சிறுகதைகள் ( 13 )

வாயாடி!

(பாட்டி சொன்ன கதை)

ஒரு ஊரில் ஒரு பயங்கர வாயாடி இருந்தாளாம். 

அவளைக் கண்டால் பெரியவர்கள்கூடப் பயப்படுவார்களாம். அவ்வளவு வாய்க் கடுசு!

கல்யாண வயசானதும் எந்தமாப்பிள்ளையும் வரவில்லையாம்! தவறி வந்தவர்களும் அந்த வாயாடி வாய்திறந்ததும் ஓட்டம் பிடித்தால் அப்புறம் அந்தப் பக்கம் தலைவைத்துப் படுப்பதில்லை!...

கடைசியில் ஒரு ஆள் வந்தானாம். அவனுக்கு விபரம் தெரியாது என்று சிலர் விவரத்தைச் சொல்லியிருக்கிறார்கள்.

ஆஹா! அப்படிப்பட்ட பெண்தான் எனக்கு வேணும் அப்படின்னு அவன் ஒத்தக்காலுல நின்னானாம்.

அவன் தலையெழுத்து அப்படின்னு சொல்லி கல்யாணம் முடிவாயிடுச்சு! 

அதுக்கு இடையிலியே அந்த வாயாடி பண்ணுற அட்டகாசத்தை அவனும் அப்பப்போ பார்த்தும் ஒன்னும் சொல்லலே! 

கல்யாணமும் வந்தது. 

முகூர்த்தநேரத்துல புரோகிகிதம் நடந்து முடிஞ்சு புரோகிதர் தாலியை எடுத்து மணமகன் கையில் கொடுக்கப் போனபோது, அந்த வாயாடி மணமகள் குறுக்கிட்டு! எய்யா, உனக்கு அறிவிருக்கா? தாலிச் சரட்டுக்கு மஞ்சள் பத்துலே! பாத்து வேலையைச் செய்! இல்லன்னா மரியாதை கெட்டுப்போகும் என்று கத்த,  புரோகிதருக்குக் காலோடு போய்விட்டதாம்.

எப்படியோ ஒரு விதமா முகூர்த்தம் முடிஞ்சு பொண்ணு மாப்பிள்ளை ஊர்வலம் போயிருக்கு. 

அப்போ பக்கவாட்டில் ஒருவர் பந்தம் பிடித்துக்கொண்டு வந்தார். அப்போவெல்லாம் கரண்ட் கிடையாது எண்ணைப்பந்தம்தான் எல்லாத்துக்குமே பிடிப்பார்கள்.

பந்தம் பிடிப்பவர் கொஞ்சம் பக்கமாக வந்துவிடவே வாயாடி,

"கறுக்கு(புகை) கவணம்மேல(கவுண்டர்மேலே) சாயுது! தள்ளிப் புடிடா காளிமுத்தா! ...இனி ஏதாச்சும் பக்கமா வந்தின்னா எட்டி ஓதச்சுப்போடுவேன்" அப்படின்னு கத்துனாளாம்!  

ஊர்வலத்துல வந்தவங்க எல்லாத்துக்கும் வேர்த்து விறுவிறுத்துப் போச்சாம். இவன் தலையெழுத்து இப்பிடியா ஆகணும் அப்படின்னு மாப்பிள்ளைப் பையனைப் பார்த்து அங்கலாய்த்தார்களாம்.

எல்லாம் முடிந்து பொண்ணும் மாப்பிள்ளையும் வில்வண்டியில மாப்பிள்ளை வீட்டுக்குப் போனாங்களாம். வாயாடி ரவுசு அடங்கவே இல்லை . அவனும் ஒண்ணும் பேசவே இல்லியாம்....

மாப்பிள்ளை வீடு வந்தது. பொண்ணும் மாப்பிள்ளையும் இறங்கியதும் அவங்க வீட்டு நாய் ஓடிவந்து வள்ளு வள்ளு ன்னு செல்லமா சப்தம் போட்டுதாம்! 

உடனே மாப்பிள்ளை ஓடிப்போய் அங்கே செருகி வைத்திருந்த சாட்டையை எடுத்துவந்து நாயை அடி பின்னி எடுத்தானாம்.

வாயாடி, ஐயோ ஏனுங்க இப்பிடி அடிக்கிறீக? அப்படின்னாளாம்.அதுக்கு அவன், " என்ன தைரியம் இருந்தா நாய் நான் இருக்கிற பயம் இல்லாம சத்தம் போடும் அப்படின்னானாம்.

அப்புறம் அங்கு கட்டிவச்சிருந்த ஒரு சேவல் கோழி கூவுச்சாம். கிடாய் ஒண்ணு மே ன்னு கத்துச்சாம். 

அவ்வளவுதான். மாப்பிள்ளைக்கு வந்ததே கோபம்!.. ஓடிப்போய்க் கொடுவாளை எடுத்துவந்து இரண்டையும் இரண்டே வெட்டில் வெட்டிப் போட்டுட்டானாம்.

ஆள் இருக்கிற அத்து இல்லாம சத்தம் போடுறீங்களா?... அப்படின்னு பசாரிச்சுட்டே கால்முகம் கழுவிக்கிட்டு வீட்டுக்குள் வந்தானாம்.....

அந்த வாயாடி அன்னைக்கு மூடுன வாயை அப்புறம் திறக்கவே இல்லியாம்!.....

அரசியல் ( 22 )

 யார் குற்றவாளி?

ஒவ்வொரு மக்கள்விரோத அரசுகளும் நியாயமான போராட்டங்களை இழிவுபடுத்த வெளிநாட்டுப் பணம் வருகிறது என்று சொல்வது வழக்கம்! 

ஆனால் இதன்மூலம் ஒன்றை அவர்கள் ஒப்புக்கொள்கிறார்கள் என்பதை அவர்கள் அறிவது இல்லை!

ஆதாவது சட்டவிரோதமாக வெளிநாட்டுப் பணம் வருவது குற்றம். 

