தத்துவம் ( 10 )

ஆர்கிமிடிஸ் விதி அசைகிறது! 

ஆர்கிமிடிஸ் விதி :

ஒரு திடப்பொருள் ஒரு திரவத்தில் தங்குதடையின்றி மூழ்கியிருக்கும்போது அது இழப்பதாகத் தோன்றும் எடையானது அந்தப் பொருளின் கன அளவுள்ள அந்தத் திரவத்தின் எடைக்குச் சமம். 

அல்லது இப்படியும் சொல்லலாம்.

ஒரு திடப்பொருள் ஒரு திரவத்தில் தங்குதடையின்றி மூழ்கியிருக்கும்போது அந்தத் திடப்பொருள் இழக்கும் எடையும் அதனால் இடப்பெயர்ச்சியடைந்த அந்தத் திரவத்தின் எடையும் சமம் ஆகும்.

முழ்கும் திடப்பொருள் பொருள் ஒரே தனிமத்தாலானதாகவும் பல்வேறு தனிமங்கள் பல்வேறு அளவுகளில் கலந்து உருவான கூட்டுப்பொருளாகவும் இருக்கலாம். அப்போதும் ஆர்கிமிடிஸ் விதி ஒன்றுதான். 

ஆர்கிமிடிஸ் விதியின்படி குறிப்பிட்ட ஒரு பொருளின் அடர்த்திக்குத் தக்கபடி அது வெளியேற்றும் திரவத்தின் அளவு வேறுபடும். 

தனிமங்கள் ஒவ்வொன்றும் ஒவ்வொருவிதமான அடர்த்தி எண்ணைக் கொண்டிருப்பதால் ஒரு குறிப்பிட்ட தனிமத்தாலான ஒரு குறிப்பிட்ட எடையுள்ள ஒரு பொருள் ஒரு குறிப்பிட்ட கன அளவுள்ள திரவத்தைத்தான் வெளியேற்றும் என்று ஆகிறது.

அதன்காரணமாக ஒரு குறிப்பிட்ட தனிமம் சுத்தமானதுதானா என்று சோதிக்கக்கூட ஆர்கிமிடிஸ் விதியைப் பயன்படுத்த முடியும்.

அப்படி ஒரு தங்கத்தாலான கிரீடம் சுத்தமான தங்கத்தால் செய்யப்பட்டதுதானா என்று சோதிக்க ஆர்கிமிடீஸ் கேட்டுக்கொள்ளப்பட்ட போதுதான் அவருக்கு இந்த ஞானம் பிறந்து யுரேகா யுரேகா என்று கத்திக்கொண்டு குளியல் தொட்டியில் இருந்து எழுந்து தன்னை மறந்த நிலையில் தெருவில் ஓடியதாகக் கதை சொல்வார்கள்!....

காரணம் தனிமங்கள் எப்போதும் ஒரேமாதிரி எடையைக் கொண்டிருப்பதும் அதன் அடர்த்தி எண் மாறாமல் இருக்கும் என்பதும்தான்.

தனிமங்களின் அடர்த்தியும் அடர்த்தி எண்ணும் மாறாமல் இருந்ததன் காரணம் ஆர்கிமிடிஸ் விதி கண்டுபிடிக்கப்பட்ட காலத்தில் ஒரே தனிமத்தின் அடர்த்தியைக் கூட்டிக் குறைக்கும் தொழில் நுட்பம் இல்லாதது ஆகும். 

ஒரு தனிமம் என்பது என்ன என்பதுகூட அந்தத் தனிமத்தின் இயற்பியல் வேதியியல் பண்புகளையும் ஆர்கிமிடிஸ் விதியையும் வைத்துத்தான் உறுதி செய்யப்பட்டதே தவிர அந்தத் தனிமத்தின் அடிப்படைக் கட்டமைப்புக் குறித்த ஆராய்ச்சி முடிவுகளின் படி அல்ல.

அதனால் ஆர்கிமிடிஸ் விதி எந்தக் கேள்விக்கும் உள்ளாக்கப்படாமல் ஊறுதியாகப் பயன்பட்டு வந்தது. இனிமேலும் பயன்படும்.

ஆனால் இனிமேல் அந்த விதியில்  நிபந்தனையைச் சேர்க்கவேண்டும் என்ற ஐயம் எழுந்துள்ளது.

காரணம் முன்பு ஒரு குறிப்பிட்ட அடர்த்தி எண் உள்ள ஒரு தனிமத்தால் ஆன பொருளின் எடையும் கனஅளவும் ஒரு குறிப்பிட்ட விகிதத்தில் மட்டுமே திட்டவட்டமாக இருந்தன.

அதில் ஒன்று மாறினால் மற்றதும் மாறும் என்பது திட்டவட்டமாக இருந்தது. 

ஆனால் நவீனத் தொழில் நட்பத்தின் காரணமாக ஒரு தனிமத்தாலான ஒரு பொருளின் எடையையும் கன அளவையும் குறிப்பிட்ட விகிதத்திலிருந்து  மாற்ற முடியும் என்று ஆகியுள்ளது.

ஆதாவது ஒரு தனிமத்தின் பண்பை அதன் அணுவில் அடங்கியுற்ற புரொட்டான்களின் எண்ணிக்கை தீர்மானிக்கிறது.

ஆனால் ஒரு தனிமத்தின் எடையை அதில் அடங்கியுள்ள நீயூட்ரான்களும் சேர்ந்து தீர்மானிக்கிறது.

ஒரு குறிப்பிட்ட எடையுள்ள ஒரு தனிமத்தாலான் பொருளின் கன அளவை அதன் அணுக்கருவில் உள்ள புரோட்டான்களும் அவற்றைச் சுற்றிவரும் எலெக்ட்ரான்களும்  மட்டுமே தீர்மானிக்கின்றன.

அந்தப்பொருளின் கன அளவைத் தீர்மானிப்பதில் நியூட்ரானுக்கு எந்தப்பங்கும் இல்லை. 

ஒரு தனிமத்தின் அணுக்கருக்களுக்குள் அடங்கியுள்ள நியூட்ரான்களின் எண்ணிக்கை இயற்கையாக இருந்த எண்ணிக்கையில் இருந்து மாறாதவரை சிக்கல் இல்லாமல் இருந்தது. 

அது புரோட்டானுடைய எந்த நடவடிக்கையிலும் தலையிடுவது இல்லை. 

ஒரு தனிமத்தின் அணுக்கருக்களில் அடங்கியுள்ள நீயூட்ரான்களின் எண்ணிக்கை அணுவுக்கு அணு வேறுபட்டாலும் ஒரே தனிமத்தாலான ஒரு பொருளின் அணுக்களில் அடங்கியுள்ள நியூட்டரான்களின் எண்ணிக்கையின் சராசரி அதே தனிமத்தாலான வேறொரு பொருளின் சராசரிக்குச் சமமாக இருப்பதால் தனிமத்தின் கனஅளவுக்கும் எடைக்குமான விகிதாச்சாரம் மாறுவது இல்லை!

அனால் அதன் மூலம் ஒன்று உறுதியாகிறது.

ஆதாவது ஒரு தனிமத்தின் அணுக்களில் உள்ள நியுட்ரான்களின் எண்ணிக்கையை மாற்ற முடிந்தால் அந்த தனிமத்தின் கன அளவுக்கும் எடைக்குமான திட்டவட்டமான விகிதாச்சாரமும் மாறும் என்பதே!

முன்னர் ஆர்கிமிடிஸ் விதியைக் கண்டுபிடித்தபோது அணுவிஞ்ஞானம் வளராததால் ஒரு அணுவுக்குள் இருக்கும் நியூட்ரான்களைத் தனியாகப் பிரித்தெடுக்கும் தொழில் நுட்பம் இருக்கவில்லை. 

ஆனால் இப்போது அணுவிஞ்ஞானம் வளர்ந்துள்ள நிலையில் ஒரு அணுவில் இருந்து நியூட்டரான்களை மட்டும் தனியாகப் பிரித்தெடுக்க முடியும். அல்லது குறிப்பிட்ட எண்ணிக்கையிலான நியூட்ரான்களைக் கொண்ட ஒரு தனிமத்தின் ஐசோ டோப்புகளை  மட்டுமே தனியாகப் பிரித்தெடுக்க முடியும்.

