத்துக்கு பெரிய கஷ்டங்களை கொடுத்ததில்லை. இன்னும் சொல்லப்போனால் தங்கள் சொத்துக்களுக்கு எந்த பாதகமும் வராமல் தங்களது அர்ப...See More
Yesterday at 12:38pm · Edited · Unlike · 1 · Reply

Subash Krishnasamy Sethupathy Swaminathan\\\\\நிச்சயம் நியாயம் நண்பரே! நண்பர்களின் நியாய உணர்வுகளுக்கு நான் எதிரானவன் அல்ல!....அத்தகைய தியாகிகளின் வாரிசுகளாக இல்லாவிட்டாலும் அத்தகைய துன்பத்தில் இருக்கும் ஒரு குடிமகனுக்கு அத்தகைய உதவி கிடைக்கவேண்டும் என்பது தவறா? நான் அனைத்து மக்களுக்கும் அத்தகைய வாய்ப்பு வேண்டும் என்று சொல்வது எப்படி தியாகிகளுக்கு எதிரான ஒன்றாகும்? தியாகிகள் அனைத்து மக்களுக்காகவும் போராடினார்கள்! தியாகிகளின் குடும்பங்களுக்கும் வாரிசுகளுக்கும் எந்த வகையில் அரசுகள் உதவ வேண்டியது சரியோ அதைச் செய்யவேண்டும். அதை யாரும் மறுக்கவில்லையே!....ஒருக்கால் வ உ சி யின் பேரர் சகாயத்திடம் உதவிகேட்டு வராமல் போயிருந்தாலும் அவருக்குத் தேவையான உதவிகள் செய்யப்பட்டிருக்க வேண்டும். காரணம் தியாகிகளின் அடுத்தடுத்த தலைமுறையினரின் துன்பங்களுக்கு முன்னோர் செய்த தியாகம் காரணமாக இருக்கக் கூடாது என்பது இந்த சமூகத்தின் மற்றும் அரசுகளின் கடமை!
Yesterday at 12:56pm · Like · 2 · Reply

Subash Krishnasamy அன்று சகாயம் அவர்களிடம் வேறு சிலரும் இதைவிடக் கொடூரமான பாதிப்பில் இருப்பவர்கள் உதவி கேட்டு வந்திருந்தால் அவர் என்ன செய்திருப்பார்? தியாகிகளின் வாரிசுகள் அல்ல என்பதால் மறுத்திருப்பாரா? நிச்சயம் பாரபட்சமில்லாமல் செய்திருப்பார் என்றே நினைக்கிறேன்!
Yesterday at 1:03pm · Like · 2 · Reply

Subash Krishnasamy அத்தகைய கண்ணோட்டத்தில் அவர் செய்திருந்தால் மிகவும் மகிழ்ந்திருப்பேன்....
Yesterday at 1:05pm · Like · Reply

Sethupathy Swaminathan நண்பர் ஒருவர் கப்பல் கம்பெனியை அவரது குடும்பம் வெள்ளைக்காரர்களுக்கு விற்றதாக கமெண்டில் கூறியிருக்கிறார்... வ.உ.சி அவர்கள் தன்னுடைய உப்பளத்தை விற்ற பிறகும் அவரிடம் கப்பல் கம்பெனி ஆரம்பிக்கும் அளவுக்கு பொருள் இல்லை, ஆகவே பல்வேறு நபர்களை கூட்டாக சேர்க்கிறார். அவர் சிறை சென்ற பிறகு குடுப்ப சூழ்நிலை காரணமாக அவருடைய சகோதரர் மனநிலை பாதிக்கப் பட்டவராகிறார். இந்த சூழ்நிலையில் பங்க்குதாரர்கள் கூறும்போது, கம்பெனியை வெள்ளைக்காரனுக்கு விற்று தானே ஆக வேண்டும். மேலும் அப்போது ஆங்கிலேயர், பிரன்சுக்காரர்கள் தவிர இந்தியர் எவரும் கப்பல் கம்பெனியை வாங்க தயாராக இருந்திருக்க மாட்டார்கள்.
Yesterday at 2:46pm · Unlike · 1 · Reply