அதைவிடப் பெரிய குற்றம் அப்படி வருகிறது என்று அறிந்தும் அதைத் தடுக்கும் அதிகாரம் இருந்தும் தடுக்காமல் இருப்பது! 

அப்படி வருவது உண்மையாக இருந்தால் இப்படி ஒப்பாரி வைப்பதைவிட அந்தமாதிரி நபர்களைக் கைது செய்து சிறையில் அடைத்திருக்கலாமே? 

ஏன் செய்யவில்லை? 

முகத்தில் சாக்கடையை அப்பிக்கொண்டு இருப்பவன் அடுத்தவன் காலில் அழுக்கு இருப்பதாகக் கதைவிடக்கூடாது!.

வெளிநாட்டுப்பணம் வருகிறது என்று தெரிந்தும் அதைத் தடுக்கும் அதிகாரம் கைகளில் இருந்தும் தடுக்காத குற்றவாளிகளைக் கைது செய்து தெருக்களில் இழுத்துவரவேண்டும்!

நான் கூடங்குளம் போராளி அல்ல. 

அணுசக்திப் பயன்பாடு என்பது உலகம் முழுவதும் ஒழிக்கப்படவேண்டியது. அதன் ஒரு பகுதியாகத்தான் கூடன்குளத்தையும் என்போன்றவர்கள் பார்க்கிறார்கள். 

அந்தப் போராட்டத்தில் யார்யார் கலந்து கொள்கிறார்கள் என்பது முக்கியமல்ல. எல்லோரும் இந்நாட்டு மக்களே! 

அவர்களுக்கு வெளிநாட்டில் இருந்து பணம் வருகிறது என்றால் அது தவறுதான் . 

அனால் அப்படி வரும் பட்சத்தில் அதைத் தடுக்கவேண்டிய அதிகாரம் கையில் உள்ளவர்கள் தடுக்காமல் குழாயடியில் பெண்கள் பேசிக்கொள்வதைப்போல் பேசுவது நம்பகமானது அல்ல. 

அப்படிப் பேசுவதே அவர்கள் சொல்வது பொய் என நிரூபிக்கிறது. அல்லது அவர்களையும் குற்றவாளிகளாக்குகிறது! 

அத்தகைய குற்றவாளிகளைத் தேசபக்தர்கள்போலவும் போராடுபவர்களைக் கைக்கூலிகள்போலவும் நியாயத்தின் பார்வையில் நினைக்கமுடியாது!

அரசியல் ( 21 )

அரசியல் அக்கரை

ஒவ்வொரு மனிதரும் தான் வாழும் சமுதாய நலனில் அக்கறை கொண்டிருக்கவேண்டும்! 

ஒட்டுமொத்த சமுதாயமும் தனது உறுப்புக்களாய் வாழும் ஒவ்வொரு மனிதரின் நலனிலும் அக்கரை கொள்ள வேண்டும்.

அதுதான் ஒரு உயர்ந்த சமூக அமைப்பாக இருக்கமுடியும்.

அத்தகைய மேலான திசையில் மக்களை வழிநடத்திச் செல்லக்கூடிய விதத்தில் சட்டங்களும் நிர்வாக அமைப்புகளும் இருக்கவேண்டும். 

அந்த நிலையை எட்டுவதையே ஒவ்வொரு அரசியல் கட்சியும் நோக்கமாகக் கொண்டிருக்க வேண்டும். 

அதில் மிகச் சிறந்த  கோட்பாடுகளைக் கொண்டிருக்கும் ஒரு நம்பகமான சக்தியை,அமைப்பைத் தங்கள் வழிகாட்டியாக மக்கள் ஏற்றுக்கொண்டு சரியல்லாதவற்றை ஒதுக்கித் தள்ளவேண்டும். 

அப்போதுதான் ஒரு நாட்டில் ஆரோக்கியமான சிறந்த அரசியல் உருவாகும். 

அத்தகைய உருவாகும் அரசுகள்தான் மக்கள் நலனில்மட்டும் அக்கரை கொள்ளும்.

அத்தகைய அரசுகளின் கீழ்தான் மக்கள் மக்களாய் வாழமுடியும்! 

அரசியல் ( 21 )

அரசியல் அக்கரை

ஒவ்வொரு மனிதரும் தான் வாழும் சமுதாய நலனில் அக்கறை கொண்டிருக்கவேண்டும்! 

ஒட்டுமொத்த சமுதாயமும் தனது உறுப்புக்களாய் வாழும் ஒவ்வொரு மனிதரின் நலனிலும் அக்கரை கொள்ள வேண்டும்.

அதுதான் ஒரு உயர்ந்த சமூக அமைப்பாக இருக்கமுடியும்.

அத்தகைய மேலான திசையில் மக்களை வழிநடத்திச் செல்லக்கூடிய விதத்தில் சட்டங்களும் நிர்வாக அமைப்புகளும் இருக்கவேண்டும். 

அந்த நிலையை எட்டுவதையே ஒவ்வொரு அரசியல் கட்சியும் நோக்கமாகக் கொண்டிருக்க வேண்டும். 

அதில் மிகச் சிறந்த  கோட்பாடுகளைக் கொண்டிருக்கும் ஒரு நம்பகமான சக்தியை,அமைப்பைத் தங்கள் வழிகாட்டியாக மக்கள் ஏற்றுக்கொண்டு சரியல்லாதவற்றை ஒதுக்கித் தள்ளவேண்டும். 

அப்போதுதான் ஒரு நாட்டில் ஆரோக்கியமான சிறந்த அரசியல் உருவாகும். 

அத்தகைய உருவாகும் அரசுகள்தான் மக்கள் நலனில்மட்டும் அக்கரை கொள்ளும்.

அத்தகைய அரசுகளின் கீழ்தான் மக்கள் மக்களாய் வாழமுடியும்! 

அரசியல் ( 21 )

அரசியல் அக்கரை

ஒவ்வொரு மனிதரும் தான் வாழும் சமுதாய நலனில் அக்கறை கொண்டிருக்கவேண்டும்! 

ஒட்டுமொத்த சமுதாயமும் தனது உறுப்புக்களாய் வாழும் ஒவ்வொரு மனிதரின் நலனிலும் அக்கரை கொள்ள வேண்டும்.