அப்படிச் செய்யும்போது அதன் மூலம் ஒரே தனிமத்தால் ஆன பொருளின் கன அளவுக்கும் எடைக்குமான விகிதாச்சாரம் மாறாது என்கிற ஆர்கிமிடிஸ் விதியின் நம்பகத்தன்மை கேள்விக்குறி ஆக்கப்படுகிறது.

ஆதாவது ஒரு திடப்பொருள் ஒரு திரவத்தில் தங்கு தடையின்றி மூழ்கியிருக்கும் போது அது இழப்பதாகத் தோன்றும் எடையும் அந்தப் பொருளால் இடப் பெயர்ச்சி அடைந்த அந்தத் திரவத்தின் எடையும் சமம்  என்று விதியைச் சொல்லும்போது இரண்டு நிபந்தனைகளையும்  சேர்த்துச் சொல்லவேண்டும்.

நிபந்தனைகள்:

ஒன்று: ஒரே தனிமத்தால் ஆன ஒரு குறிப்பிட்ட எடையுள்ள இரண்டு பொருட்களின் அடர்த்திக்கும் கன அளவுக்கும் உள்ள விகிதம் அவற்றின் அணுக்களுக்குள் அடங்கியுள்ள நியூட்ரான்களின் செரிவைப் பொறுத்து மாறுபடும் .

இரண்டு: அதனால் இந்த விதியைப் பயன்படுத்தி ஒரு தனிமம் இதுதான் என்று இனித் திட்டவட்டமாகச் சொல்ல முடியாது! ஆதாவது  ஒரு குறிப்பிட்ட எடை உள்ள ஒரே தனிமத்தால் ஆன பொருளின் கன அளவு மாறக்கூடியதே!. 

இந்த இரண்டு நிபந்தனைகளைச் சேர்க்கா விட்டால் நவீன அறிவியலின் விளைவால் ஆர்கிமிடிஸ் விதி ஆட்டம் கண்டு விடும்!....

(இதில் பயன்படுத்தப்பட்டுள்ள அறிவியல் வார்த்தைகள் முன்பின் இருந்தாலும் அடிப்படையில் சொல்லவந்த கருத்து நவீன அறிவியல் ஆர்கிமிடிஸ் விதியை அசைத்து விட்டது என்பதே!) 

எனது மொழி ( 128 )

தவறு செய்தால்....

நமது நாட்டில் தவறு செய்யக்கூடாது  என்று நினைக்கும் பைத்தியங்கள் கொஞ்சம்பேர்!

 தவறு செய்பவர்கள் அவர்களை விடப் பலமடங்கு  அதிகமாக இருக்கிறார்கள்!...

மற்ற அனைவரும் தவறு செய்யக் கையாலாகாமல் தவறு செய்யாமல் காத்திருப்பவர்களே!

ஆன்மிகத்தில் ஒரு புதுப் பாதை ( 25 )

படைப்புத் தத்துவம்....

இல்லாத ஒரு இடத்தில் இருந்து இல்லாத ஒன்றை இல்லாத ஒன்று ஆக்கியது என்பது துவக்கத்தில் அறியாமையால் உருவானதும் அதன்பின் சக மனிதனை ஏமாற்றவும் பயன்பட்ட பயன்படுகிற பயனற்ற கோட்பாடு ஆகும். 

ஆதியில் ஒன்றை இன்னொன்று ஆக்கியது என்றால் அந்த இன்னொன்றை ஆக்கியது எது என்ற கேள்விக்கு யாரால் பதில் சொல்ல முடியும்?...

அறிவியலாளர்களே ஒரு கட்டத்துக்கு மேல் சிந்தனையைச் செலுத்த முடியாமல் திணறுகின்ற ஒன்றை சர்வ சாதாரணமாக அறிந்துவிட்டவர்கள்போல் பேசுவதும் அதை நம்புவதுமான ஒரு நிலை இன்னும் உலகில் ஆதிக்கம் செலுத்தும் கோட்பாடாகவே நீடிப்பது மனிதனின் அறிவாற்றலுக்கு நேர் எதிரான அம்சம்....

அண்டத்தில் காணப்படும் எதுவும் அது அணுவினும் சிறியதாயினும் அளவிடமுடியாத அளவு பெரியதாயினும் அவை அனைத்தும் அவற்றைவிடப் பிரம்மாண்டனான இயக்கத்தின் உறுப்புக்களே !

அதில் ஒன்று இன்னொன்றாய் மாறி அமையுமே தவிர எந்த ஒன்றும்  மற்ற அனைத்தையும் படைக்க முடியாது.

அதனால் மனிதன் உட்பட அனைத்தும் பேரண்டத்தின், பேரியக்கத்தின் உறுப்புக்களே என்பதை உணரவேண்டும்.

 அந்த உறுப்புக்களாக உள்ள உயிரும் உணர்வும் அறிவாற்றலும் கொண்ட மனிதனும் மனிதனையொத்த உயிரினங்கள் வேறு இருந்தால் அவர்களும் தான் உள்ளடங்கிய பேரியக்கத்திற்கு  மற்றும் சக உயிரினங்களுக்கு இணக்கமாக வாழ்வது எப்படி என்பது பற்றிச் சிந்திக்க வேண்டும். 

நாம் விரும்பினாலும் விரும்பாவிட்டாலும் நமது உடல்பகுதி உட்பட அண்டத்தில் உள்ள அத்தனையும் எப்போதும் அதற்குண்டான சூழல் விதிகளுக்கு ஏற்ப இயங்கிக் கொண்டுதான் இருக்கும் என்பதையும் உணரவேண்டும்.

மனித வடிவில் நடக்கின்ற தனிக்குணங்களையும் நடவடிக்கைகளையும் தவிர மற்ற அனைத்தும் நமது கட்டுப்பாட்டுக்கும் எண்ணங்களுக்கும் சம்பந்தம் இல்லாமல் இயங்கிக் கொண்டிருக்கின்றன என்பதையும் கருத்தில் கொள்ள வேண்டும்... 

படைப்புத் தத்துவம் பற்றிய இத்தகைய  சிந்தனைகளும் செயல்பாடுகளுமே உண்மையான ஆன்மிகம் ஆகும்! 

உணவே மருந்து ( 55 )

Subash Krishnasamyஇயற்கை உணவும் இனிய வாழ்வும்
March 28, 2012

வாழைத் தண்டு ஜுஸ்
===================

நண்பர்களே!

இப்போது சிறுநீரகக் கல் பிரச்சினை மிக அதிகமான அளவில் உள்ளது. இப்போது பெண்களுக்கும் அதிக அளவில் வர ஆரம்பித்துள்ளது.

இதற்கு முக்கியக் காரணம் தற்கால உணவு முறையிலுள்ள கோளாறுகள் தான்.

இது வந்தபின்பு ஓரளவு தடுக்கவும் என்றும் வராமல் தடுக்கவும் எளிய பயனுள்ள முறைகள் சிலவற்றில் முக்கியமானது வாழைத் தண்டு ஜுஸ். அதன் தயாரிப்பு முறை பின்வருமாறு….

ஒரு நபருக்கு சுமார் பத்து செ மீ நீளமுள்ள ஓரளவு கனமான வாழைத் தண்டு இருந்தால் போதுமானது.

அதை சிறு சிறு துண்டுகளாக நறுக்கி நாரை எடுத்துவிட்டு மிக்ஸியில் போட்டு சிறிதளவு சீரகமும் சேர்த்து வேண்டுமளவு தண்ணீர் ஊற்றி அரைத்து எடுக்கவேண்டும்.

அரைத்ததை வடிகட்டியும் பிழிந்தும் ஜுஸாக எடுத்து அப்படியே சாப்படலாம். சீரகம் சேர்ப்பதால் மணமாகவும் இருக்கும்.

சீரகம் இல்லாமல் சாறு எடுத்து எலுமிச்சம் சாறும் நாட்டுச் சர்க்கரையும் கலந்து இனிப்புப் பானமாகவும் அருந்தலாம்.