Subash Krishnasamy அதுதான் அன்றைய யதார்த்த நிலை!....
Yesterday at 2:49pm · Like · 1 · Reply

Ramanan L R Venkata I feel we need not judge or comment about things which happened when we were not there - VOC's family can not and need not suffer is a simple gesture of courtesy to that great man - I do not see any meaning in discussing this in length and breadth which I feel is discourtesy to great VOC - excuse me if I am little straight forward..
20 hrs · Like · Reply

Subash Krishnasamy அந்த மகத்தான மனிதைரின் புகழுக்குப் பெருமை சேர்ப்பதாகத்தான் அனைவருடைய கருத்துக்களும் உள்ளன நண்பரே!...அவர் இங்கு விவாதப் பொருள் அல்ல! சகாயம் அவர்களின் உதவி பற்றிய வேறுபட்ட பார்வைகளே!.... யாரும் கண்ணியக் குறைவாக எதுவும் சொல்லாத நிலையில் அது பற்றிக் குறை சொல்ல ஒன்றும் இல்லை!
20 hrs · Like · 1 · Reply

Subash Krishnasamy சகாயம் அவர்கள் செய்த ஒரு உதவி பற்றிய விமர்சனத்தையே ஒப்புக்கொள்ள முடியவில்லை என்றால் இன்னும் பல மகான்களைப் பற்றியெல்லாம் விமர்சனம் செய்யவோ சரியான விமர்சனத்தைக்கூட ஏற்றுக் கொள்ளவோ யார் துணியப் போகிறார்கள்? காரணம் விமர்சனம் என்பது பற்றிய சரியான புரிதல் இல்லாமையே!....விமர்சனத்துக்கு அப்பாற்பட்டவர்கள் யாரும் இல்லை என்பதை உணர்ந்தால் மட்டுமே நமது உணர்வுகள் சமூகத்துக்குப் பயனுள்ளதாக இருக்கும்!.....
19 hrs · Like · 1 · Reply

Praba Haran Subash Krishnasamy அய்யா: சகாயம் அவர்கள் அந்த நபர் வ.உ.சி அவர்கள் பேரன் இல்லை என்றாலும் முடிந்த உதவி அல்லது இத உதவி தான் செய்வார்.
19 hrs · Unlike · 1 · Reply

Subash Krishnasamy நானும் இதை மேலே சொல்லியிருக்கிறேன் நண்பரே!...(அன்று சகாயம் அவர்களிடம் வேறு சிலரும் இதைவிடக் கொடூரமான பாதிப்பில் இருப்பவர்கள் உதவி கேட்டு வந்திருந்தால் அவர் என்ன செய்திருப்பார்? தியாகிகளின் வாரிசுகள் அல்ல என்பதால் மறுத்திருப்பாரா? நிச்சயம் பாரபட்சமில்லாமல் செய்திருப்பார் என்றே நினைக்கிறேன்!)
19 hrs · Like · 3 · Reply

Santhavel Kpm நண்பர் ஒருவர் கப்பல் கம்பெனியை அவரது குடும்பம் வெள்ளைக்காரர்களுக்கு விற்றதாக கமெண்டில் கூறியிருக்கிறார்...///////இப்படி நான் கூறவில்லை ஐயா.நன்றாக என் பிண்ணூட்டத்தை கவனியுங்கள்.....அதாவது,சுதேசி கப்பலை ஆரம்பித்தவுடன் வியாபாரிகளை ஒன்று கூட்டி வியாபாரத்திற்கு சுதேசி கப்பலை பயன்படுத்துமாறு கூறுகிறார் ...அப்படியே சில காலம் சென்றது...ஆங்கிலேயரால் சிறைக்குச்சென்றவுடன் வியாபாரிகள் சேர்ந்து அந்த கப்பல் கம்பெனியை நடத்தாமல் ஆங்கிலேயரிடமே விற்றார்கள் தேசப்பற்றில்லாதவர்கள் என்ற பொருளில்தான் நான் அவ்வாறு குறிப்பிட்டேன்.மேலும் நண்பர் சொல்லித்தான் அவரின் குடும்பமே விற்பதற்கான சூழலில் தள்ளப்பட்டதை அறிகிறேன்..
17 hrs · Edited · Unlike · 1 · Reply