அதுதான் ஒரு உயர்ந்த சமூக அமைப்பாக இருக்கமுடியும்.

அத்தகைய மேலான திசையில் மக்களை வழிநடத்திச் செல்லக்கூடிய விதத்தில் சட்டங்களும் நிர்வாக அமைப்புகளும் இருக்கவேண்டும். 

அந்த நிலையை எட்டுவதையே ஒவ்வொரு அரசியல் கட்சியும் நோக்கமாகக் கொண்டிருக்க வேண்டும். 

அதில் மிகச் சிறந்த  கோட்பாடுகளைக் கொண்டிருக்கும் ஒரு நம்பகமான சக்தியை,அமைப்பைத் தங்கள் வழிகாட்டியாக மக்கள் ஏற்றுக்கொண்டு சரியல்லாதவற்றை ஒதுக்கித் தள்ளவேண்டும். 

அப்போதுதான் ஒரு நாட்டில் ஆரோக்கியமான சிறந்த அரசியல் உருவாகும். 

அத்தகைய உருவாகும் அரசுகள்தான் மக்கள் நலனில்மட்டும் அக்கரை கொள்ளும்.

அத்தகைய அரசுகளின் கீழ்தான் மக்கள் மக்களாய் வாழமுடியும்! 

சிறு கதைகள் ( 12 )

இளைஞனும் கிழவனும்!
(எப்போதோ கேட்டது)

ஒரு பத்திரிகையாளருக்கு இரண்டுவிதமான தகவல் திரட்டவேண்டிய வேலை!

முதலாவது கண்டதைத் தின்று குடியும் புகைப்பழக்கமுமாக இருந்து கெட்டுப்போனவரைச் சந்தித்துப் பேட்டி எடுக்கவேண்டும். 

இரண்டாவது இயற்கை உணவை உண்டு இயற்கைச் சூழலில் வாழ்ந்து ஆரோக்கியமாக வாழும் ஒருவரைப் பேட்டி காண வேண்டும்.

முதலில் கண்டதைத் தின்றுகொண்டு குடிக்கும் புகைக்கும் அடிமையான இளைஞன் ஒருவனைச் சந்திக்க அவனுடைய வீட்டிற்குச் சென்றார்.

அவன் வீட்டு வாசலில் ஒரு தாத்தா லொக்கு லோக்கென்று இருமிக்கொண்டு உட்கார்ந்திருந்தார்.

அவரிடம் போய், "தாத்தா! இங்கே முப்பது வயசுக்காரர் இருக்கிறதாக் கேள்விப் பட்டேன். அவரைப் பார்க்கணும். எப்போ வருவார் " என்று கேட்டார்.

அதற்கு அந்தத் தாத்தா, " அட நாந்தானப்பா அந்த ஆளு என்ன வேணும்?" அப்படின்னு கேட்க இவருக்குத் தூக்கி வாரிப் போட்டுதாம். 

அவரோட கதையைக் கேட்டுட்டு அதன்பின்னாலே இயற்கை உணவும் நல்ல பழக்கங்களுமா ஒரு மலை அடிவாரத்துல வாழ்ந்துகிட்டிருந்த ஒரு தாத்தாவைப் பார்க்கப் போனாராம்.

பத்திரிக்கையாளர் தேடிப் பிடிச்சுப் போனபோது ஆள் இல்லை! 

கொஞ்ச நேரம் காத்திருந்த பின்னாலே ஒரு வயசான தாத்தா காட்டுக்குள்ள இருந்து ஒரு சுமையைத் தூக்கிகிட்டு வந்தாராம். 

சுமையை இறக்கிப்போட்டுவிட்டு கட்டிலில் உட்காரவும் பத்திரிக்கையாளர் அதிர்ந்துபோய் விட்டாராம். 

இந்த வயசுலே இப்படி ஒரு மனிதரா என்று நம்பமுடியவில்லை!.....

அப்புறம் தான் வந்த விபரத்தைச் சொல்லிவிட்டு அவருடைய இளமையின் ரகசியம் என்ன என்று கேட்டாராம்.

அதற்கு அந்தத் தாத்தா,"தம்பி! இதுக்கு நான் பதில் சொல்லுறத விட மலைமேலபோன எங்க அப்பா இப்போ விறகு கொண்டு வந்துடுவாரு! அவரைக் கேட்டா நல்லாச் சொல்லுவாரு! " அப்படின்னு சொல்லவும் பத்திரிகையாளருக்கு மயக்கமே வந்துடுச்சாம்!.....

அரசியல் ( 20 )

தேச பக்தர்களும் தேசத் துரோகிகளும்!

மக்கள் விரோத அரசுகள் மக்களைக் கொள்ளையடிப்பவர்களுக்கும் நாட்டைக் கொள்ளையடிப்பவர்களுக்கும் ஏமாற்றுபவர்களுக்கும் தான் உதவி செய்யும்! 

தேசபக்தர்களைத் தேசத் துரோகிகளாகத்தான் பார்க்கும்!  

படித்த முட்டாள்களும் படித்த துரோகிகளும் பெரும்பாலோர் உள்ள நாட்டில் இதுதான் நடக்கும்! 

படித்தவர்களில் உள்ள அறிவாளிகளுக்கும் நல்லவர்களுக்கும் தேசபக்தர்களுக்கும்தான் பொறுப்பு அதிகம்! 

காரணம் அவர்களுக்குத்தான் அரசின் வஞ்சனையையும் நாட்டைச் சூறையாடும் கொள்ளையர்களையும், படித்துவிட்டு மக்களுக்குத் துரோகம் செய்யும் சயநலப்பேர்வழிகளையும் எதிர்த்து முறியடிக்கும் பொறுப்பும் இவர்களை நத்திப்பிழைப்பதுதான் ஜனநாயகம் என்று நினைக்கும் அப்பாவிமக்களைக் காப்பாற்றும் பொறுப்பும் அவர்களுக்குத் தலைமைதாங்கி வழிநடத்தும் பொறுப்பும் உள்ளது!