இதை அடிக்கடி சேர்த்து வந்தால் சிறுநீரகக்கல் பிரச்சினை வரவே வராது.

நோய் இல்லாதவர்களும் சாப்படலாம் மிகவும் நல்லது.

நோயினால் துன்பப்படுவதைவிட அதற்கு சிகிச்சைசெய்து செலவழிப்பதைவிட இது மிகவும் எளிய இயற்கையான தடுப்பு முறையாகும்.

http://www.facebook.com/photo.php?fbid=322149631186056&set=o.139649789477115&type=1&theater

பல்சுவை ( 16 )

போலி மருத்துவங்கள்!...

நண்பர்களே!  

அலோபதி, ஹோமியோபதி, ஆயுர்வேதம், சித்தமருத்துவம், இயற்கை மருத்துவம், யுனானி, அக்கு பஞ்சர் போன்ற பல மருத்துவ முறைகள் வழக்கில் உள்ளன.

ஒவ்வொரு மருத்துவமும் எப்படி நோய்களைக் குணப்படுத்துகின்றன என்பதற்கு அறிவியல் அடிப்படைகள் உள்ளன.

இப்போது நமது நாட்டில் வேகமாக ஒரு மருத்துவம்(?) பரவி வருகிறது!

ஆதாவது அக்கு பஞ்சர் மாதிரியே வெறும் கை விரல்களால் தொட்டுச் சிகிச்சை தரும் அக்கு டச், அக்கு பிரஸ்சர், தொடாமலேயே சிகிச்சைதரும் பிராணிக் சிகிச்சை, காதுகளால் கேட்டாலே புற்று நோய் உட்பட அனைத்தும் குணமாவதாகச் சொல்லப்படும் செவிவழித் தொடு சிகிச்சை, அதையெல்லாம் புத்தகத்தில் படித்தாலே குணப்படுத்தும் என்று சொல்லப்படும் கண் வழித் தோடு சிகிச்சை  இவையெல்லாம் மருத்துவச் சந்தையில் இடம் பெற்றுள்ளன. 

இவற்றுக்கும் அறிவியலுக்கும் ஏதாவது தொடர்பு உண்டா?

இல்லை என்பதே எனது கருத்து! 

ஆனாலும் அவற்றை ஏராளமான மக்களும் படித்தவர்களும்கூட நம்புகிறார்கள்.

அலோபதி மருத்துவத்தின் அவலங்களைச் சொல்லி அதன்மேல் கொண்ட அதிருப்தியின் வாயிலாகவே கடைசியில் சொல்லப்பட்ட போலி மருத்துவங்கள் புகழ்பெற்று வருகின்றன! 

அது தாற்காலிகம்தான் என்றாலும் அதை நம்பி மக்கள் ஏமாறுவது பரிதாபத்துக்கு உரியது! 

மக்கள் மனங்களில் அறிவியல் பார்வை மேலோங்கினால் தவிர இந்த அவலம் தவிர்க்க முடியாது என்றே எண்ணுகிறேன்.....

ஆன்மிகத்தில் ஒரு புதுப்பாதை ( 24 )

தகுதியான பாதை! 

ஒருவர் அறிவியல்பாதையிலும் ஆன்மிகப் பாதையிலும் ஒரே நேரத்தில் பயணிப்பது இன்றைய உலகில் காண முடியாதது! 

ஆனால் உண்மையான ஆன்மிகம் அறிவியலுக்கு எதிரானது அல்ல, 

அறிவியலுக்கு எதிரானது ஆன்மிகமே அல்ல 

இதை உணர்ந்தவர்கள் மட்டுமே அந்தப் பாதையில் பயணிக்க முடியும்!...

உலக மக்களை சரியான நிலைக்கு அழைத்துச் செல்லத் தகுதியான பாதை!...

ஞானிகள் ( 4 )

ரசவாதம்.... 

வேதிமாற்றத்தைத்தான் பழங்காலத்தில் ரசவாதம் என்ற சொல்லால் வழங்கி இருப்பார்கள் என்பது எனது கருத்து...

அதனால்தானே ரசாயனம் என்ற வார்த்தை வந்தது?...

ஆகையால் அந்தக் காலத்தில் அறியப்பட்ட வேதிப்பொருள்களைக் கொண்டு என்னென்ன மாற்றம் செய்ய முடிந்ததோ அதைப் பயனுள்ள முறையில் சித்தர்கள் செய்தார்கள் என்றுதான் கொள்ளவேண்டும்....

ஆனால் அவர்களின் பெயரால் அக்காலத்தில் அறியவோ செய்யவோ வாய்ப்பில்லாதவற்றை எல்லாம் அறிந்திருந்தார்கள், செய்தார்கள் என்பது மிகையான கற்பனைகளே!.... 

அது அவர்களின் மேன்மையைக் குறைக்கவே பயன்படும்.....

எனது மொழி (127)

Subash Krishnasamy

December 6, 2011 

தேசபக்தர்கள் தேச ஒற்றுமையை எவ்வளவுதான் விரும்பினாலும் பிரச்சினைகளை இழுத்தடிப்பதன்மூலமும் பிரித்தாழும் சூழ்ச்சியில் வெள்ளையர்களைவிடக் கெட்டிக்காரர்களாக இருப்பதன் மூலமும்; மத்தியில் ஆள்பவர்கள் பிரிவினைத் தீயில் பெட்ரோலை ஊற்றிக்கொண்டே இருக்கிறார்கள்!

http://www.facebook.com/photo.php?fbid=246113268789693&set=pb.100001730669125.-2207520000.1366797305.&type=3&theater
================================================================

Subash Krishnasamy

December 10, 2011 

வெள்ளையனுக்கு அடிமைகளாக இருந்தபோது இரு மாநிலங்களுக்கு இடையே ஒரு அணையைத் திட்டமிட்டுக் கட்டி நூறாண்டுகளுக்கும் மேலாகப் பயன்பெறவும் முடிந்தது.

ஆனால் விடுதலைபெற்றபின் ஒரு சுதந்திர நாட்டில் சுதந்திரமாக வாழ்ந்துகொண்டு அந்த அணையைக் காப்பாற்ற முடியாமல் அக்கப்போர் செய்து கொண்டுள்ளோம்.

அப்படியானால் நாம் அடிமைகளாக இருக்கத்தான் தகுதி பெற்றவர்களா? வெட்கப்படவேண்டிய விஷயம்!

http://www.facebook.com/photo.php?fbid=248614811872872&set=pb.100001730669125.-2207520000.1366797305.&type=3&theater

================================================================

Subash Krishnasamy

December 14, 2011 

நாட்டில் நடக்கும் ஒவ்வொரு அரசியல் தவறையும் தனக்கு நேர்ந்த அவமானமாகக் கருதும் ஜனநாயக உணர்வு மக்கள் ஒவ்வொருவர் மனதிலும் மேலோங்கவேண்டும் அப்போது உருவாகும் எழுச்சிதான் உண்மையான ஜனநாயகமாக இருக்கும் அப்போது உருவாகும் அரசுகள்தான் மக்களின் அரசுகளாக மக்களின் தேவைகளைக் கவனிக்கும்!

http://www.facebook.com/photo.php?fbid=251273538273666&set=pb.100001730669125.-2207520000.1366797305.&type=3&theater

===================================================================

Subash Krishnasamy
December 15, 2011 

தன்னைவிட வலியவர்கள் தன்னை சமமாக மதிக்கவில்லையே என்று வருத்தப்படும் அதேநேரம் தன்னிலும் எளியவரைத் தனக்குச் சமமாக மதிக்கத் தயங்குவதோ மறுப்பதோ என்ன நியாயம்? ஆனால் எளியவர் முதல் செல்வந்தர் வரை அனைவரையும் இந்தக் குணம் நோயாய்ப் பற்றியுள்ளது.

http://www.facebook.com/photo.php?fbid=251934994874187&set=pb.100001730669125.-2207520000.1366797305.&type=3&theater

=======================================================================




Subash Krishnasamy
December 16, 2011 

விமர்சனம் என்பது பூனை எலியைக் கவ்விச் செல்வதுபோல் தீங்கு விளைவிப்பதாக இருக்கக்கூடாது. பூனை அதே பற்களால் தான் குட்டியைக் கவ்விச் செல்வதுபோல் மென்மையாக இருக்க வேண்டும்!

http://www.facebook.com/photo.php?fbid=252523784815308&set=pb.100001730669125.-2207520000.1366797305.&type=3&theater

கூடங்குளமும் நானும் ( 7 )

Subash Krishnasamy

December 4, 2011 

பொதுவாகவே கூடங்குளம் அணுஉலை எதிர்ப்பாளர்கள் முடிவடைந்து உற்பத்தி துவங்கும் நிலையில் உள்ள ஒரு அணுசக்தி மின்நிலையத்தை திரும்பவும் மூடுவது என்பது - மற்ற அதுபோன்ற நிலையங்கள் சம்பந்தமாக எடுக்கும் முடிவைப் பொறுத்தே அமையும் என்பதைக்காண மறுக்கிறார்கள்.