Santhavel Kpm திரு சுபாஷ் ஐயா சொல்வதை நான் முற்றிலும் மறுக்கிறேன்.காரணம் ஆட்சியர் அலுவலகத்திற்கு வரும் அனைவருக்கும் செய்யவேண்டியது ஆட்சியரின் கடமைதான் அதில் சந்தேகமில்லை ஐயா.ஆனால் உதவிகேட்டு வருபவர்களில் உண்மையாக ஏழ்மையில் வருபவர்கள் உண்மையாணவர்கள் என்பதை பகுத்தரிந்து உதவி செய்வதற்கான சுழல் இந்த காலகட்டத்தில் இல்லை ஐயா.வருபவர்களில் வசதியானவர்கள் கூட உதவிகள் கேட்டு வருகிறார்கள். வ.உ.சி. வாரிசுகள் என்ற அடையாளம் நேர்மைக்கான அடையாளம் அதைவைத்தும் அண்ணாரின் தன்னலமற்ற தொண்டிற்கும் ,அந்த குடும்பத்திற்கு செய்யவேண்டிய உதவிகள் செய்தார்.
17 hrs · Like · 2 · Reply

Santhavel Kpm தாங்கள் கூறியது மாதிரி மற்றவர்களுக்கு செய்வாரா??என்றால்....உண்மையான முகவர் அதாவது உண்மையாகவே ஏழ்மை நிலையில் இருப்பவர் என்பது ஊர்ஜிதம் ஆகும் அளவிற்கு நபரின் நேர்மையை அறிந்திருந்தால் நிச்சயம் செய்வார் ஐயா.தற்போதுள்ள நிலையில் பணக்காரர்களும் கட்சிக்காரர்களும் தான் அரசின் உதவியை பெற பலபேர் ஆட்சியரிடம் வருகிறார்கள் .எனவேதான் எல்லாருக்கும் கிடைக்காத சூழல்.மற்றபடி உண்மையானவர்களூக்கும்,நேர்மையானவர்களுக்கும் (இது நபரைபற்றி தெரிந்திருந்தால்)நிச்சய்மாக உதவிகள் செய்வார் அப்படிபட்டவர்களுக்கும் என்பது என் கருத்து ஐயா.தங்கள் பதிவில் உள்ள முரண்களை களைவது உங்கள் பொறுப்பு ஐயா.
17 hrs · Edited · Like · 2 · Reply

Mathi Vanan சிதம்பரனாரின் வாரிசுகள் கொள்ளையடிக்கவில்லை என்பது நல்ல விஷயம்.. ஆனால், போராளி ஒருவரின் வாரிசுகளை சமூகம் கவனிக்கவில்லை என்றால், வேறு யாரைத்தான் கவனிக்கப் போகிறது?
15 hrs · Like · 2 · Reply

Shivaraj Shivaraman /தியாகிகள் தங்களின் தியாகத்துக்கு விலையாக அடுத்து வரும் காலத்தில் அனைத்து மக்களின் சுபிட்சத்தைத் தான் நினைத்தார்களே தவிர அவர்களின் வாரிசுகளுக்கு தனிச் சலுகையை அல்ல/

நன்றி அண்ணா,

இதுதான் தாங்கள் சொல்ல விரும்பிய செய்தி.

சிதம்பரம் ஐயா இன்று இருந்திருந்தால், இச்சலுகையை துச்சமென தூக்கி எறிந்திருப்பார்.