எனதுமொழி ( 84 )

தனிநபரும் கொள்கையும் 

அரசியலில் எப்போது தனிநபர்களை முன்னிறுத்துகிறோமோ அப்போது நாம் இன்னும் சுதந்திரத்தின் அருமையை உணராதவர்கள் என்பதை உறுதிப்படுத்திக் கொள்ளலாம்!

அந்த நிலையில் அரசியல் கட்சிகளும் அரசியலும் அரசுகளும் நேர்மையற்றதாகத்தான் இருக்கமுடியும்! 

கொள்கையும் திட்டமும், நம்பகத்தன்மையும் நடைமுறை சாத்தியப்பாடும் என்று அரசியல் போக்கைத் தீர்மானிக்கிறதோ அப்போதுதான் சரியாக சுதந்திர உணர்வுடன் சிந்தித்துத் தன்மானத்துடன் வாழ்கிறோம் என்று பொருள்! 

அப்போதுதான் அரசியல் கட்சிகளும் அரசும்  மக்களுக்கானதாக இருக்கும்! 

ஆன்மிகத்தில் ஒரு புதுப்பாதை ( 17 )

ஆன்மிகமும் அறிவுடைமையும் 

ஆன்மிக வாதிகளுக்கு ஒரு அன்பு வேண்டுகோள்! 

மூட நம்பிக்கைகளுக்கு எதிரான போராட்டத்தை ஏன் ஆன்மிகவாதிகள் செய்யக்கூடாது?

அப்படிச் செய்வதாக இருந்தால் நாத்திகவாதி ஒத்தை ஆளுக்கு வேலை இருக்காதே!

ஆன்மிகவாதிகள் சிந்திக்கவேண்டும்!

யார் தாங்கள் ஏற்றுக்கொண்ட ஆன்மிக நெறிகளைப் பின்பற்றி நடக்கிறார்களோ அவர்கள்தான் ஆன்மிகவாதிகள்! 

அது எல்லாமதத்துக்கும் பொருந்தும்! 

அந்த வகையில் உண்மையான ஆன்மிக வாதிகள் மூடநம்பிக்கையை எதிர்க்கத்தான் வேண்டும் இல்லாவிட்டால் மூடநம்பிக்கைதான் ஆன்மிகம் என்று ஆகிவிடும!

யார்மூடநம்பிக்கைகளை எதிர்கிறார்களோ அவர்கள்தான் உண்மையான ஆன்மிகவாதிகள்! மூடநம்பிக்கைகளை ஆதரிப்பவர்கள் வேடதாரிகளே!

உலகையும் வாழ்வையும் சரியான முறையில் புரிந்து சரியான முறையில் வாழ்வதுதான் உண்மையான ஆன்மிகம்! 

அதை உணர்வதே உண்மையான அறிவுடைமை! உண்மையான ஆன்மிகம் என்பது அறிவியல் அடிப்படைகளின் மாற்றுப் பெயராகவே இருக்கும்!

பழமும் சர்க்கரையும் கல்கண்டும் தேனும் பேரீச்சம்பழமும்,நெய்யும் சேர்த்தால் அதற்கு பஞ்சாமிர்தம் என்று பெயர் வைத்தும் உண்ணலாம்.

நல்ல தின்பண்டம் என்று சொல்லியும் உண்ணலாம். 

அதன் பெயர் முக்கியமல்ல! 

அதில் அடங்கியுள்ள பொருட்களே முக்கியம்!

விஷத்துக்கு அமிர்தம் என்று பெயர் வைத்து உண்டாலும் அது கொல்லும்! 

அமிர்தத்துக்கு விஷம் என்று பெயர்வைத்தாலும் அது நன்மைதான் செய்யும்! 

அதுபோல நாம் ஆன்மிகம் என்று சொன்னாலும் சரி அறிவுடைமை என்று சொன்னாலும் சரி தவறு கிடையாது. அதன்மூலம் உலக மக்களுக்கு என்ன வழிகாட்டுகிறோம் என்பதே முக்கியம்! 

எனது மொழி ( 83 )

அனுமானம்

மனிதன் அறிந்த எல்லைகளில் நடப்பதையும் மனித அறிவால் அறிந்த உண்மைகளில் கிடைப்பதையும் கொண்டு அதற்கு அப்பால் என்ன நடக்க வாய்ப்புள்ளது என்று சிந்திப்பதுதான் மனித அறிவு விரிவாகவேண்டிய சரியான திசை! 

அந்தத் திசையில் அனுமானிக்கப்படுவதுதான் அபத்தமான மூடநம்பிக்கைகள் நம்மை ஆட்கொள்வதைத் தடுக்கும்! 

அனுமானம் என்பது தவறல்ல! 

அதுதான் ஆராய்சிகளுக்கே அடிப்படை. 

அத்தகைய அனுமானங்கள் எத்தகைய திசையில் எத்தகைய கோட்பாடுகளை அடிப்படையாகக்கொண்டு உருவானது என்பதுதான் முக்கியம்! 

சரியான திசையில் இருந்தால் அதுதான் நாம் நகரவேண்டிய அடுத்த அடி! 

ஆனால் பெரும்பாலான அனுமானங்கள் மூடநம்பிக்கைகளை அடிப்படையாகக் கொண்டிருப்பதுதான் எதிர்மறையான அம்சம்! 

ஆன்மிகத்தில் ஒரு புதுப்பாதை ( 16 )

உயிர் - ஆன்மா 

உயிர் என்பது மனித மற்றும் தாவரங்கள், உயிரினங்களின் இயக்கமாக வெளிப்படுவதை நாம் கண்கூடாகவும் அறிவுபூர்வமாகவும் காண்கிறோம்.

இயக்கம் நின்றவுடன் உயிர் போய்விட்டது என்கிறோம். இதை சாதாரண அப்பாவிமனிதணும் புரிந்துகொள்ள முடியும்.

ஆனால் ஆன்மா என்பது எதன் இயக்கமாகப் புரிந்துகொள்ளப்பட்டுள்ளது என்பது இன்னும் யாராலும் தெளிவாக்கப்படவில்லை!