அணு உலை ஆதரவாளர்களோ அணுசக்திப் பயன்பாட்டை நிறுத்தவேண்டியதன் அவசியத்தை உணராமல் போராடுபவர்கள் எதுமரியாதவர்கள் என்பதுபோல போராட்டத்தைக் கொச்சைப் படுத்துவதில்குறியாக இருக்கிறார்கள்!

இதற்கு ஒரே வழி கூடங்குளம் நிலையத்தைச் செயல்படத் தாற்காலிகமாக அனுமதிப்பதும் அணு மின் நிலையங்களை இனி புதிதாகத் தோற்றுவிக்கத் திட்டமிடாமல் இருப்பதும் இருக்கும் நிலையங்களை மூடுவதற்கு இணக்கமாக மாற்று மின் உற்பத்தி வழிகளைப் போர்க்கால அடிப்படையில் கண்டு செயல்படுத்துவதும்தான்!

அதுவல்லாத எந்தமுடிவும் தோல்வியில்தான் முடியும்!

http://www.facebook.com/photo.php?fbid=244609175606769&set=pb.100001730669125.-2207520000.1366797305.&type=3&theater

பல்சுவை ( 15 )

Subash Krishnasamyஇயற்கை உணவும் இனிய வாழ்வும்

February 7, 2012 

எரியும் தீபம் ஒவ்வொரு வினாடியும் தன்னுடன் சிலவற்றைச் சேர்த்துக்கொண்டும் சிலவற்றை இழந்துகொண்டும் தொடர்ந்து ஒளி விடுகிறது. அதில் நிலையானது என்று எதுவும் இல்லை.

அதுபோலவே நமது உடல் வாழ்வும் ஒவ்வொரு வினாடியும் கோடிக்கணக்கான வெளிப்பொருட்களின் அணுக்களை ஏற்றுக்கொண்டும் இழந்துகொண்டும்தான் இயங்குகிறது. இதிலும் நிலையானது என்று சொல்லக்கூடியது எதுவும் இல்லை! நான் என்று சொல்லக்கூடியது நாம் சாகும் வரையிலான சிக்கலான, ஒழுங்கமைந்த ஒருவகையான இயக்கமே! அதைச் சரியாக வாழ்ந்துவிட்டுப் போனால் என்ன!......

http://www.facebook.com/photo.php?fbid=288472197887133&set=o.139649789477115&type=1&theater

==================================================================

Subash Krishnasamyஇயற்கை உணவும் இனிய வாழ்வும்

March 12, 2012 

மிதக்கக்கூடிய ஒருபொருள் தண்ணீருக்கு மேலே அதைத் தொடாமல் இருப்பதும் தண்ணீரின் ஆழத்தில் மூழ்கிய நிலையில் மேலே வர இயலாமல் மூச்சுத் திணரிக் கொண்டு இருப்பதும் உறுதியான நிலைகள் அல்ல. 

தண்ணீர் மட்டத்தில் மிதந்துகொண்டிருப்பதே உறுதியானதும் அமைதியானதுமான நிலையாகும். 

அதுபோல இன்பத்தில் திளைப்பதும் துன்பத்தில் வருந்துவதும் உறுதியான நிலைகள் அல்ல. 

அமைதியில் நிலைபெற்று வாழ்வின் மேடு பள்ளங்களுக்கு ஏற்ப சீராக சிந்திப்பதும் இயங்குவதுமே நாம் செயல்படவேண்டிய உறுதியான செயல்முறையாகும்.

http://www.facebook.com/photo.php?fbid=311945782206441&set=o.139649789477115&type=1&theater

================================================================

Subash Krishnasamyஇயற்கை உணவும் இனிய வாழ்வும்

March 15, 2012 

பழைய சோறு 

============

வெய்யில் காலம் துவங்கிவிட்டது. இனி ஆளுக்கு ஆள் பேச்சுத் துவங்குவதே வெய்pலைப்பற்றித்தான் இருக்கும்.

மின்சாரமும் பழிவாங்குவதால் இந்தக் கோடை ஒரு சோதனையான காலமாகத்தான் இருக்கப்போகிறது.

இந்த நேரத்தில் வழக்கொழிந்து வருகிற பழையசோற்றின் சிறப்புப் பற்றிச் சொல்லப் போகிறேன்.

அரிசி, கம்பு, சோளம், தினை, சாமை, ராகி போன்ற தானியங்களால் சமைக்கப்படும் சோற்றைக் கொண்டோ களியைக் கொண்டோ பழைய சோறு தயாரிக்கலாம்.

குறிப்பாக அரிசியும் கம்பும் சோளமும் எளிதில் கிடைக்கக்கூடியவை.

பழைய சோறு என்பது அதற்காகப் பிரத்தியேகமாகத் தயாரிக்கபடுவது அல்ல. சூடாக உண்பதற்காகத் தயாரிக்கப்படும் சாதம் அல்லது களியை உண்டுவிட்டு மீதம் இருப்பது ஆறியபின்பு அதில் சுத்தமான தண்ணீரை ஊற்றி வைத்துவிட்டால் சுமார் ஆறுமணிநேரத்துக்குப் பின்னால் பழைய சோறு தயார். அதை மேலும் ஒரு நாள் வரை வைத்திருந்து போதுமான அளவு சோறும் அதிலுள்ள நீரும் சிறிது உப்பும் சேர்த்து பழைய சோற்றுக்கலவையை உண்பதற்குத் தயார் செய்துவிடலாம்.

பொதுவாகப் பழைய சோற்றைக் கையால் பிசைந்து கரைத்தால்தான் நன்கு கூழ்பாகத்தில் உண்பதற்கு நன்கு இருக்கும். கரண்டியால் கலக்கினால் ஒன்றுக்கொன்று ஒட்டாமல் பருக்கை பருக்கையாக இருக்கும். 

சமைப்பது மண் சட்டியாக இல்லாமல் வேறு பாத்திரமாக இருந்தாலும் அதைப் பழைய சோற்றுக்காக எடுத்துவைக்கும்போது மண் சட்டியில் வைத்துத் தண்ணீர் ஊற்றிவைப்பதுதான் சிறந்தது. காரணம் அது கூடுதல் சுவையாகவும் குளிர்ச்சியாகவும் இருக்கும். மண் சட்டி இல்லாவிட்டால் மற்ற பாத்திரங்களிலும் வைக்கலாம்.

பழைய சோற்றில் மோரோ தயிரோ கலந்துகொள்வது மேலும் சுவையை அதிகப்படுத்தும். அதனுடன் சின்னவெங்காயத்தை சின்னதாக நறுக்கிப் போட்டோ அல்லது நேரடியாய்க் கடித்துக்கொண்டோ பழைய சோறு சாப்பட்டால் இன்னும் சுவை கூடுதல் ஆகும். முன்பெல்லாம் பச்சைமிளகாயைக் கடித்துக் கொண்டும் பழைய சோறு உண்பார்கள்.

பழைய சோறு தண்ணீர் ஊற்றிவைத்த ஆறில் இருந்து பன்னிரண்டு மணிநேரத்துக்குப் பின்னால் அதை முறைப்படி உப்பும் இருந்தால் மோரோ தயிரோ கலந்து கலக்கிக் குளிர் சாதனப் பெட்டியில் வைத்துப் போதுமான நேரத்துக்குப்பின்னால் சாப்பிட்டால் அதன்சுவையை வர்ணிக்கவே முடியாது.