திரு.சகாயம் அவர்கள் யாராயிருந்தாலும் உதவியிருப்பார், எனினும் இந்நார் பேரன் என்றவுடன் திடுக்கிட்டு வெளிப்படுத்திவிட்டார்.

நண்பர்களின் ஆதங்கமும் நியாயமானதே... லொச்சா பசங்க பிள்ளைகளும், பேரன்களும் ஆயிரம் கார்கள் புடைசூழ வலம் வருவதை காணும் எந்த இந்தியனுக்கும், இச்செய்தி வலிக்கும், மிக வலிக்கும்.

இருப்பினும், தாங்கள் கூற விரும்பிய செய்தி மிகச்சரியானது.
13 hrs · Unlike · 3 · Reply

Subash Krishnasamy புரிதலில் எவ்வளவு கோளாறு இருக்கிறது என்பதை உணர இந்தப் பதிவு எனக்குப் பயன்பட்டது தம்பி!....நான் என்ன சொல்கிறேன் என்பதைச் சரியாகப் புரியாமல் அல்லது எடுத்துக்கொள்ளாமல் நான் நினைக்காத பலவற்றுக்கெல்லாம் என்னைப் பிரதிநிதியாக்கிப் பதிலும் சொல்லி விட்டார்கள்!....அவர்களை நினைத்து வருத்தப் படுவதைத் தவிர வேறு வழி இல்லை!
1 hr · Edited · Like · 1 · Reply

Subash Krishnasamy ஆக வ உ சி க்கும் அவரது வாரிசுகளுக்கும் சகாயத்துக்கும்கூட நான் மற்றவர்களைவிட வேண்டாதவன்போலும்!.....கொடுமை!
1 hr · Like · 1 · Reply

Subash Krishnasamy வ உ சியைப் பற்றியும் நேத்தாஜியைப் பற்றியும் எனக்கு சில எதிர்மறை விமர்சனங்க்ளும் உண்டு. அதைச் சொன்னால் எப்படியிருக்கும் என்று நினைத்துப் பார்க்கிறேன்! துதிபாடும் கலாசாரத்தில் வாழும் நமக்கு விமர்சனத்தின் பொருள் தவறாகப் படுவது இயல்பே!.....
1 hr · Edited · Like · 1 · Reply

Arumugam Chennimalai ///////////அதன் பிறகு அவருக்கு 50 ஆயிரம் பணம்
கடன் ஏற்பாடு செய்துகொடுத்து உழவர்
உணவகம் தொடங்கச் செய்தேன்.//////////// Mr.Sahayam has not given then free money.he just arranged a Loan.
1 hr · Like · Reply

Subash Krishnasamy இதையும் பாருங்கள்!....இதில் வரும் சங்கரன்தான் இந்த உரையாடலில் அடிபடும் உதவி பெற்றவர் ஆவார்! இந்தக் கட்டுரை 2008 ம் ஆண்டு எழுதப்பட்டது. அப்படியானால் சகாயம் அவர்கள் செய்த உதவி என்ன ஆயிற்று? இப்பொது அவர்களின் நிலை என்ன? http://manuneedhi.blogspot.in/2008/08/blog-post_24.html

தமிழன்: தெருவோரத்தில் அனாதைகளாக வ.உ.சி.யின்...
MANUNEEDHI.BLOGSPOT.COM
1 hr · Edited · Like · Reply · Remove Preview

பாலசுப்பிரமணியன் கே கியூபாவின் தொழில்துறை அமைச்சராக இருந்த,,,சேகுவாரா,,, தினசரி கப்பற்தளத்துக்கு சென்று மூட்டை இறக்கும் வேலையை சிலமணிநேரம் ஈடுபடுவாராம் அதேபோல் வயலில் கரும்பு வெட்டும் வேலையும் செய்த பின்னரே தனது அமைச்சருக்கான வேலையை பார்ப்பாராம்