அது ஒரு கற்பனையான வியாக்கியமானதாகவே உள்ளது!


உயிர் என்பது மனித மற்றும் தாவரங்கள், உயிரினங்களின் இயக்கமாக வெளிப்படுவதை நாம் கண்கூடாகவும் அறிவுபூர்வமாகவும் காண்கிறோம்.

இயக்கம் நின்றவுடன் உயிர் போய்விட்டது என்கிறோம்.

இதை சாதாரண அப்பாவிமனிதணும் புரிந்துகொள்ள முடியும்.

ஆனால் ஆன்மா என்பது எதன் இயக்கமாகப் புரிந்துகொள்ளப்பட்டுள்ளது என்பது இன்னும் யாராலும் தெளிவாக்கப்படவில்லை!

அது ஒரு கற்பனையான வியாக்கியமானதாகவே உள்ளது!

அது சம்பந்தமான விளக்கங்களுக்கு இப்படி ஒரு உதாரணம் கூறலாம்:---

கேள்வி: ஜமக்காளம் எப்படி ஐயா ஆகாயத்தில் பறக்கும் என்று சொல்கிறீர்கள்? அது வெறும் கதைதானே?

பதில்: யார் சொன்னது கதை கற்பனை என்று? முன்னோர் பறந்திருகிறார்கள்!

கேள்வி: அது எப்படி முடியும்?

பதில்: இப்போது ஒரு வழி இருக்கிறது அல்லவா? அதுமாதிரி அப்போதும் இருந்திருக்கும்?

கேள்வி: அந்த தவழி என்ன?

பதில்: இப்போது உள்ளமுறை அவர்களுக்கு எப்படித் தெரியாதோ அதுபோலவே அவர்களின் முறையும் நமக்குத் தெரியாது!

கேள்வி: தெரியாமல் எப்படி நம்புகிறீகள்?

பதில் : நீ நம்பினால் நம்பு! நம்பாவிட்டால் போ! முட்டாள்களிடம் பேசி மெய்ப்பிக்கமுடியாது!

கேள்வி: விளக்கம் கேட்பது முட்டாள்தனமா?

பதில்:முன்னோர் சொன்னதைக் கேள்வி கேட்பவன் மூடன்! உங்களுடன் எல்லாம் பேச முடியாது!

கேள்வி: இதுதான் உங்கள் அன்பு நெறியா?

பதில்: நீ வம்பு பேசிட்டே இருந்தே அப்புறம் நல்லா இல்லே!....

இந்த மாதிரியான உரையாடல்தான் பெரும்பாலும் நடக்கும். ஆனால் அதிகாரம் அறியாதவர்கள் கையிலேயே இன்னமும் இருப்பதால் அறியாமைதான் இன்னும் உலகில் மேலோங்கி இருக்கிறது!

இந்த நிலையில் இதுபோன்ற கேள்விகளுக்கு நியாயமான பதில் கிடைத்தாலும் அதை ஏற்றுக்கொள்ள அறியாமையால் உருவான அகங்காரம் அனுமதிப்பதில்லை!

அரசியல் ( 19 )

இது என்ன நாடு?

தமிழ்நாடு, கேரளா, கர்நாடகா, ஆந்திரா ஆகிய நான்கு மாநிலங்களில் ஒன்றிலாவது அனைவரும் நல்லவர்களாகவோ அனைவரும் கெட்டவர்களாகவோ இல்லை!

எல்லா மாநிலங்களிலும் எல்லாவிதமான மக்களும் வாழ்கிறார்கள்!

அப்படியிருக்க, நதிநீர் அல்லது மாநிலங்களுக்கு இடையேயான பிரச்சினைகளில் மட்டும் எப்படி எல்லோருமே மாநில வாரியாக ஒன்று நல்லவர்கள் ஆகிறார்கள் அல்லது கெட்டவர்கள் ஆகிறார்கள்! 

காலிகளில் இருந்து காருண்யமூர்த்திகள் வரை எப்படி ஒரே நியாய உணர்வு அல்லது அநியாய உணர்வுக்கு ஆளாகிறார்கள்? 

எங்கோ உதைக்கிறது!

ஒரு மாநிலத்து நியாயவான்கள் ஏன் அடுத்த மாநிலத்து நியாயத்தை ஒத்துக்கொள்ள மறுக்கிறார்கள்?

அனைவருக்கும் பொதுவான ஒரு நியாயம் இல்லையா?

இது என்ன நாடு?

இயற்கை ( 11 )

கரையான்! 

தவறிப்போய் ஈரமான செம்மண்பாங்கான இடத்தில் ஒருமணி நேரத்துக்கு மேல் அசையாமல் உட்கார்ந்திருந்தால் நாம் கட்டியிருக்கும் துணிகளைக் கூடத் தின்று விடும்!

இப்போது அது உணவாக எடுத்துக்கொண்டிருப்பது என்ன தெரியுமா?

ஒரு பெரிய மூங்கில்கூடை! சாடு என்றும் சொல்வார்கள்! 

அது பழையதாகிப்போனதால் மரத்தடியில் போட்டிருந்தோம். 

கரையானுக்கு உணவாகவும் தங்குமிடமாகவும் ஆகிவிட்டது!

அதில் ஒன்றைக் கூர்ந்து கவனிக்க வேண்டும்.

கூடையின் விளிம்பு வலுவுடன் இருக்க பனைநாரால் கட்டுவதற்குப் பதிலாக பிளாஸ்டிக் நாடாவால் இருக்கப்பட்டிருந்ததால் கரையான் அதைத் தொடவில்லை! 

இதன் மூலம் அது நமக்கு ஒரு பாடம் கற்றுத் தருகிறது! 

இற்று மக்கிப்போகக்கூடிய பொருள் ஒவ்வொன்றும் கரையானைப்போன்ற ,அதையும்விடச் சிறிய நுண்ணுயிர்களால் உண்ணப்பட்டு மீண்டும் மீண்டும் மண்ணை வளப்படுத்தும்.