இது அந்தக்காலத்தில் ஏழை மக்களின் மலிவான உணவாகும். 

சமைத்த உணவைவிட இது கூடுதல் சத்துக்களைக் கொண்டது. எளிதில் செரிக்கக்கூடியது. இயற்கை உணவுக்கு நிகரானது. 

அந்தக் காலத்தில் கடுமையாக உழைக்கும் ஏழைகளும் உழைப்பாளிகளும் விவசாயிகளும் பழைய சோறுதான் சாப்பிட்டு வாழ்ந்தார்கள் என்றால் அதன் சிறப்பை நன்கு உணரலாம்!

அந்தக் காலத்தில் காலை உணவு உண்ணும் நேரத்தைப் பழைய சோத்து நேரம் என்றுதான் கிராமங்களில் சொல்வார்கள்.

பழைய சோற்று வகைகளிலேயே கம்புதான் மிகுந்த மணத்துடனும் சுவையுடனும் முதலிடம் வகிக்கிறது. அதனால்தான் கம்மங்கூழ் பானைகளில் வைத்து தெருவோரங்களில் கூட விற்றபனை செய்யப்படுகிறது.

பழைய சோற்றில் உள்ள சிறப்புகளைத் தனிக் கட்டுரையில் விளக்குவதுதூன் சிறப்பாக இருக்கும். அது ஒருவகையில் மருத்துவகுணமும் இயற்கைத் தன்மையும் கொண்டதாக இருப்பதால் சமைக்கப்படும் எந்த ஒரு உயர்ந்த வகை உணவை விடவும் ஒப்பு நோக்கில் உடல் நலனுக்கு ஏற்றதும் மிகவும் செலவு குறைந்ததும் ஆகும்.

மற்ற உணவை உண்டால் தாகம் எடுக்கும். ஆனால் பழைய சோறு உண்டால் தாகத்தைப் போக்கும்.

பழைய சோற்றை மறக்கவேண்டாமே!

http://www.facebook.com/photo.php?fbid=313881932012826&set=o.139649789477115&type=1&theater

======================================================================

Subash Krishnasamyஇயற்கை உணவும் இனிய வாழ்வும்

March 23, 2012 

உழவும் விதைப்பும்

================== 

கிராமப் புறங்களில் உள்ள முப்பது வயதுக்குக் குறைவான வயதுடைய இளைஞர்களில் பெரும்பாலோருக்கு ஏர் பிடிக்கத் தெரியாது என்பதும் விதை விதைக்கத் தெரியாது என்பதும் கசப்பான உண்மையாகும்!

ஏர் பிடிக்கத் தெரியாமல் போனதற்கு காரணம் கால் நடைகளின் பயன்பாடு குறைந்துபோனதும் அவற்றிடம் வேலை பழக்கவும் வேலை வாங்கவும் ஆட்கள் இல்லை என்பதும் ஆகும்.

விதை விதைக்கத் தெரியாமல்போனதற்குக் காரணம் மானாவாரி விவசாயமும் விவசாயி விதை சேமித்து வைக்கும் பழக்கமும் ஒழிந்துபோனதே ஆகும்!

இதன் விளைவாக அளவுக்கு மிஞ்சிய இயந்திரங்கள், ரசாயன உரம், பூசிக் கொல்லிகள் ஆகியவற்றின் பயன்பாட்டால் நிலங்கள் களர்த் தன்மைக்கு மாறிவருகின்றன என்பதும் மறுக்கமுடியாத உண்மையாகும்! 

இது எங்குபோய் முடியுமோ என்று நினைத்தால் அச்சமாக உள்ளது!

http://www.facebook.com/photo.php?fbid=318998568167829&set=o.139649789477115&type=1&theater

=================================================================

பல்சுவை (14 )

Subash Krishnasamyஇயற்கை உணவும் இனிய வாழ்வும்

March 8, 2012 

மண்பானை
===========

இதுதான் இன்று வீடுகளில் புழக்கத்தில் இல்லாத மண்பானை.

இதைக் கிராமங்களில் தாளி, மொடா என்றும் சொல்வார்கள்.

மின்சாரம் இல்லாமலே குளிர்ந்த நீரை நமக்கு உருவாக்கித் தரும் வரலாற்றுப் பெருமைமிக்க பாத்திரம். 

முற்காலத்தில் இந்தப் பானை பலவழிகளில் வாழ்வில் பயன்பட்டு வந்தது.

தண்ணீர் ஊற்றிவைக்க, தானியங்கள் போட்டுவைக்க, வருட செலவுக்காக நல்லெண்ணெய் விளக்கெண்ணெய் போன்றவை ஊற்றிவைக்க, மிளகாய், புளி, உப்பு போன்றவைபோட்டுவைக்க இது பயன்பட்டது.

விசே சகாலங்களில் அதிகம்பேருக்கு ஒரே நேரத்தில் சமைக்க, குடும்பத்தில் உள்ள அனைவரும் குளிப்பதற்கு வெந்நீர் வைக்க இன்னும் எத்தனையோ வேலைகளுக்குப் பயன்படும்.

ஏன், எனது அனுபவத்தில் கூட பொங்கல் சமயத்தில் சுட்டுப் பானையில் அடுக்கிவைத்த முருக்கையும் எள்ளுருண்டையையும் எடுக்கமுயன்று தள்ளிவிட்டு உடைத்த காலங்கள் பசுமையானவை. 

வீட்டுக்குள் எட்டாதவற்றை எடுக்க ஸ்டூலாகவும் இது பயன்பட்டது.

அந்தக்காலத்தில் பணக்காரர்கள் பொன்னையும் பொருளையும் பானைகளில்போட்டு நிலத்தில் புதைத்துவைத்ததும் உண்டு. இன்றும் புதையல்களாக பலஇடங்களில் கிடைக்கிறது.

இறந்தவர்களைப் புதைக்க சவப்பெட்டிகளாகவும் பயன்படுத்தினார்கள். அதைத்தான் புதைபொருள் ஆராய்ச்சியாளர்கள் முதுமக்கள் தாளிகள் என்று சொல்கிறார்கள்

பானையில் சமைக்கும் சோறும் பானையில் ஊற்றி வைக்கும் தண்ணீரும் தனிச் சுவையுடன் இருக்கும். 

அந்தக் காலத்தில் வழிப்போக்கர்களுக்குக்கூட தண்ணீர்ப் பந்தல்கள் வைத்துப் மண்பானைகளில் குளிர்ந்த தண்ணீர் இலவசமாக வழங்கப்பட்டது. 

திருவிழாக் காலங்களில் நீர்மோரும் பானகமும் மண்பானைகளில் வைத்து வழங்கப்பட்டன.

ஆதியிலிருந்து இன்று வரை கள்ளு ஊற்றிவைக்க மன்பானைகள்தான் புழக்கத்தில் உள்ளன.(அதுதான் இன்றுவரைநீடிக்கிறது)

மக்களின் வாழ்வோடு இரண்டறக் கலந்திருந்த இது இன்று புழக்கத்தில் இருந்து மறைந்துவிட்டது. 

ஆனால் இன்றும் நகரங்களில்கூட குடிதண்ணீர் மண்பானைகளில் ஊற்றிவைத்துக் குடிப்பது விரும்பப்பட்டாலும் அதற்கேற்ற சுத்தமான குடிநீர் அறிதாகிவருவதால் நவீன சாதனங்களின்மூலம் சுத்திகரிக்கப்படும் தண்ணீரின் பயன்பாடு அதிகரித்து வருகிறது. 

அதன் காரணமாக பிளாஸ்டிக் பாட்டில்கள் பயன்பாட்டினால் சுற்றுச் சூழல் பிரச்சினை அதிகரித்து வருவதோடு குடிதண்ணீர்கூட வர்த்தகப் பொருளாகி விற்பனைக்கு வந்துவிட்டதுதான் சோகமான விஷயம்!