இதையெல்லாம் கண்ட நண்பர்கள் நீங்கள் “இதைச் செய்துதான் ஆகவேண்டுமா?” என்று கேட்டபோது சேகுவாரா சொன்னபதில்,,,
மனிதனாக பிறந்த ஒவ்வொருவருக்கும் உடல் உழைப்பு என்பது கட்டயாமாக இருக்க வேண்டும் என்றாராம்,,,
இந்தியாவிலோ உடல உழைப்பு கேவலமானது என்ற மனநிலையே ,,,பலருக்கும் உள்ளது,,
அதன ஒருவகையான வெளிப்பாடுதான் சகாயம் கூறிய பெயிண்ட் அடிப்பதை பற்றிய கருத்தும்,,,
1 hr · Unlike · 1 · Reply

Subash Krishnasamy வ உ சிக்கு ஆணும் பெண்ணுமாக மொத்தம் எட்டுப் பிள்ளைகள். இந்த மூவரும் மூத்தமகன் வழியாக வந்த கொள்ளுப் பேரன் பேத்திகள்....அப்படியானால் மற்ற வர்களின் வழி வந்த பேரன், பேத்திகள், கொள்ளுப் பேரன் பேத்திகள், எள்ளுப் பேரன் பேத்திகள் என்று எடுத்துக்கொண்டால் ஒரு நூறு பேர் வரை இருக்க வாய்ப்பு உள்ளது! அவர்களெல்லாம் இன்று எப்படி இருக்கிறார்கள் என்று யாருக்குத் தெரியும்?.....
1 hr · Like · Reply

Subash Krishnasamy பாலசுப்பிரமணியன் கே\\\\\\\\அருமையாகச் சொன்னீர்கள்! அதுதான் இந்த உரையாடலின் மையக் கருவே!....
58 mins · Like · Reply

P Muni Yandi சகாயம் அவர்கள் சொல்வதில் தவறொன்றும் இல்லை.அவர் இந்த நன்றி மறந்த சமூகத்தையும், அரசையும் சாடுவதாகத்தான் நினைக்கத் தோன்றுகிறது. நமக்காக வாழ்ந்து அழிந்தவரின் வாரிசுகளுக்கு உயர்ந்த கல்வியை வழங்கி வாழ்க்கைத்தரத்தை உயர்த்தாதது சாடுதலுக்கு உரியதுதானே?
53 mins · Like · Reply

Subash Krishnasamy சாடுவது சரி!....ஆனால் சாடுகிறேன் பேர்வழி என்று வேலை செய்து பிழைக்கும் மற்றவர்களை மனம் நோகச் செய்யலாமா?.....வ உ சியின் மற்ற ஏராளமான வாரிசுகளைப் பற்றி அவர் அறிவாரா?...நாம்தான் அறிவோமா?...நமது கோபமும் வருத்தமும் சகாயம் அவர்களின்மேல் அல்ல! அவர் போன்ற நல்லவரே அப்படிச் சொல்லுமளவு நாடு இருக்கும் இழிவான நிலைமைதான்!....
44 mins · Like · 1 · Reply

P Muni Yandi வ உ சியின் மற்ற ஏராளமான வாரிசுகளைப் பற்றி அவர் அறிவாரா?/// பதம் பார்க்க ஒரு சோறு போதுமே?
26 mins · Like · Reply

Subash Krishnasamy Santhavel Kpm தங்கள் பதிவில் உள்ள முரண்களை களைவது உங்கள் பொறுப்பு ஐயா. \\\\\\\\எனது கருத்தில் என்ன முரண்பாடு என்று கொஞ்சம் விளக்கமாகச் சொல்கிறீர்களா நண்பரே? வ உ சி அவர்களையும் அவருடைய வாரிசுகளையும் சகாயம் அவர்களையும் பற்றி இந்தப் பதிவில் முன்னுக்குப் பின் முரணாக என்ன சொல்லியிருக்கிறேன் என்று கொஞ்சம் விளக்குங்கள்!