ஆனால் நுண்ணுயிர்களால் உண்ணமுடியாத பிளாஸ்டிக் அல்லது வேறுபொருட்கலாலான எதுவும் நாம் வாழும் உலகுக்கு எந்த நன்மையையும் செய்யாது. மாறாக நிரந்தரமான தீங்கை விளைவிக்கும் என்பதே! 

சாதாரணக் கூடைக்குக் கட்டப்படும் நாடாவுக்கு இயற்கைக்கு எதிரான  இத்தனை  இவ்வளவு சக்தி இருக்குமல்  அதனுடன் ஒப்பிடமுடியாத  ஆபத்தான அணுசக்தியும் அணுக்கழிவுகளும் இயற்கையை எப்படி விட்டுவைக்கும்?

சிந்திப்பார்களா?

எனது மொழி ( 82 )

கொல்லாமை 

உண்மையில் உலகம் ஒரு கொலைக்கூடம். 

அதில் சிலர் சில உயிரினங்களைக் கொல்லாமல் இருத்தலைமட்டும்  கொல்லாமை என நினைக்கிறார்கள்! 

மற்ற தங்களுக்குச் சம்பந்தம் இல்லாத மற்றும் தங்களால் அறிய முடியாத உயிர்வகைககள் கொல்லப்படுவதைப் பற்றியோ அந்தக் கொல்லுதலில் தங்களுக்குரிய பங்கைப் பற்றியோ வாய் திறப்பதே இல்லை! கவலைப்படுவதும் இல்லை! 

அதன் விளைவுதான் பசுக்களைக் கொல்தல் பாவம் என்பார்கள் எருமைகளைப் பலிகொடுக்கும் இடங்களில் அப்படிச் செய்யக்கூடாது என்று சொல்லாமல் வெறும் பிரசங்கமும் சடங்குகளும் காசுவாங்கிக்கொண்டு செய்வார்கள்!  

இதுதான் நம்மவர்களின் கொல்லாமை! 

இந்த நிலையில் தாவரங்களுக்கும் உயிர் இருப்பதால் அதைக் கொல்வதும் கொலைதானே என்பதை நினைக்கப் போகிறார்களா? 

ஆனால் நினைக்கவேண்டும்! அதுதான் அறிவுடைமை! 

நாம் செய்யக்கூடியதெல்லாம் இயன்றவரை கொல்லாமல் இருப்பதே! வாழும்வரை அன்பும் கருணையும் காட்டுவதே! மனிதரும் அதற்கு விதிவிலக்கு அல்ல! 

எனது மொழி ( 81 )

மூன்றுவித வாழ்க்கை 

எல்லாத் இடங்களிலும் நல்லவர்களும் பண்பற்றவர்களும் இருக்கவே செய்கிறார்கள்! 

எந்தத் துறையில் இருந்தாலும் நல்லவர்கள்  மூன்று விதமாக வாழ்ந்தாக வேண்டும். 

ஒன்று நமது பண்பின்படி சுதந்திரமாக செயல்படுவது. 

இரண்டாவது தவிர்க்க இயலாத சூழலில் பிறரை அனுசரித்துப் போவது. 

மூன்றாவது வாய்ப்புள்ள இடங்களில் எல்லாம் தவறுகளுக்கு எதிராக நற்பண்புகளை விட்டுக்கொடுக்காமல் வாழ்வது! போராடுவது!

அதைவிட்டு வேறோறொரு நல்வழி இந்த உலகில் இருப்பதாகத் தெரிய வில்லை!

எனது மொழி ( 80 )

வணக்கத்தின் பொருள் 

ஒருவர் மற்றோருவருக்கு வணக்கம் தெரிவிக்கும் முறை பல பொருள்களை உள்ளடக்கியது!

ஒருவர் தன்னை விட மூத்த பண்பாளரை வணங்கினால் அதற்குப் பணிவு என்று பொருள்!

தன்னைவிட மூத்த ஆனால் பண்புகுறைந்தவரை வணங்கினால் அது பயம் என்பது பொருள்!

தன்னைவிட மூத்த அறிவில் சிறந்த ஒருவரை வணங்காமல் சென்றால் அது தன்னகங்காரம்  அல்லது அறிவீனம் என்பது பொருள்! 

தன்னைவிட வயதில் மூத்த ஆனால் பண்பு கெட்டவரை வணங்காமல் சென்றால் அது தன்மானம் என்று பொருள்!

வயதில் குறைந்தவர் உட்பட யாரைக் கண்டாலும் வணங்குதல் என்பது அடிமைப் புத்தி என்று பொருள்!

முன்பின் அறியாதவர்களைச் சந்திக்கும்போது வணங்குவது மரியாதை என்று பொருள்படும். 

அதிகாரத்தில் உள்ள ஒருவன் அமர்ந்திருக்க அவன் வயது எப்படி இருந்தாலும் அவனை வணங்குவது என்பது கடிக்கும்  நாயின் முன் நிற்பதுபோன்ற உணர்வு என்பது பொருள். 

அத்தகைய நிலையில் தான் ஒரு ஊழியன் என்பதை மறந்து வந்தவருக்கு வணக்கம் செய்யாமல் அவர்களது வணக்கத்தைப் பெறுபவன் நாயினும் கீழானவன் என்று பொருள்!

சுயநல நோக்கில் வணங்குபவனும் வணக்கத்தை ஏற்றுக்கொள்பவனும் மனிதப் பிறவிகளே இல்லை என்று பொருள்! 

எனதுமொழி ( 79 )

சித்தர்கள் 

நண்பர்களே! 

என்னைப் பொறுத்த வரையில் ஏன் கருத்து இதுவே: 

சித்தர்கள் காலத்தில் அவர்கள் அறிந்திருந்த உலோகங்களையும் வேதிப் பொருட்களையும் மூலிகைகளையும் தகுந்த முறையில் சேர்த்துப் பற்பல ஆராய்ச்சிகளைச் செய்துள்ளனர். 

அதன்மூலம் மக்களுக்கு அளப்பரிய சேவை செய்துள்ளனர். 