நவீன வாழ்க்கை என்ற பெயரால் நாம் இழந்து வரும் எண்ணற்றவைகளில் வரலாற்றுப் பாரம்பரியம் மிக்க இந்த மண்பானைகளும் அடங்கும்!....

http://www.facebook.com/photo.php?fbid=309346492466370&set=o.139649789477115&type=1&theater

இயற்கை ( 17 )

Subash Krishnasamy

January 12, 2012 

பனைமரம்
----------------

என்னைக் கேட்டால் பனைமரத்தைப் போன்ற அற்புதமான பயனுள்ள மரம் வேறொன்றும் இருக்கமுடியாது. அது நூற்றுக்கணக்கான வருடங்கள் வாழக்கூடியது. எத்தகைய வரட்சியையும் தாக்குப்பிடித்து மற்ற எல்லா வளங்களும் வற்றி வரண்டுபோன பிறகு கூட மனித இனத்தைக் காப்பாற்றப் பயன்தரக்கூடியது.

அதன் காய்கள் இளமையாக இருக்கும்போது நுங்காக நாம் சுவைத்துச் சாப்பிடப் பயன்படுகிறது. முதிர்ந்து விட்டால் பனம் பழம் மிகவும் சத்துமிகுந்த சதைப்பகுதியைக் கொண்டது. அதனுள்ளிருக்கும் கொட்டைகளை மண்ணுக்குள் இட்டு நீர்விட்டால் அருமையான பனங்கிழங்குகள் கிடைக்கிறது.

பனைமரத்தில் இருந்து கிடைக்கும் பதநீரைவிடச் சுவையானது என்று வேறு எதைச் சொல்ல முடியும்? அதுமட்டுமல்ல (குடி) மக்களுக்காக தீங்கற்ற மலிவான மதுவையும் தருகிறது. பதநீரைக் காய்ச்சி வெல்லம், கல்கண்டு போன்ற அருமையான உணவுப்பொருட்களைப் பெறுகிறோம்.

பனை நாராலும் பனை ஓலைகளாலும் செய்யக்கூடிய பொருட்களும் அதனால் வாழக்கூடிய மக்களும் ஏராளம் என்பதும் அனைவருக்கும் தெரியுமே! இத்தனைக்கும் மேலாக அது கீழே சாய்ந்து விட்டாலோ அல்லது நாமாகவோ வெட்டிச்சாய்த்தாலோ அதன் முழு மரமுமே அருமையான மரச்சாமான்களாகி வீடுகட்டப் பயன்படுகின்றன.

இத்தனைஉபயோகமுள்ள பனைமரங்களை நாம் என்ன செய்திருக்கிறோம் தெரியுமா? செங்கல் சூளைகளில் இட்டு பெரும்பாலானவற்றை எரித்துவிட்டோம். இன்னும் மீதமிருப்பதும் அழிவின் விழிம்பில் உள்ளது. அற்பக் காசுக்காக நன்றி கொன்ற நாம் பனையை அழித்துவருகிறோம். சில வெள்ளிக் காசுகளுக்காக இயேசுநாதரைக் காட்டிக்கொடுத்த யூதாஸைப்போல.

இன்னும் ஒரு வேடிக்கையான உண்மை என்னவென்றால் நமது நாட்டில் பயிர் செய்யப்படாமல் இருக்கும் மானாவாரி நிலங்களிலும் தரிசுநிலங்களிலும் முழுவதும் பனையைப் பயிர் செய்தோமென்றால் எதிர்காலத்தில் அனைத்து மக்களுக்கும் அதைக் கொண்டே உணவளிக்க முடியும். ( யாரேனும் டாக்டர் பட்டத்துக்காகப் படிக்கும் ஆராய்ச்சி மாணவர் இருந்தால் இதை ஆராய்ச்சிக்குரிய பொருளாக எடுத்துக் கொள்ளலாம். நோபல் பரிசைக் கூட வெல்லலாம்! )

இத்தனை பயன் உள்ள பனைமரத்தை இதுகாலமும் அழித்து வந்ததற்கு ஏதேனும் பிராயச்சித்தம் செய்ய விரும்பினால் அரசு உடனே பனைமரத்தைத் தேசியமரமாக அறிவித்து அதை வெட்டுவதைத் தடைசெய்யவேண்டும்.

 

இயற்கை ( 16 )

Subash Krishnasamy

January 20, 2012 

அரசுக்கு ஒரு யோசனை!
-----------------------------------------------
நண்பர்களே!

நான் மரம் வளர்ப்பு பற்றி இப்போது சொல்லப்போகும் யோசனைகள் அரசின் கவனத்துக்குச் சென்று அதன் தொடர்ச்சியாக உரிய நடவடிக்கை எடுக்கப்பட்டால் அதை விட ஒரு நல்ல செயல் வேறு இருக்க முடியாது.

ஆதாவது எந்தவிதமான பெரிய செலவும் இல்லாமல் ஒரு சட்டத்தின் மூலம் நாட்டில் கோடிக்கணக்கான மரங்கள் உடனே நடுவதற்கான யோசனை இது.

நண்பர்கள் மனது வைத்தால் இந்த செய்தியைக் காணும் ஒவ்வொருவரும்.இதை மற்ற நண்பர்களுடன் பகிர்ந்து கொள்வதன் மூலம் நாடு முழுக்க ஏன் உலகு முழுக்க இந்த செய்தியைப் பயனுள்ள முறையில் கொண்டு செல்வதன் மூலம் பெரும் சாதனையே செய்ய முடியும்.

நாட்டில் உள்ள அனைத்துப் படடா நிலங்களிலும் நன்கு வரட்சியைத் தாங்கி உயிர் வாழக்கூடிய ஏதாவது பயனுள்ள மரங்கள் ஒரு ஏக்கருக்கு ஐந்து வீதம் கண்டிப்பாக நட்டு வளர்க்கவேண்டும். (தோப்புகளைக் கணக்கில் சேர்க்கக்கூடாது)

அப்படி வளர்க்கப்படாத நிலங்கள் அனைத்தின் உரிமையும் தாற்காலிகமாக நிறுத்தி வைக்கப்பட வேண்டும். குறிப்பட்ட தேதி அறிவிக்கப்பட்டு அந்தத் தேதிக்குள் மரக் கன்றுகள் நடப்பட வேண்டும்.

அதன்பின்பு அந்த நிலங்களை வாங்கவோ விற்கவோ வேண்டுமென்றால் அந்த அறிவிக்கப்பட்ட தேதியில் நடப்பட்ட மரக்கன்றுகள் குறிப்பட்ட வயதுடையதாக இருக்கவேண்டும் அல்லது கன்றுகள் நட்டு இவ்வளவு வயதுள்ள மரக்கன்றுகள் இருக்கும் நிலங்கள்தான் விற்கவோ வாங்கவோ முடியும் என்று அறிவிக்கவேண்டும்.

அதேபோல ரியல் எஸ்டேட்டுக்காக வாங்கப்பட்டு சைட்போட்டு விற்கப்படும் நிலங்கள் அனைத்தும் பத்து சென்டுக்குக் குறையாக ஒரு சைட்டுக்கு ஒரு மரம் அவசியம் இருக்கவேண்டும் என்று நிர்ணயிக்க வேண்டும். அதைவிடக் குறைவான அளவுள்ள சைட்டுக்கு ஒரு மரம் என தெருக்களில் மரம் நட்டுக் காப்பாற்றவேண்டும் என்ற விதி இருக்கவேண்டும்.

அதேபோல தொழிற்பயன்பாட்டுக்கு என்று வாங்கிப் போட்டுப் பலகாலம் சும்மா இருக்கும் நிலங்களிலும் ஏக்கருக்கு இத்தனை மரங்கள் இருக்கவேண்டும் என்ப

தை விதியாக்கவேண்டும்.

அதேபோல அரசுப் புறம்போக்கு மற்றும் ஏரி குளங்களின் ஓரங்கள் ஆற்றங்கரைகள் கடற்கரைகள் ஆகிய பகுதிகளில் மரங்ளை நட்டுக் கொடுத்து அதைக் காப்பாற்றுவோருக்கு ஒரு மரத்துக்கு இவ்வளவு என்று சன்மானமாகக் கொடுப்பதுடன் அவற்றில் விளையும் காய் அல்லது கனிகளை அவர்களே அனுபவிக்க உரிமை கொடுக்கலாம்.