அப்போதைய ஆராய்ச்சிகளை அடிப்படையாகக்கொண்ட மாற்றங்களையும் செய்முறைகளையும் ரசவாதம் என்று குறிப்பிட்டுள்ளனர். 

ரசம் என்பதை அடிப்படைப் பொருட்களாகவும் ரசவாதம் என்பதை செய்முறை என்பதாகவும் கொள்ளலாம். 

கிடைத்த விபரங்களில் இருந்து இப்படித்தான் புரிந்துகொள்ளவேண்டும் என்றும் நினைக்கிறேன். 

அதுவல்லாமல் சித்தர்களின் பங்களிப்பாக மருத்துவம்,மொழி,தத்துவம் போன்ற பன்முகப் பண்புகள் நிலவுகின்றன. 

அவற்றையெல்லாம் கண்டறிவதோடு கிடைத்த விபரங்களில் இருந்து கிடைக்காமல் மறைந்துபோன விபரங்களையும் அவர்களின் கண்ணோட்டத்தில் நவீன அறிவியலையும் பயன்படுத்திக் கண்டறிய வேண்டும். 

அதுதான் நாம் அவர்களுக்குச் செய்யும் சிறப்பும் தற்கால மக்களுக்குப் பயன்படும் முறையில் சித்தர்களின் பங்களிப்பைக் கொண்டுசேர்க்கும் முறையும் ஆகும்! 

அதைவிட்டு அவர்களைப் பூஜிப்பதும் புகழ்பாடுவதும் மட்டும் அவர்களைப் பற்றிய ஞானம் ஆகிவிடாது.

எனது மொழி ( 78 )

காந்திஜி 

காந்திஜியும் ஒரு மனிதரே! 

அவரிடமும் குறைகள் இருந்தன! 

அவர் ஒரு மாமனிதர் என்பதில் சந்தேகமே இல்லை! 

ஆனால் எந்த ஒருவரையும் நமக்கு எட்டாத உயரத்தில் வைத்துப் பார்ப்பது உயர்ந்த எண்ணங்களை வளர்க்காது! 

அடிமைத் தனமான உணர்வுகளையே வளர்க்கும்! 

நாம் மதிக்கும் ஒருவரை ,நம்மைவிடக் கூடுதலான நல்ல பண்புகள் நிறைந்த ஒருவரை அவர் யாராக இருந்தாலும்  நமது வழிகாட்டியாகக் கொள்ளலாம்! 

அவர் நம்மிலும் சிறப்பானவராக இருக்கும்வரைதான் அவர் நமக்கு வழிகாட்டியாக இருக்க முடியும்! 

என்றென்றும் ஒருவர் மற்றவர்களைவிட உயர்ந்தவராகவே இருக்க முடியாது! 

அந்த இடத்துக்கு யார் வேண்டுமானாலும் வரலாம்! 

நாமும் வரலாம்! அதைத் தாண்டியும் செல்லலாம்!

அவரை விட உயர்ந்தவர்கள் முன்பும் இருந்தார்கள். இப்போதும் இருக்கிறார்கள்.

ஒருவர்தான் என்றென்றும் உயர்ந்தவர் என நினைப்பது மற்ற நல்லவர் அனைவரையும் அவமதிக்கும் பண்பாகும்!
-----------------------------------------------------------------------------------------------------------

பகத்சிங்கைப் பின்பற்றுபவர்கள் இருக்கிறார்கள். நேதாஜியைப் பின்பற்றுபவர்கள் இருக்கிறார்கள். பாரதியைப் பின்பற்றுபவர்கள் இருக்கிறார்கள்.காந்தியைப் பின்பற்றுபவர்கள் ஏன் இல்லாமல் போனார்கள்?

---------------------------------------------------------------------------------------------------------

 காந்தியின் தியாகத்தை மதிக்கிறேன்! காந்தியின் சுதேசி இயக்கத்தை மதிக்கிறேன். அவருடைய தலைமையில் மக்கள் ஒன்றுபட்டதை மதிக்கிறேன். அதற்கு விலையாக அவருடைய தவறுகளை ஏற்றுக்கொள்வதையோ அவர்தான் அனைவரையும் விட உயர்ந்தவர் என்பதையோ அவரைவிட்டால் நாட்டுக்குக் கதிமோட்சம் இல்லை என்பதையோ ஏற்றுக்கொள்வதை நினைத்துக்கூடப் பார்க்கமுடியாது! அது ஒவ்வொரு தன்மானமுள்ள குடிமகனையும் அவமதிக்கும் செயல் ஆகும்!
அத்தகைய இழிவான குணம்தான் இன்று நமது நாட்டை இவ்வளவு கேவலமான நிலைக்கு இட்டுச் சென்றுள்ளது! தன்மானமுள்ள ஒவ்வொருவரும் வெட்கப்படவேண்டும்!

-------------------------------------------------------------------------------------------------------
நமது நாட்டுப் பிரச்சினைகள் அனைத்துக்கும் தீர்வு நிச்சயம் இருக்கிறது நண்பர்களே! அதுவும் நம்மிடம்தான் இருக்கிறது! பிறருடைய சுதந்திரத்தில் தலையிடாமலும் நமது சுதந்திரத்தை விட்டுக் கொடுக்காமலும் இருக்க ஒவ்வொருவரும் சிந்திக்கத் துவங்கினால் அதுதான் அனைத்துக்குமான தீர்வாக இருக்கும்!
--------------------------------------------------------------------------------------------------------

எனது மொழி ( 77 )

ஏன் இப்படிக் கூடாது?

நமது நாட்டில் இப்போது கார்களின் எண்ணிக்கையும் கட்டிடங்களின் எண்ணிக்கையும் கூடி வருகிறது!

இதில் செலவு செய்யப்படும் பணம் கணக்கு வழக்கின்றி புறழ்கிறது.

இதனால் நாட்டின் ஒட்டுமொத்தமான மக்களுக்கு நேரடியாக எந்தப் பயனும் இல்லை!

ஒரு வாகனமாகட்டும் வீடாகட்டும் தேவைக்காக மட்டும் இருக்கவேண்டும்.

ஆனால் இரண்டு பேருக்குக்கூடப் போதாத இடத்தில் பொந்துதுகளில் பத்துப்பேர் வாழ்வதையும் ஐம்பதுபேர் வாழக்கூடிய இடத்தில் ஐந்துபேர் வாழ்வதையும் பார்க்கிறோம்.

நகரப்பெருந்துகளில் கசக்கிப் பிழியப்படும் சாதாரண மக்கள் ஒருபுறம். ஒரே வீட்டில் ஆளுக்கு ஒரு கார் என்று ஊதாரித்தனமாக வைத்திருப்பவர்கள் ஒருபுறம்.

இதன் சுமை அனைத்து மக்களையும் பாதிக்கிறது! இதனால் ஏற்படும் எரிபொருள் செலவும் மின்சார செலவும் அளவில்லாதது.

இதை ஒழுங்கு படுத்தினாலே பற்றாக்குறைப் பொருளாதாரத்தையும் எரிபொருளையும் மின்சாரத்தையும் போதுமானதாக மாற்றமுடியும்!

வாகனங்களுக்கும் வீடுகளுக்கும் உச்சவரம்பு விதிக்கவேண்டும்.

அதற்கு மேல் கூடுதலாகக்  குறிப்பிட்ட விலையுள்ள கார் வைத்திருக்கவேண்டுமானால் குறிப்பிட்ட சதுர அடி வீடு குறிப்பிட்ட மதிப்பில் வைத்திருக்கவேண்டுமானால்  அதற்குத் தகுந்த அளவு கூடுதல் வரி விதிக்கவேண்டும்.

அது கடுமையாக இருக்கவேண்டும்.

அப்போது வாகனங்களும் வீடுகளும் தேவையான அளவுக்குள் கட்டுப்படுத்தப்படும்.

ஆடம்பரப் பிரியர்கள் எல்லாம் அதியாவசியத்தேவைக்குள் முடக்கப் படுவார்கள்.

மீதப்படும் பொருளாதாரமும் சக்தி வளங்களும் ஆக்கரீதியாகப் பயன்படும்.

அது நூறு அணுமின்சார நிலையங்களைவிட நாட்டு மக்களுக்கு அதிகப் பயனைக் கொடுக்கும்!

இதன்மூலம் விளைநிலங்கள் வீணாக்கப்படுவதும் சுற்றுச் சூழல் அவலங்களும் வெகுவாகத் தடுக்கப்படும்.

இந்தக் கண்ணோட்டத்தில் அரசுகள் சிந்திக்குமா?....

விவசாயம் ( 37 )

தொழிலாளர் பிரச்சினை 

இப்போதெல்லாம் வறண்ட காலத்திலேயே விவசாய வேலைகளுக்கு ஆள் கிடைப்பது குதிரைக்கொம்பாகிவிட்டது!

மழைபெய்து நீர்வசதி அதிகரிக்கும்போது என்ன செய்வது என்று நினைத்தால் ஆர்வமே போய்விடுகிறது!

அதற்குக்காரணம் உழைப்பாளிகளை விவசாயவேலைகளை விட்டுத் துரத்திய கொடுமைதான்!

அவசியமான தொழில்களிலும் விவசாயத் தொழிலும் திட்டமிட்டு மனித உழைப்பைப் பயன்படுத்துவதற்குப் பதிலாக ஊதாரித்தனமான செலவுகளில் மக்களையும் தொழில்களையும் தொழிலாளர்களையும் இழுத்துவிட்ட அரசுகளின் பொருளாதாரம்தான் காரணம்.

அதுதான் இன்று மின்சாரம் உட்பட அனைத்தையும் உறிஞ்சி வருகிறது!

சரியான திட்டமிடல் இல்லாமல் சூறையாடும் பொருளாதாரம் உள்ள ஒரு நாட்டில் இதுதான் நேரும்.

சிதறுதேங்காய்க்கு ஓடும் சிறுவர்போல வாய்ப்புகளுக்குப் பின்னால் ஓடுவதுதான் வாழ்க்கைமுறை என்று ஆகிவிட்டது!

இதில் மிகவும் பாதிக்கப்பட்டவன் விவசாயி!

எனதுமொழி ( 76 )

உலகமயமாக்கல் 

பூனைகளையும் எலிகளையும் ஒரே கூண்டில் விட்டால் தங்களுக்கு 

அந்தஸ்து கிடைத்துவிட்டதாக எலிகள் நினைக்கக்கூடாது. 

ஆபத்தைமட்டும்தான் நினைக்கவேண்டும்!

உலகமயமாக்கல் அப்படிப்பட்டதே!

அமேரிக்கா போன்ற பூனைகளும் இந்தியா போன்ற எலிகளும் ஒரே விதமான 

உலகமயமாக்கல் என்ற கூண்டில் நுழைந்தால் எலிகள் பிடிபட்டு 

அழியப்போவது திண்ணம்! 

மற்றவர்கள் உணர்வது அவர்கள் பாடு! 

இந்திய எலிகள உணரவேண்டும்! 

எனது மொழி ( 75 )

நல்லோர் தீயோர்

இரண்டு தீயவர்கள் வேறுபட்டிருப்பது இயல்பானதே! 

காரணம் அவர்களிடம் ஒத்தபண்புகள் இருக்காது! 

ஒரு நல்லவர்,ஒரு தீயவர் இவர்கள் வேருபட்டிருப்பதும் இயல்பானதே! 

காரணம் ஒருவருடைய நற்பண்புகள் மற்றவரிடம் இருக்காது.

ஆனால் இரு நல்லபண்பாளர்கள் வேறுபட்டிருப்பது அநியாயமானது! 

காரணம் அதனால் பிறருக்குக் கிடைக்கும் அநேக நன்மைகள் கிடைக்காமல் போகும் 

அது மட்டுமல்ல சமூகத்திலும் தீயவர்களின் சக்தி மேலோங்கி இருப்பதற்கும் நல்லோரின் சக்தி பயனின்றிப் போவதற்கும் அது காரணமாகிறது! 

நல்லோர் இதை உணர்ந்து ஒன்று படுவார்களா!