அவர்களுக்குத் தண்ணீர் வசதியையும் செய்து கொடுக்கலாம்.

அதேபோல கடும் வரட்சியைத் தாங்கி வாழக்கூடிய மூலிகைப்பண்புள்ள தாவரங்ளையும் கள்ளி, புதர். போன்ற பாரம்பரியத் தாவர வகைகளையும் அரசுப் புறம்போக்கில் நட்டுப் பராமரிப்போருக்கு நட்டுக்கொடுப்பதும் ஊக்கத்தொகையும் அனுபவிக்கும் உரிமையும் என்று உதவி ஊக்குவிக்கலாம்.

நாளைய உலகும் மக்களும் நமது சந்ததிகளும் வளமுடன் வாழவேண்டுமென்றால் நிலங்கள் பாலைவனம் ஆகாமல் தடுக்கப்படவேண்டும் என்றால் மழை நன்கு பெய்து பசுமை பூத்துக் குலுங்கவேண்டுமென்றால் அரசுகளுக்கு இதைவிட வேறு முக்கியக் கடமை இருக்கமுடியாது.

பெரும்பகுதி வெறும் சட்டத்தால் மட்டும் சாதிக்கக்கூடிய இந்த யோசனைகளை அரசு ஏன் ஏற்கக்கூடாது?

இயற்கை ( 15 )

வேலிக்கருவை -  உண்மையும் பொய்யும்.....

 இந்தியாவில் வேலிக் கருவை என்கிற விஷமுள் செடி மிகப் பரவலாக பரவியுள்ளது. 

ஒரு காலத்தில் அது மிகவும் பயனுள்ளதாக இருந்து அதன்பின் அதன் பயன் குறைந்து மக்களுக்கு இடையூறு செய்யும் ஒரு சவாலாக வளைந்துள்ளது.

அதுதொடர்பான பின்னணியை அறியாமல் எதோ ஒரு அமெரிக்க நிறுவனம் தடை செய்யப்படவேண்டிய தாவரங்கள் பட்டியலில் இதைச் சேர்த்துவிட்டது என்று சொல்லி வேலிக் கருவைக்கு எதிரான பிரச்சாரம் சமூக வலை தளங்களில் முடுக்கி விடப்பட்டது.

அது கணக்கற்றவர் மத்தியில் பரவி உண்மையை உணராமலே கண்மூடித்தனமாக பிரச்சாரம் போய்க்கொண்டுள்ளது. 

இன்றைய காலகட்டத்தில் வேலிக் கருவை மக்களுக்கு அவசியமற்றதாகவும் இடையூறு செய்வதாகவும் இருப்பதால் அதை ஒழிப்பதில் தவறு கிடையாது! 

ஆனால் வேலிக் கருவைக்கு எதிராக முடுக்கி விடப்பட்டுள்ள பிரச்சாரத்தில் உண்மையான காரணங்களைச் சொல்லாமல் அறிவுக்கும் அறிவியலுக்கும் நடைமுறை உண்மைகளுக்கும் மாறான தகவல்கள் தரப்பட்டுள்ளன.

அந்தத் தகவல்கள் இயற்கையையும் தாவர இயலையும் தவறாகப் புரிந்துகொள்ளவே உதவி செய்யும். 

அதனால் பொய்யான பிரச்சாரத்தைக் கைவிட்டு உண்மையான தகவல்களைச் சொல்லுமாறு கடந்த மூன்று வருடங்களாக போராடி வருகிறேன்....

ஆனால் கொடுமை என்னவென்றால் வேலிக் கருவையை ஒழிப்பதற்கான உண்மையான காரணங்களைச் சொல்லவேண்டும் என்று கேட்ட பாவத்துக்கு நான் வேலிக் கருவையை ஆதரிப்பதாகவும் அதை வளர்க்கவேண்டும் என்று சொல்வதாகவும் புரிந்து கொண்டும் என்னசொல்கிறேன் என்பதை படிக்காமலே கண்மூடித்தனமாக எனது கருத்தை மறுப்பதாகவும்  எதிர்ப்பதாகவும் நினைத்து எதிர்க்கிறார்கள்....

அதனால் எனது நிலை என்னவென்று விரிவாக உணர்த்தவேண்டிய அவசியம் ஏற்பட்டுள்ளது. 

அதனால் அது தொடர்பான எனது கட்டுரைகளையும் பதிவுகளையும் படித்துப் பார்க்க எதுவாக அவை தொடர்பான லிங்க்குகளையும் பதிவுகளையும் இங்கு தருகிறேன்....

http://www.drumsoftruth.com/2012/05/19_22.html

http://www.facebook.com/photo.php?fbid=362880010446351&set=pb.100001730669125.-2207520000.1366630878.&type=3&theater


http://www.facebook.com/photo.php?fbid=390207081046977&set=pb.100001730669125.-2207520000.1366623483.&type=3&theater


http://www.facebook.com/photo.php?fbid=392596140808071&set=pb.100001730669125.-2207520000.1366607738.&type=3&theater


http://www.facebook.com/media/set/?set=a.504369772964040.1073741837.100001730669125&type=3

இது தொடர்பான எனது முகநூல் பதிவுகள் இதில் தொடர்ந்து பதியப்படும்....
===================================================================
கேள்வி:Karuvelamaram Nalla visayame. Anaal silavakai velikkaruvai marankal irunthaal athan arukil irandu saal alavukku Paruthi, milakaai sedi pondravai karukuvidum.

என் பதில்: அது எல்லாமரங்களுக்கும் உண்டான பொதுக் குணம் கிருஷ்ணா குமார்! கற்றாழை போன்றவற்றுக்கு அருகில்கூட கொஞ்ச தூரம் விவசாயம் செய்ய முடியாது! அதற்காக வேலிக் கருவை மட்டும்தான் அப்படி என்று சொல்வது எப்படி நியாயம்?....புளியமரம் உட்பட எல்லாமரங்களும் அப்படித்தான்!

Subash Krishnasamy எப்போது இதை கருவேலம் என்று ஒருவர் சொல்கிறாரோ அவருக்கு இது பற்றி ஒன்றும் தெரியாது என்பது பொருள்! இதைப் பற்றி ஒருவர் கருத்துக்கூற விரும்பினால் கருவேல மரத்துக்கும் சீமைக் கருவைக்கும் வேறு பாடு தெரிந்தவராக இருக்கவேண்டும். அல்லது அது பற்றிக் கற்றுக்கொள்ள விரும்புபவராக இருக்க வேண்டும்! அதைவிட்டு பொய்ப் பிரச்சாரத்தை நம்புவது பயன்படாது! அந்தப் பிரச்சாரத்தில் சொல்லப்பட்டுள்ள விஷயங்களைப் பற்றி யார் விவாதிக்க விரும்பினாலும் நான் தயாராக உள்ளேன்!



வேலிக்கருவையை நல்ல தாவரம் என்று நான் எந்த இடத்திலும் சொல்ல வில்லை! அது பற்றிய பிரச்சாரம் தவறு என்பதுதான் நான் சொல்வது!
April 9 at 12:12pm


கேள்வி: Puliya maram oxy eduthukkondu carbon di oxide i veliyidum ungalukku theriuma?

Subash Krishnasamy : அப்படியானால் புளியமரம் ஒளிச சேர்க்கையின்போது கார்பன் டை ஆக்சைடை எடுத்துக்கொண்டு ஆக்சிஜனை வெளியிடுவது இல்லையா?....அப்புறம் என் புளியமரத்தை வெட்டச் சொல்லி யாரும் சொல்ல வில்லை?....



 கேள்வி: Veli karuvayin payanai mattum sollungal pothum .

நான்:  அது நிறையப் பயன் உள்ளது. கண்டிப்பாக வளர்க்கவேண்டும் என்று சொல்லவில்லை! அதுபற்றிய பிரச்சாரம் தவறு! பயப்பட ஒன்றும் இல்லை என்பதே எனது கருத்து! தேவையான இடங்களில் தேவைப்படும்போது அழித்துவிட்டு அதைவிடப் பயனுள்ள தாவரங்களைப் பயிரிடலாம்!



நான் இப்போதும் விவசாயம் செய்கிறேன்... இப்போதும் இந்த முட்களுக்கு இடையே நடமாடுகிறேன்....அதுபற்றிய அச்சம் இல்லை! இப்போதும் ஒப்புக்கொள்ளும்படியான செய்திகளைச் சொல்லியிருந்தால் நான் மறுக்கப்போவது இல்லை! வேலிக்கருவை ஒழிக்கப்படவேண்டிய தாவரம்தான்! ஆனால் அதற்காகச் சொல்லப்படும் காரணங்கள் உண்மை அல்ல ! உண்மையான காரணங்களைப் பற்றி உரையாடினால் பயனுள்ளதாக இருக்கும்!



கேரளாவில் ஒழித்ததற்கும் தமிழ்நாட்டில் அப்படி ஒழிக்கப்படாமல் போனதற்கும் உண்டான காரணங்களை ஆராய்ந்தால் சில உண்மைகளை உணரலாம்!



கேள்வி: நாட்டில் பஞ்சம் வந்த சமயத்தில் வெளிநாட்டில் இருந்து இறக்குமதி செய்த கோதுமையில் கலந்து நமது நாட்டின் விவசாயத்தை பாதிப்பதர்காகவே இங்கு அனுப்பப்பட்டது.

நான்:வேலிக் கருவை மட்டும் அல்ல நண்பரே! அதையொத்த குணம் படைத்த வரட்சிதாங்கி வளரும் அனைத்து மரங்களின் குணமும் அதுவே! அதனால்தானே விவசாய நிலங்களைப் பண்படுத்த காடுகளை அழித்தார்கள்? மரங்கள் மற்ற பயிர்களைப் பாதிக்காது என்றால் ஏன் வெட்டுகிறார்கள்? பாதிக்கவே செய்யும்! அது வேலிக்கருவையின் தனிப்பட்ட குணம் அல்ல! தற்கால நிலைமையில் அதனால் நமக்குப் பல இடையூறுகள் உள்ளன. அது அழிகப்படவேண்டிய தாவரம் என்பதில் சந்தேகம் இல்லை! ஆனால் அதற்குச் சொல்லப்படும் காரணங்கள் அறிவுபூர்வமானவை அல்ல என்பதுதான் முக்கியம்! அதை அழிக்கவேண்டும் என்பதற்கான உண்மைக் காரணங்கள் சொல்லப்படவில்லை என்பதுதான் இதில் முக்கியம்!


Subash Krishnasamy ஒருகாலத்தில் இது பலவகையிலும் பயன்பட்டது.

தற்காலத்தில் இதனால் பெரிய நன்மை எதுவும் இல்லை !

விறகுக்குத் தவிர வேறு எதற்கும் பயன்படாது.

பெரிய மரங்கள்தான் நிழலுக்கு ஆகும்!

அதற்காக இதை வளர்க்கவேண்டிய அவசியம் இல்லை!

ஆனால் இவை மனித நடமாட்டத்துக்கு இடையூறு செய்கின்றன.

வலிமையான முட்கள் பட்டால் வலி அதிகமாக உள்ளது!

வாகனங்கள் பஞ்சர் ஆவதற்கு இந்த முட்கள் பெரிதும் காரணமாக இருக்கின்றன.

ஆட்கள் கிடைக்காத இக்காலத்தில் இவற்றை அழிப்பது சிரமமாக உள்ளது.

இத்தனைக்கும் மேலாக ஒரு முக்கியக் காரணம் உள்ளது.

ஆதாவது நமது நாடு வறண்ட நிலங்களில்கூட மூலிகை வளம் நிறைந்துள்ளது!

இவற்றின் வளர்ச்சியாலும் ஆழமான வேர்களாலும் வேகமாகவும் அதிகமாகவும் பரவுவதாலும் மூலிகைகளுக்கு ஆபத்தான தாவரமாக உள்ளது!

இப்படிப் பல உண்மையான காரணங்கள் இருக்க இல்லாத காரணங்களைச் சொல்வதும் நம்புவதும் எந்த வகையிலும் சரியானதோ பயனுள்ளதோ இல்லை......

Subash Krishnasamy எனது பதிவுகளின் நோக்கம் வேலிக் கருவையை ஒழிக்கச் சொல்லப்படும் காரணங்கள் சரியாக இருக்கவேண்டும் என்பதே! வரட்சிதாங்கி வரரக்கூடிய பல தாவரங்களின் அருகில் எந்த மாதிரித் தாவரங்கள் வளருமா அந்த மாதிரித் தாவரங்கள்தான் வேலிக் கருவையின் அருகிலும் வரும். பாசனப் பயிர்களைப் பற்றி இங்கு பேசப்படவில்லை! பாசனப் பயிர்கள் எந்த மரத்தின் அடியிலும் வளமாக வராது! அது வேலிக் கருவையின் தனிப்பட்ட குணம் அல்ல!. ஆதாவது வேலிக் கருவையை ஒழிக்கச் சொல்லப்படும் காரணங்கள் உண்மையாக இருக்க வேண்டும்....


Subash Krishnasamy வரட்சிதாங்கி வளரும் மரங்கள் ஒவ்வொன்றின் அடியிலும் மழைக்காலங்களிலும் செழிப்பான காலங்களிலும் சில தாவரங்கள் செழிப்பாக இருக்கும். ஆனால் வரட்சிக் காலங்களில் மேல்மட்டத்தில் உள்ள ஈரப் பதத்தை மரங்கள் இழுத்துவிடுவதால் அதன் கீழ் உள்ள தாவரங்கள் வாடிக் கருகி விடும். அது வேலிக் கருவைக்கும் உண்டான குணமே! அதற்கு மட்டும் உண்டான குணம் என்பதுதான் சரி அல்ல! அதற்கான உண்மையான காரணங்களை ஏன் சொல்லவில்லை என்பதுதான் முக்கியம்? தாவரங்களைப் பற்றிய சரியான புரிதலுக்கு எதிராக வேலிக் கருவைக்கு எதிரான பிரச்சாரம் இருக்கிறது. அதுதான் தவறு!


Subash Krishnasamy கேரளத்தில் அது ஏன் விட்டுவைக்கப்படுவது இல்லை என்பதற்குச் சரியான காரணங்களை அறிய வேண்டும். கேரளம் மழை அதிகம் பெய்யும் மாநிலம். மானாவாரியாக அனைத்து விவசாயமும் செய்யும் அளவு மழை பெய்கிறது! அதனால் அவர்களுக்கு இந்த வேலிக் கருவையை ஒழிக்கவேண்டிய நிர்பந்தம் உள்ளது. ஆனால் தமிழ்நாட்டில் அப்படி அல்ல! மானாவாரி விவசாயம் பெருமளவில் நின்றுபோய் நிலங்கள் தரிசாகப் போடப்படுவது அதிகரித்த வண்ணம் உள்ளது. அதனால் தரிசு நிலங்களில் வேலிக் கருவை தங்குதடை இன்றி வளர்கிறது. அதை எரிபொருளுக்காகப் பயன்படுத்தும் பழக்கம் பெருமளவு மறைந்துவிட்டதால் அதை அழிப்பதற்கான முயற்சி எடுக்கப்படாததால் பெருகி விட்டது. அதனால் அரசு முன்முயற்சி எடுத்தால்தவிர அதை அழிக்க முடியாது. அதனால் உண்மையான காரணங்களுடன் உண்மையான புரிதலுடன் வேலிக் கருவையை அழிப்பதற்கான இயக்கம் நடத்தப்படவேண்டும்.

Subash Krishnasamy அதைவிட்டு விஷமப் பிரச்சாரம் தவறு என்று சொன்னால் அது வேலிக் கருவையை ஆதரிப்பதாகப் புரிந்துகொண்டு உண்மை அறியாமல் பேசுவது பயனற்றது!

Subash Krishnasamy ஆம்! விஷமப் பிரச்சாரத்தில் நான் சொன்ன காரணங்கள் எதுவும் சொல்லப்படவில்லை. தவறான காரணங்கள் சொல்லப்படுகின்றன. சரியான காரணங்களைச் சொல்லுங்கள் என்றுதான் சொல்கிறேன்... என் கருத்துக்களில் முரண்பாடு ஒன்றும் இல்லை!